26. यीशु सेवान सुरवात किरीह

शैतानान परीक्क्षाह नाकारणेन बाद, यीशु पोशो गलील ने भागाम आवो। ज्यो तो जागो एतो जाहरी तो रेतालो। पवित्र आत्मा ताह जुलुम सामर्थ आपतालो, एने यीशु एक जागे रीन दिहरी जागे जायीन माणहाह हिकाडतालो। आखा तान बारामाय हाजी वात केताला।

यीशु नासरत हेयराम आवो। ज्यो तो गाव हि जाहरी तो आत्योच एतोन रेतालो। शब्बाथान दिह, तो आराधना केरणेन जागे गियो। गुरु ताह यशायाह भविष्यवक्तान संदेशान एक पुस्तक आप्या। ता ताह ति मायरीन वाचाडने होदताला। ओवतो यीशु ती पुस्तक उगाडीन तान एक भाग माणहान केरता वाच्यो।

यीशु वाच्यो, "बोगवान माहु आत्मा आपील हि का मी गरिबाम सुसमाचार पोरचार केर सकू।तो माहु ज्यान केरता मोकलील हि का मी बोंद्याह सोडवू, आंधलाह पोशो देखाडू, एने ताह सोडवू जा दिहरा माणहा चेंदणे बाज रेनाह। ज्यो तो टायम हि जुलबुखे बोगवान आपु पोर किव केरी एने आपणी मद्त केरी।"

ओवतो यीशु बोह गियो। आखा माणहे ध्यान लागाडीन देख ताला। ता जाणताला का जो पवित्रशास्त्रान भाग तो वोचील एतो तो मसीह ने बारामाय एतो। यीशु कियो, "जी वातु मी तुमरे केरता एवी वाच्यो, ति एविच एणे बाज रेन्यूह।" आखा माणहे बोंगलाय गिया। ता केया, "काय ज्यू ते यूसुफान सोरो नाह सोथो?"

तेवी यीशु केयो, " ज्यो खेरोच हि काय माणहे ता भविष्यवक्ताह केदी नाह मानते जो तान हेराम मोठो एनो एय। एलिय्याह भविष्यवक्ता टायमे, इस्राएल जुलुम विधवा एत्यू। पुण जेवी साढ़े तीन वोर्ह्या वोर पाणी नाह आवो ते बोगवान एलिय्याह इस्राएल माय वाली काल्ली विधवान मदत करणे नाह मोकल्यो। पुण, तो एलिय्याह काल्ला दिहराच देशान विधवा फाय मोकल्यो।"

यीशु केणेन चालूच मेल्यो, "एने एलीशा भविष्यवक्तान टायमे, इस्राएल माय जुलुम माणहा चामडान दुखा वाला एता। पुण एलीशा तामाय रीन कुणीह नाह हुदाऱ्यो। तो फक्त इस्राएल ने दुश्मनान सेनापति नामानाह हुदाऱ्यो।" पुण जा माणहा यीशुह होमेलताला ता यहूदी एता। केरीन जेवी ता ताह ज्यो केतालो होमल्या ते ताह जुलुम राग आवो।

नासरत ने माणहे यीशुह देर लेदा एने ताह आराधनान जागे रीन गीहलीन बाहेर ली गिया। ता ताह मार टाकणेन केरता नीचे एक डेगडान टोके लावा। पुण यीशु गर्दीम रीन निकली गियो एने नासरत हेयराह छोडीन जात रिनो।

ओवतू यीशु आखा गलील ने भागाम गियो,एने मोठली गेर्दी ताफाय आवी। ता ओहला जुलुम माणहाह लावा जा दुखाऱ्या एने पांगला एता। ता मायरीन काहिक, चाल एने होमेल,बोल नाय सकताला, एने यीशु ताह हुदाऱ्यो।

एने तोहलाच, जुलुम ओहला माणहे यीशु फाय आवा जामाय दुष्ट आत्मा एति। यीशुने दुष्ट आत्माह तामायरीन निकेल जाणेन आदेश आप्यो। त्यु दुष्ट आत्मा आयेडताली, "तू बोगवानान सोरो हि!" ति गेर्दीन माणहा बोंगलाय जायील एता,एने ता बोगवावानान स्तुति केऱ्या।

ओवतो यीशु बारह एदम्याह निवाडयो ताह तो चेला केयो। ता चेला ता हेरी यात्रा केऱ्या एने तान शिक्षा प्राप्त केऱ्या।