39. यीशु अधिकारीन सामने

आर्धी रातीन टायम एतो। ता सैनिक यीशुह महायाजकान घेर लावा, काहाकाय तो यीशुह पूसताश केरण्यो एतो। पतरस सेटो रीन तान पासाण-पासाण आवो। जेवी सैनिक यीशुह घेराम लीगीया, ते पतरस बाहेर रीन आखठे हेकाणे बाज गियो।

घेराम, यहूदी गुरु यीशु पोर मुकद्दमा चालाड्या। ता तान विरुद्ध जुठी वातु केणेन केरता मोक्ताच जुठा पुरावो देणारा लावा। पुण, तान वातु एक दिहरा हेरी बेलाताली नाह, केरीन यहूदी गुरु ताह किल्लीच वातुम नाह गुनागार ठेराव सकना। यीशु कायीच नाह केयो।

आखरी, महायाजक सिधो यीशुन उखेर देखीन केयो, "आमुह कि काय तूच जीवताला बोगवानान सोरो मसीह हि?"

यीशु केयो, "मीच हि, एने तुमु माहु बोगवाना हेरी बोहीन एने स्वर्गाम रीन आवतोलु भी देखहु।" महायाजक तान फाडका फाड लेदु काहाकाय जो यीशु ताह केयील एतो ति वात पोर ताह राग आवो। तो दिहरा गुरुह आयडीन केयो, " आपुह ज्यो केणेन उंजू कुणीन गिरिज नाह काय ज्यो माणुह काय किरील हि! तुमु स्वताच ताह ज्यो केतालू होमली लेदा का तो बोगवानान सोरो हि। ज्यान बाराम तुमरो काय निर्णय हि?"

आखा यहूदी गुरु उत्तर आप्या, "तो मारणेन लायक हि!" तेवी ता तान डोला पोर पट्टी बाध देना, एने ता पोर थुप्या, एने ताह देना, एने ता पोर आह्या।

एने पतरस, जेवी घेरान बाहेर वाट जोवतालु। तेवी एक दासी सोरी ताह देखी।ति ताह केयी, "तू भी यीशु हेरी एतो!" पतरस नाकार देनो। बाद माय, उन्जू कालीह बायकू जिच वात केयी, एने पतरस उन्जू नाकार देनो। आखरी माय, काहिक एदमी ताह केया, " आमुह मालूम हि का तु यीशु हेरी एतो काहाकाय तुमु दुय भी गलील वाला हेते।"

तेवी पतरस केयो, "जर मी ज्या माणहाह जाणतेय ते बोगवान माहु श्राप आपी!" ताहारूच पतरसान इही केरीन शपथ खाताच, एक कुकडो वाह देनो। यीशु पासाण फिरीन पतरसाह देख्यो।

पतरस ताहरी रीन जात रिनो एने आयडी-आयडीन रेड्यो। तीच टायमे, यीशुह देरावणार यहूदा देख्यो का यहूदी गुरु यीशुह मोत ने सजा आपतेह। यहूदा जुलुम दुखी एनो एने जायीन फासी काय लेदु।

तेवीह ता देशान राज्यपाल पिलातुस एतो। तो रोम ने केरता काम केरतालु। यहूदी गुरु यीशुह ता फाय लीगीया। ता होदताला का पिलातुस ताह मोत ने सजा आपी एने ताह मार टाकी। तेवी पिलातुस यीशुह फुशो, "काय तु यहूदिन राजा हि?"

यीशु उत्तर आप्यो, "तु खेरीच किथी। पुण मारो राज्य जी केलीन नाह सोथो।जर रेतो ते मारा दास मार केरता लेडायी केरता। मी जी केली पोर बोगवानान बारामाय केणेन आवील हि। आखा ता जा खेरायीह प्रेम केरणु ता मारी होमेलणु।" पिलातुस केयो, "ते खेरायी काय हि?"

यीशु हेरी वात केरणेन बाद, पिलातुस न बाहेर गेर्दी फाय जीयीन केयो, "माहु जामाय ओहलो कायीच कारण नाह सापडणो काय ज्यो मार टाकणेन लायक रेय।" पुण यहूदी गुरु एने गेर्दी आयडी-आयडीन केयो, "ज्याह क्रूसा पोर चेढाव देवो!" पिलातुस उत्तर आप्यो, "तो कायच गुणो केरील नाह सोथो।"पुण ता उन्जू भी उचा आवाजाम आयेडने बाज गिया। तेवी पिलातुस तीसरी वार केयो, "तो गुनागार नाह सोथो!"

पिलातुस बिय गियो का ति गर्दी देन्गु केरणेन चालु केर देय, केरीन तो यीशुह क्रूस चेढावणेन मान गीयो। रोमी सैनिक यीशुह को कोडा लागाडया, एने ताह राजान फाडका पेराव्या, एने मुंडापोर काटान मुकुट मेल्या। तेवी ता ताह ज्यो केयीन आहणे बाजगिया, "देखो, यहूदिन राजा!"