42. यीशुन स्वर्गाम जाणो

जी दिह बोगवान यीशुह मोरील मायरीन जीवतालु किरील एतो, तान दुय चेला जागे वाला गावाम जाताला। चालतालान ता यीशु हेरी जो एयील एतो। तान बारामाय वात केरताला, तान आशा एती का तो मसीह एतो, पुण तीभी तो माराय गियो। एवी त्यु बायकु केत्युह का तो पोश्यो जीवतालु एय जायील हि। ता नाह जाणताला का काल्ली वात पोर विश्वास केरणे।

यीशु ता फाय आवो एने ताहेरी चालणे लागो, पुण ता ताह नाह ओलख्या।तो ताह फुशो का ता कुणीन बरामाय वात केरतेह। ता ताह पासाणल्या दिह्याम यीशु हेरी एयील घटनान बाराम केयो। तो विचार केऱ्या काता एखादा एनजाणल्या हेरी वात केरतेह जो नाह जाणतालो का यरूशलेम माय काय एयील एतो।

तेवी यीशु ताह सोमजाड्यो का बोगवानान वचन मसीह ने बाराम काय किथी। जुलुम पेल, भविष्यवक्ता केयील एतो का खराब माणहे मसीहाह वेला केरावति एने मार टाकती। पुण भविष्यवक्ता ज्यो भी केयील एता का तो तीसरे दिह जीव जाय।

जेवी ता ता हेयराम पोचना जाहरी ता दुय जाणा रोकाण्या एता, तुलबुखे साज पोड जायील एतो। ता यीशुह ता हेरी रोकाणे केयो, ओवतो तो ता हेरी एक घेराम गियो। ता हांज खाणे केरता बोठा। यीशु न एक रोटू लीन तान केरता बोगवानाह धन्यवाद दिनो, एने ताह तोडयो। उचकाहुच, ता जाण लेदा का तो यीशु एतो। पुण तो तुलबुखेच, तान ओगाण रीन गायप एय गियो।

ता दुय जाणा एक दिहराह केयो का, "तो यीशु एतो! केरीन तो आपुह बोगवानान वचन होमजाडतालो ते आपु जुलुम खुश एता!" ताहरूच, ता निकलीन वापस यरूशलेम गिया। जेवी ता पोच्या ते चेलाह केया, "यीशु जीवतालु हि! आमु ताह दिखील हेते!"

जेवी चेला वातु केरतालन, यीशु उचकाहुच ता घेराम देखानो। तो केयो, "तुमुह शांती जुडी!" चेला विचार केऱ्या ज्यो बुतडो, पुण यीशु केयो, "तुमु काहा बितेह? तुमु ज्यो विचार काहा नाह केरते ज्यो खेरी मी हि, यीशु? मारा आथ एने मारा पायाह देखो।बुतडा फाय ओहलो शरीर नाह रेत जोहलो मार फाय हि।" ज्यो देखाडणेन केरता का तो बुतडो नाह सोथो, तो खाणेन केरता मांग्यो। ता ताह एक मासान तुकडो आप्या, एने तो ताह खाय लेदो।

यीशु केयो, "मारा बाराम बोगवानान वचन जो भी केथी तो एय। मी तुमूह केयील एतो का ओहलो एणेन जरुरी हि।" तेवी यीशु ताह बोगवानान वचन हास केरीन सोमजाडयो। तो केयो, "जुलुम पेल भविष्यवक्ता लिखील एता का माहु, मसीहाह वेला केरणे पोडी, मोरणे पोडी एने पोशो तीसरे दिह मोरील मायरीन जीव उठी।"

ता भविष्यवक्ता ज्यो भी लिखील एता का मारा चेला बोगवानान वचनान पोरचार केरती। ता आखाह पश्चाताप करनणेन केती। जर ता इही केरती ते बोगवान तान पापापान क्षमा केरी। मारा चेला ज्यो पोरचार केरणेन यरूशलेम मायरीन सुरुवात केरती। तेवी ता आखी जागे आखी जातीम जाती। तुमु मारी आखी वातुन एने आखा कामान गवाह हेते ज्यो मी केयील एने किरील एतो, एने ता आखान भी जो मार हेरी एनो।

ओगाणल्या चालीह दिह वोर, यीशु तान चेलाह मोक्ताच वार देखानो। एक वार ते तो 500 से जादा माणहाह देखानो! तो तान चेलाह मोक्तीच वातु से गवाही आप्यो का तो जीवतालो एतो।

यीशु तान चेलाह केयो, "बोगवान माहु स्वर्ग एने केलीन आखा जाणा पोर राज्य केरणेन अधिकार आपील हि। केरीन एवी मी तुमूह केथु: जावो एने आखी जातीन माणहाह चेला बोणावो। ज्यो केरणेन केरता, तुमुह ताह आबाक, सोरो, एने पवित्र आत्मान नावाम बाप्तीस्मा आपणु हि। जी आज्ञा मी तुमुह आपील हि त्यु आखीह भी तुमूह मानणे हिकाडणे पोडी। एर मेलो, मी कायम तुमरे हेरी रेह।"

यीशु मोरील मायरीन जीव उठणेन चालीह दिह्या बाद, तो तान चेलाह केयो, " जेवी वोर मारू आबुक तुमूह सामर्थ नाह आपित ताह वोर यरूशलेम मायच रीवो। तो तुमु पोर पवित्र आत्मान मोकेलणेन द्वारा ज्यो केरी।" तेवी यीशु स्वर्गाम जात रिनो, एने एक वादलो ताह तान नेजर से लीकाड लेदो। स्वर्ग माय यीशु आखी वोस्तु पोर राज्य केरणेन बोगवानान डाखरी उखेर बोह गियो।