27. दयालु सामरीन कहाणी

एक दिह, यहूदी व्यवस्थान एक जाणकार यीशु फाय आवो।तो सोबाह ज्यो देखाडने होदतालो काय यीशु गलत रीति से शिक्षा आपणे बाज रेणोह। केरीन तो केयो, "हे गुरु, अनन्त जीवन जुडणेन केरता मी काय केरू?" यीशु उत्तर आप्यो, "बोगवानान व्यवस्थामाय काय लिखील हि?"

तो माणुह केयो, "तो किथी काय आपणा बोगवानान आपणा आखा मोन, जीव, सामर्थ, एने बुद्धि केरीन प्रेम केर। तार पड़ोसीपोर तार हारको प्रेम केर।" यीशु उत्तर आप्यो, "तु एकदम खेरो किथी! जर तु इही किरही, ते तुवाह अनन्त जीवन जुड जाय।"

पुण तो व्यवस्थान जाणकार माणहाह देखाडणे होदतालो काय तान जीवणो खेरो एतो। केरीन तो यीशुह पुशो, "ठीक हि, ते मारो पड़ोसी कुण हि?"

यीशु ता व्यवस्थान जाणकारह एक कहाणी केणे द्वारा उत्तर आप्यो। "एक यहूदी माणुह एतो तो वाटे रीन यरूशलेम रीन यरीहो जाणे बाज रीयील एतो।"

पुण काहिक डाकु ताह देख्या एने ता पोर हमला केर देना। ता तान आखो सांडाळ लेदा एने ताह मोरताहुद देना। ओवता ता जात रेना।

ता बाद चालुच, एक यहूदी याजक तीच वाटे रीन सेरकतालो। तो याजक ता माणहाह वाटीपोर पोडील देख्यो।जेवी तो ताह देख्यो ते तो ताह टेलीन ओगाण चाल देनो। तो ता माणहाह नाह देख्यो केवाडीन चाल देनो।

ता बाद काहिक टायम जाणे एणे बाद, एक लेवी तीच वाटे रीन आवो। (लेवी यहूदिय जात ने एतो जाकाय मंदिरामाय याजकान मदत केरताला) तो लेवी भी वाटे रीन ताह टेलीन चाल देनो। तो भी ताह नाह देख्यो केवाडीन चाल देनो।

ओगाण जो ति वाटे आवो तो सामरियान एक एदमीएतो। (सामरी एने यहूदी एक दूहरा पोर राग मेलताला।) तो सामरी वाटी पोर पोडील ता माणहाह देख्यो। तो देख्यो का तो यहूदी हि, पुण ति भी तो ता पोर किव केऱ्यो। ओवतो तो ता फाय आवो एने लागील पोर पट्टी बांन्द्यो।

ओवतो तो सामरी ता माणहाह तान गेदडा पोर बोहाडयो एने ताह रीन एक जागे लीन गियो।ताहरी तो तान चाकरी केऱ्यो।

दिहरे दिह, ता सामरीह तान यात्रा केणेन जरुरी एतो। तो ताहरी वाला एक माणहाह पोयशा आप्यो। तो ताह केयो, "ज्यो माणहान चाकरी किरजी। जर तुवाह उंजू पोयशा लागती ते मी पोशो आवीन तुवाह आप देह।"

ओवतो यीशु ता व्यवस्थान जाणकाराह फुशो, "तुवाह काय लागीह? न्या तीन जाणाम रीन कुण ता माणहान पड़ोसी हि जाह लुटील एने दियील?" तो उत्तर आप्यो, "तोच जो ता पोर किव केऱ्यो।" यीशु ताह केयो, "तु तु भी इहीच किरजी।"