44. पतरस एने यूहन्ना एक भिखारीह हाजो केरतेह

एक दिह, पतरस एने यूहन्ना मंदिर माय गिया। एक अपंग माणुह भिख मांगणेन बायणा पोर बोहरीयील एतो।

पतरस ता लेंगडा माणहान उखेर देख्यो एने केयो, "माहु फाय तुवाह आपणेन पोयशा नाह सोथा। पुण जो माहु फाय हि तो मी तुवाह आपूह। यीशु नाव से, उठ एने चाल-फिर!"

ताहरूच, बोगवान ता लेंगडा हाजो केर दिनो। तो न्याहरो-ताहरो चालणे एने कुदणे, एने बोगवान स्तुति केरणे सुरवात केर दिनो। मंदिरान खोलीम वाला माणहा बोंगलाय जायील एता।

जेल्दीच माणहान एक गेर्दी ता माणहाह देखणे आवी जो हाजो एयील एतो। पतरस ताह केयो, "ज्यो माणहो हाजो एनोह, पुण जी वातु पोर मा बोंगलावो। आमु ज्याह आमरी शक्ति से हाजो नाह केरील सोता, एने ज्यान से नाह का आमु बोगवानान आदर केरतेह। पुण, तो यीशु हि जो ज्या माणहाह तान शक्ति हाजो केरील हि, काहाकाय आमु ता यीशु पोर विश्वास केरतेह।"

ता तुमुच हेते जा ता रोमी राज्यपालह यीशुह मार टाकणेन कियील एता। तुमु ताह मार टाकील जो आखाह जीवन आपतालु।पुण बोगवान ताह मोरील मायरीन जीवतालु किरील। तुमु नाह सोमज्या का तुमु काय केरताला, पुण पुण जुलबुखे तुमु तो काम केरताला, ते जो भविष्यवक्ता केयील तो पुरो एनो। ता कियील एता मसीह दुख विसी एने मोर जाय। बोगवान ज्यो इहीच केरीन एणे दिनो। केरीन अवि, पश्चाताप किरो एने बोगवानान उखेर फिरू, का तो तुमरा पापाह धोविन साफ केर देय।

जेवी मंदिरान गुरू पतरस एने यूहन्नाह होमल्या, ते जुलुम बिय गिया। केरीन ता ताह देरीन जेलीम टाक देना। पुण जो पतरस केयील एतो ता पोर जुलुम माणहा विश्वास किऱ्या। यीशु पोर विश्वास केरणारान गेणती वोदिन कोमी ते कोमी 5,000 एय गीयी।

ओगाणली दिह, ता यहूदी गुरु पतरस एने यूहन्ना ह महायाजक एने दिहरा धार्मिक गुरुन ओगाण लीन आवा। ता ता माणहाह भी लीन आवा जो अपंग एतो। ता पतरस एने यूहन्नाह फुश्या, "काल्ला अधिकार से से तुमु ज्या अपंग माणहाह हाजो केऱ्या?"

पतरस उत्तर आप्यो, " ज्यो माणुह जो तुमरे ओगाण हि ताह यीशु मसीह ने सामर्थ ने द्वारा हाजो एयील हि। तुमु यीशुह क्रूस पोर चेढाव दियील, पुण बोगवान ताह पोश्यो जीवतालो केर दियील हि! तुमु ताह नाकार देना, पुण यीशुन सामर्थ ने उद्धार ने काल्लोच दिहरी वाट नाह सोथी!"

ता गुरू बोंगलाय गिया का पतरस एने यूहन्ना जुलुम हिमुत से वात केरील एता।ता देख्या का ज्या साधारण एदमी एता जा हिकील नाह एता। पुण ओवतो ताह एर आवो का ज्या एदमी यीशु हेरी रीयीय एता। केरीन ता ताह केया, "आमु तुमुह जुलुम सजा देहू जर तुमु ज्या यीशुन बारामाय माणहाम पोरचार केरहु।" ओहल्यु जुलुम वातु केणेन बाद, ता पतरस एने यूहन्ना सोड देना।