33. पेरणारान वार्ता

एक दिह, यीशु दरियान मेरे गियो। ताहरी तो माणहान जुलुम मोठी गेर्दीह हीकाडतालो। ताह होमेलणे ओला माणहे आवा का यीशु फाय ताहेरी वात केरणेन जागो नाह रेनो। केरीन तो पाण्याम उबरीयील नावीम चेढ गियो। ताहरी तो बोह गियो एने माणहाह हिकाडणे बाज गियो।

यीशु ताह एक कहाणी केयो, "एक पेरणार पेरणे निकल्यो।जेवि तो फाकरीन पेरतालू ते काहिक दाणा वाटी पोर पोडणा। पुण चिडा आवीन ता आखा दाणाह खाय गिया।"

दिहरी दाणा बुयी पोर पोडणा जाहरी जुलुम कोम माटळ्यो एतो। सापराट्या पोडील दाणाह जेल्दीच हुका फोड्या, पुण मुलाह हाजी बुय नाह जुडणी। दिह निकेल्नो दोप पोडणो ते ता कोमटायीन मोर गिया।

एने दिहरा दाणा जाडवाठ्याम पोडणा। ता दाणा उगना, पुण काटा ताह दाब देना। केरीन काटा वाली बुयी पोर वाला दाणा उगना पुण ताह काय फोल नाह लागनो।

एने उंजू दिहरा दाणा हाजी बुयी पोर पोडना। ता उगना एने जोलाक पेरीन एता ताहरीन 30,60, एने 100 गुणा फोल लावा। जो कुण बोगवानान पासाण चालणे होदिह, तो मार वातु पोर ध्यान देय जो मी केणे बाज रेनोह!

जी कहाणी चेलाह नाह सोजमनी। केरीन यीशु अर्थ केयो का, "ता दाणा बोगवानान वचन हेते। ती वाट एक ओहलो माणुह हि जो बोगवानान वचनाह होमलीह, पुण सोमजित नाह। एने शैतान ता फायरीन वचन चोर लिथी। अर्थाम शैतान ताह वचन सोमेजणे से सेटो मीलीह।"

ती सापराट्या वाली बुय ओहलो माणुह हि जो बोगवानान वचन होमलीह एने खुस एयीन ताह स्वीकार केर लिथी। पुण जेवी कठीण टायम आवीह,एने जेवी दिहरा माणहे कीचवाडनु, ते तो बोगवाना हेरी रीन सेटो जात रीथी। अर्थाम तो बोगवाना पोर विश्वास केरणे बोंद केर देथी।

ति काटा वाली बुय ओहलो माणुह हि जो बोगवानान वचन होमलीह। पुण जुलुम वातुन चिंता करणे चालू केर देथी, एने तो जुलुम धेन कामावणेन किरीह, एने तो जुलुम वोस्तुह कामावणेन किरीह। थोडाक टायमा बाद, तो बोवानानाह पोर प्रेम केरणेन नाह होदित। केरीन जो तो बोगवाना वचनासे हिकील एतो तो बोगवानाह खुस नाह केरीत। तो गोवान बुहटा हारको हि जो का काय नाह उगाडीत।

पुण हाजी बुयी तो माणुह हि जो बोगवानान वचनाह होमलीह, एने ता पोर विश्वास किरीह, एने हाजो फोल लाविह।