25. शैतान यीशुन परीक्षा किरीह

यीशुन बापतिस्मा एणेन बाद चालुच, पवित्र आत्मा ताह जेंगलाम लीन गियो। यीशु ताहरी चालीह दिह एने चालीह रात रेनो। ति टायमे तो उपास केऱ्यो, एने शैतान यीशु फाय आवीन ताह पापा केरावणे तान परीक्षा केऱ्यो।

पेलूच, शैतान यीशुह केयो, "जर तु बोगवानान सोरो एय ते ज्या देगडाह कि काय रोटू बोण जाऊ काहाकाय तु ताह खाय सकहि!"

पुण यीशु शैतानाह केयो, "बोगवानान वचन माय ज्यो लिखील हि, 'जीवतालु रणेन केरता माणहाह फक्त रोटानुच जरूरत नाह सोथी, पुण ताह ति हर एक वातुन जुरूरत हि जी बोगवान ताह केणे!'"

तेवि शैतान यीशुह मंदिरान आखाम रीन उचा टोका पोर लीन गियो।तो ताह केयो, "जर तु बोगवानान सोरो एय ते न्या रीन नीचू कुद जा, काहाकाय लिखील हि, 'बोगवान तुवाह वीसणेन केरता आपणा स्वर्गदूताहा आज्ञा आपी का तार पायाम देगडान जेठ नेय लागी।'"

पुण यीशु तो नाह केऱ्यो जो शैतान ताह केरणे केरता केतालु। पुण, तोक केयो, "बोगवान आखाह बोगवान आखाह किथी, 'तू प्रभु आपणा बोगवानान परीक्षा मा केरही।'"

ओवतो शैतान ताह केलीन आखा राज्य देखाडयो। तो ताह देखाडयो का ता कोलाक ताकेतवोर एता, एने ता कोलाक हाजा एता। तो यीशुह केयो, "मी तुवाह ज्यो सोब आप देह जर तु मानडया पोडीन माहु वोंडदहि।"

यीशु उत्तर आप्यो, "हे शैतान, मार फाय रीन जात री! बोगवानान वचन माय तो माणहाह किथी, 'फक्त आपणा प्रभु बोगवानाच ने आराधना किरो। ताह चे बोगवान मानीन फक्त ताच ने आदर किरो।'"

यीशु शैतानान परीक्षा माय आरवानू नाह, केरीन शैतान ता फायरीन जात रिनो। तेवी स्वर्गदूत आविन यीशुन सेवा करणे लागा।