34. यीशु दिहरी कहाणीन हिक आपीह

यीशु बोगवानान राज्य ने बाराम जुलुम कहाणी कियील एतो। उदाहरण ने केरता, तो कियील, "बोगवानान राज्य एक राईन दाणा हारको हि जाह कुण तीभी तान खेताम पेर देनो। तुमुह मालूम हि का राईन दाणा आखा दाणाह रीन आत्यो रिथी।"

पुण जेवी तो मोठो इथी ते तो एक बोगीच्यान आखाच झाडाह रीन मोठो एय जाथी, ओलो मोठो का चिडा आवीन तान दाली पोर बोहतेह।

यीशु एक उंजू कहाणी कियील, "बोगवानान राज्य खमीरान गेत हि जाह एक बायकु लीन फिटा माय बेचकी देनी तेवी तो आखा फिटाम बेचकाय जाथी।"

स्वर्गान राज्य ता खजानान गेत हि जाह कुण तीभी खेताम लीकाड देनो। एने काल्ला दिहराह चे माणहाह तो खजानो सापडी गियो एने ताह तो जुवतालोच। केरीन तो ताह पोशो गाड दिनो। तो ओली खुसी माय एतो काय तो जायीन तान आखो घेरबार वेच दिनो काहाकाय तो ता खेताह लेय लेय जामाय तो खजानो एतो।

स्वर्गान राज्य एक जुलुम किमती शुद्ध मोतीन गेत भी हि। जेवी मोतीन का व्यापारी ताह सापडाविह ते तो ताह लेणेन तान आखो वेच दिथी।

काल्लाह माणहा ज्यो विचार केरताला का बोगवान ताह ज्यान केरता निवाडी का ता हाजा कामे केरताला। ज्या माणहा ओहला माणहाह नीचा मानताला जा हाजा कामे नाह केरताला। केरीन यीशु ताह जी कहाणी केयो : "दुय एदमी एता ता दुय भी प्रार्थना केरणेन मंदिराम आवा। तामाय रीन एक केर वसुली केरणार एतो, एने दिहरू एक धार्मिक गुरु एतो।"

तो धार्मिक गुरु इही केरीन प्रार्थना केऱ्यो, 'हे बोगवान, तारो धन्यवाद एय का मी दिहरा माणहा सारखो – जीहि का डाकू, अन्यायी माणुह, व्यभिचारी, एने न्याहरी उबरीयील ज्या केर वसुली केरणारान गेट पापी नाह सोथो।'

उदाहरण केरता, मी दर हफ्ताम दुय वार उपास केरणे, एने माहु जुडणारा धेन एने सामानान दशमाऊस मी आपथु।

पुण तो केर वसुली केरणार ता धार्मिक गुरुह रीन सेटोच उब रेय गियो।तो उपेर स्वर्गान उखेर देख्यो भी नाह। ता शिवाय, तो साती ठोक्यो एने प्रार्थना केऱ्यो, 'हे बोगवान, कृपा केरीन माहु पोर दया केर काहाकाय मी एक पापी हि।'

ओवतो यीशु केयो, "मी तुमूह खेरीच केथु, बोगवान ता केर वसुलणारान प्रार्थनाह होमल्यो एने ताह धर्मी गेण्यो। पुण तो ता धार्मिक गुरुन प्रार्थनाह नाह होमल्यो। बोगवाना आखा घमंडीन मुंड नेचो केरी, पुण तो ता आखा जाणान आदर आपी जा जो स्वताह नम्र केरी।"