41. बोगवान यीशुह मोरील मायरीन जुवाडीह

सैनिका द्वारा यीशुह क्रूस पोर चेढावणेन बाद, यहूदी गुरु पिलातुसाह केयो, "तो झुठो, यीशु केयील एतो का मी तीन दिहाम पोशो मोरील मायरीन जीव उठूह।कुणीह तीभी ज्यो देखणेन पोडी का तान चेला आवीन तान शरीराह चोर नय लेती। जर ता चोर लेती ता केती का तो मोरील मायरीन जीव जायील हि।"

पिलातुस केयो, "काहिक कुछ सैनिकाह लीन जावु, एने जीही तुमूह केरू लागी तीही माहणान राखवाली केरो।"केरीन ता ता माहणान बायणा पोर हाकुल नागाड देना। ता ज्यो देखणे ताह सैनिकाह भी मेल देना काय कुण भी तान शरीराह चोरीन लीजाय नाय।

यीशुह मोरणेन बाद दिहरो शब्बाथ ने दिह एतो। कुण भी शब्बाथान दिह काम नाह केर सकतालो, केरीन यीशुन काल्लोच हाथी माहणापोर आवील नाह एतो। पुण शब्बाथान बाद ने दिह, जुलुम वेगाच, काहिक बायकु यीशुन माहणे जाणेन तियार एनी। ति यीशुन शरीरा पोर सुगंधीत मसाला लागडन्यु एत्यू।

ति बायकूह पोचणेन पेल, माहणान जागे एक मोठलो भूकम्प एनो। स्वर्गाम रीन एक स्वर्गदूत आवीन ता देगडाह सेटो केर देनो जो माहणान बायणा पोर मेलील एतो एने ता पोर बोह गियो। ज्यो स्वर्गदूत उजान गेत चोमेकतालो। माहणा पोर जा सैनिक एता ता ताह देख्या।ता ओला बिय गीया मोरीलान गेत बुयीपोर पोड गिया।

जेवी ती बायकू माहणे पोचनी ते तो स्वर्गदूत तीह केयो, "बिवू मा। यीशु न्याहरी नाह सोथु। तो मोरील मायरीन जीव जायील, जीही तो केयील एतो का मी जीव जाय! माहणामाय होदु एने देखो।" त्यु बायकू माहणा माय जायीन एने जाहरी यीशुन शरीर मेलील एतो ताहरी होदयु एने एने देख्यू काय तान शरीर ताहरी नाह एतो!

तेवी तो स्वर्गदूत त्यु बायकुह केयो, "जायीन तान चेलाह केवो, 'यीशु मोरील मायरीन जीव जायील एने तो तुमरे ओगाण-ओगाण गलील जाय।'"

त्यु बायकू बोंगलाय गियो एने खुश एन्यु। ती चेलाह जी हाजली खुबेर केणेन दोवड्यू।

जेवी त्यु बायकु चेलाह जी खुबेर केणेन केरता जाताल्युन वाटेच एत्युन, ते यीशु त्युह देखानु। त्यु तान पाया पोर पोड गीयु। तेवी यीशु केयो, "बिवु मा। जायीन मारा चेलाह गलील जाणेन केवू। ता ताहरी माहु देखती।"