37. यीशु लाजराह मोरील मायरीन जीवाडीह

लाजर नावान एक माणुह एतो। तान दुय बोणीक एत्यू जीन नाव मरियम एने मार्था एतो। ता यीशुन पाक्का दोस्ती एता। एक दिह, कून तीभी यीशुह केयो का लाजर जुलुम दुख्याऱ्यो हि। जेवी जब यीशु होमल्यो ते केयो, " जी बिमारी लाजराह मोरणे से निवरी नेय। पुण, जी माणहाह बोगवानान आदर केरणेन प्रेरित केरी।"

यीशु आपणा दोस्ता पोर प्रेम केरतालू, पुण जाहरी तो एतो तो ताहरीच दुय दिह रिनो। तो दुय दिह बाद, तो तान चेलाह केयो, "आवो, पोशा यहूदिया जाता।" चेला उत्तर आप्या, "पुण हे गुरु, एवीच काहिक टायम पेल तावाला माणहे तुवाह मारणे होदताला!" यीशु केयो, "आपणो दोस्ती लाजर हुव जायील हि, एने माहु ताह उठाडणु हि।"

यीशुन चेला उतर आप्या, "हे प्रभु, जर लाज़र हुवणे बाज रेनोह, ते तो हाजो एय जाय।"तेवी यीशु ताह केयीच दिनो, “हा लाजर मोर जायील हि मी खुश हि का मी ताहरी नाह एतो, काहाकाय तुमु मार पोर विश्वास केरहो।"

जेवी यीशु लाजर ने गाव पोचनो ते लाजराह मोरील चार दिह एय जायील एता। मार्था यीशुह मिलाणे बाहेर आवी एने केयी, "हे प्रभु, जर तु न्याहरी रिततो मारो बाहाक नय मोरतो। पुण मी विश्वास केरथु काय जो तु बोगवाना फाय मांगहि तो तुवाह आपी।"

यीशु उत्तर आप्यो, "पुनरुत्थान एने जीवन मीच हि। जो कुण मार पोर विश्वास केरीह तो मोर भी जाय तीभी जीवतालो रेय। जो कुण मार पोर विश्वास केरीह तो केदी मोरी नेय।काय तु ज्यापोर विश्वास केरीह?" मार्था उत्तर, "हे प्रभुआपी, मी विश्वास केरथु का तु बोगवानान सोरो मसीह हि।"

तेवी मरियम आवी। ती यीशुन पायाम पोडीन केयी, "हे प्रभु, जर तु रेतु ते मारो बाहाक नय मोरतो।" यीशु तीह फुशो, "तुमु लाजराह काहरी मेलील हेते?" ता ताःह केया, "माहणाम। आव एने देख।" तेवी यीशु रेड्यो।

तो माहणो एक गुफा एति जान बायणा पोर एक देगुड लागाडील एतो। तेवी यीशु माहणे पोच्यो ते तो केयो, "देगुड सेटो केर दिवु।" पुण मार्था केयी, "ताह मोरीन चार दिह एय जायील हेते। तो गेंदाणे बाज गियो एय।"

यीशु उत्तर आप्यो, "काय मी तुमूह नाह केयो काय जर तुमु मार पोर विश्वास केरहु ते बोगवानान सामर्थ देखहु?" केरीन ता दिगुड हेरकाव देना।

तेवी उपर हेरगा उखेर देखीन केयो, "हे आबा, मारो होमेलणेन केरता मी तारो धन्यवाद केरथु। मी जाणथु का तु मारो होमलीह,पुण मी ज्यो न्याहरी उभरीयील ण्या माणहान केरता केयो का ता तार पोर विश्वास केरती का तु माहु मोकलील हि।" तेवी यीशु आयडयो, "हे लाज़र, बाहेर निकेल आव!"

एने लाजर बाहर निकल आवु! तो एवी भी फाडकाम गोंडलायील एतो। यीशु ताह केयो, "ज्या फाडकाह काडणेन ताह मदत केरो एने ताह निकालो।" ज्या चमत्कारान वजेसे मोक्ताच यहूदि यीशु पोर विश्वास केऱ्या।

पुण यहूदिन धार्मिक गुरु यीशुह कुयराणे लागा, केरीन ता विचार केऱ्या का किहिक यीशुह एने लाजराह मारहु।