36. वेह बोदेलणु

एक दिह, यीशु आपणा तीन चेलाह पतरस, याकूब,एने यूहन्ना हाती हाथी लेदु। (ज्यो यूहन्ना नावान माणुह तो नाह सोथो जो यीशूह बाप्तीस्मा आपील एतो।) ता व प्रार्थना केरणेन एक उचा बोय पोर गिया।

जेवी यीशु प्रार्थना केरणे बाज रीयील एतो तेवी तान चेहरो दिह्यान होस चमकतालो। तान फाडका उजालान गेत दोवल्या एय गिया, जीही वादलो रिथी ताह रीन भी दोवल्यो।

तेवी मूसा एने एलिय्या भविष्यवक्ता देखाना। ज्या एदमी जी केलीम जुलुम पेल रेताला। ता यीशु हेरी तान मोत ने बाराम वात केऱ्या, काहाकाय तो जेल्दीच यरूशलेम माय मोरण्यो एतो।

जेवी मूसा एने एलिय्या यीशु हेरी वात केरताला तेवी पतरस केयो, "आपणे केरता न्याहरीच रेणेन हाजो हि। आपु तीन तंबु बोणावहू, एक तार केरता, एक मूसान केरता, एने एक केरता।" पुण नाह जाणतालु तो तो काय किथी।

जेवी पतरस वातु केरतालुच, ते एक चोमेदार वादलो आवीन ता पोर सावाय गियो।ता वादलाम रीन एक आवाज होमल्या। तो इही का, "ज्या मारो मोंगालु सोरो हि जा पोर मी प्रेम केरथु। मी ज्यासे खुस हि। ज्यान होमलु।" तान तीन चेला बिय गिया एने बुयी पोर पोड लोट गिया।

तेवी यीशु ताह सापल्यो एने केयो, "बिउ मा। उठ जाउ।" तेवी ता चार उखेर देख्या, ते ताहरी फक्त यीशु एतो।

यीशु एने ता चेला ता बोयडा पोर रीन पोशा नेचा उतरी आवा। तेवी यीशु ताह केयो, "एवी जो न्याहरी एनो तो कुणीह मा केहू। जी जेल्दीच मोर जाह एने पोशो जीवतालो एय जाह। ता बाद, तुमु माणहाह केज्यू।"