38. यीशुह देरावणो

दर वोरही, यहूदी माणहे फसह ने तिवार केरताला। ज्यो तिवार ज्यान केरता एतो का काहिक वोर्ह्या पेल बोगवान तान डाय डायलाह मिस्र देशान गुलामी माय रीन सोडविल एतो। कोमी ते कोमी तीन वोर्ह्या बाद यीशु आखाह पोरचार केरणे एने हिकाडणे चालू केऱ्यो। यीशु तान चेलाह केयो का तो ता हेरी यरूशलेम माय फसह ने तिवार केरण्यो हि, एने ज्यो भी का तो ताहरी माराय जाय।

यीशुन चेलाम रीन एक यहूदा नावान एदमी एतो। यहूदा चेलान पोयशान थेयली होमालणार एतो, पुण कायम तो थेयलीम रीन पोयशा काड लेया करतालु। यीशु एने चेलान यरूशलेम माय पोचणे बाद यहूदा यहूदी गुरु फाय गियो। तो पोयशान बदले यीशु ताह फाय देरावणेन वात केयो। तो जाणतालो का यहूदी गुरु यीशुह मसीह नाह मानताला। तो जाणतालो का ता ताहा मारने होदताला।

महायाजकान केणे से यहूदी गुरु यीशुह देरावणेन यहूदाह तीस चादीन सिक्का आप्यो।ज्यो तीहीच एनो जीही काय भविष्यवक्ता केयील एता काय एय। यहूदा मान गियो एने पोयशा लीन निकली गियो। तो यीशुह देरावणेम तान मदत केरणेन गालो होदने लागु।

यरूशलेम आवीन, यीशु तान चेला हेरी तिवार केऱ्यो। फसहने खाणान विचमाय, यीशु रुटू लीन तोडयो। एने केयो, "ज्याह खावो। ज्यो मारो डील हि जो मी तुमरे केरता आपण्यो हि। इहीच केरीन माहु एर केरीन केऱ्याच केरज्यो।" इही केरीन, यीशु केयो का तो तान केरता मोर जाय, अर्थाम तान केरता तान डील बली चेढाव देय।

ओवतो यीशु एक अंगुरांन रुहान गिलास लेदु एणेन केयो, "ज्या पीय लिवो।ज्यो नोवाली वायदान ति लुय हि जी मी तुमरे केरता गेलावूह का बोगवान तुमरा पापे क्षमा केरी। केदिह ज्याह पिणेन टायमे मारी एर केरीन ज्याह केरज्यु जो मी एवी केरथु।"

तेवी यीशु तान चेलाह केयो, "तुमु मायरीन एक जान माहु देरावि।" चेला बोंगलाय गिया, एने फुसणे लागा ओहलो काम कुण केरी। यीशु केयो, " माहु देरावणार माणुह तो हि जाह मी रोटान तुकडा आपथु।" ओवतो तो तो रुटू यहूदाह आप्यो।

ता रोटाह खेणेन बाद, यहूदाम शैतान रिग गियो। यहूदा निकलीन यीशुह देरावणेन यहूदी गुरुह मदत केरणेन जात रेनो। तुलबुखे रात एती।

खाणेन बाद, यीशु एने तान चेला जैतून बोयडा पोर जात रेना। यीशु केयो, "तुमु आखा माहु आज राती सोड दिहु। ज्यो लिखील हि, 'मी गोवालाह मारूह एने आखा मेंडरा दानाफान एय जाती।'"

पतरस उत्तर आप्यो, "आखा तुवाह सोड देती पुण मी तुवाह नय सोडू!" तेवि यीशु पतरसाह केयो, "शैतान तुमु आखाह लेणे होदिह, पुण हे पतरस, मी तार केरता प्रार्थना किरील हि का तु विश्वासासे चुकहि नय। तीभी, आज की रात, कुकडाह वाहणेन पेल तु तीन वारीन माहु नाकारहि का तु माहु नाह जाणीत।"

पतरस यीशुह केयो, "मी मोर भी जाह,पुण मी केदी नाकारु नय!" बाकीन आखा चेला भी इहीच केया।

तेवी यीशु तान चेला हेरी गतसमनी नावान जागे गियो। यीशु तान चेलाह प्रार्थना केरणे केयो का शैतान तान परीक्षा नय केरी। तेवी यीशु स्वतान केरता प्रार्थना केरणे जात रेनो।

यीशु तीन वार प्रार्थना केऱ्यो, "हे मारा आबा, जर एय ताहार ओहलो दुख माहु पोर मा आवणे देय।पुण माणहाण पाप क्षमा केराणेन दिहरो काल्लोच उपाय नाह सोथो, ते तारी इच्छा पुरी एय।" यीशु जुलुम दुखी एतो एणेन तान उभारो लुयीन टीमकान गेट एतो। ताह ताकेत आपणेन बोगवान एक स्वर्गदूताह मोकल्यो।

दर वार प्रार्थनान बाद, यीशु तान चेला फाय आवो, पुण ता हुव जाताला। जेवी यीशु तीसरी वार आवोते तो केयो, "जाग जावो! माहु देरमारे आव गीयाह।"

यहूदी गुरु, सैनिक, एने मोकतीच गेर्दी हेरी यहूदा आवु। ता तालवारे एने देंगा लीय रीयील एता। यहूदा यीशु फाय आवीन ताहा केयो, "हे गुरु, नमस्कार," एने ताह गुल्या देनो। तो देवणेन ताह यहूदी गुरुह देखाडणेन इही किरील एतो। तेवी यीशु केयो, "हे यहूदा, काय तु गुल्या दिन माहु देराविह का?"

जेवी ता सैनिक यीशुह देरताला,ते पतरस तान तलवार निकालीन महायाजकान एक सेवकान कान काट दिनो। यीशु केयो, "तलवार सेटो केर! मी मार आबाक किन माहु वोचाडने स्वर्गदूतान एक सेना मागाड सकथु। पुण माहु मारा आबाकने वात मानणू हि।" तब यीशु ने उस व्यक्ति के कान को ठीक कर दिया। तब सारे चेले भाग गए।