48. यीशुच वायदो केरील मसीह ही

जेवी बोगवान केलीह बोणायील तेवी आखो हाजो एतो। कायच पाप नाह एतो। आदम एने हव्वा एक दिहराह प्रेम केरताला, एने ता बोगवानाह भी प्रेम केरताला।काल्लीच बीमारी एने मोत नाह एतो। बोगवानाह ओहलीच केली जुवताली।

शैतान गेयळेक बोणीन बोगीच्याम हवा हेरी वात केऱ्यो, काहाकाय तो तीह धोखो देण्यो एतो।तेवी हवा एने आदम बोगवानान विरुद्ध केऱ्या। काहाकाय ता पाप केरील एता केरीन केली पोर वाला आखा माणहे मोरणू।

काहाकाय आदम एने हवा पाप केरील एता, केरीन ज्यो नाह हाजो एनो का।ता बोगवानान दुश्मोन बोण गिया। तावजेसे,तेवीह रीन आखा जाणा पापी हेते।आखा जाणा जेल्मो से बोगवानान दुश्मोन हेते।बोगवान एने माणहान विचमाय शान्ति नाह इति।पुण बोगवान शान्ति बोणावणे होदतालो।

बोगवान वायदो केऱ्यो का हवान वोचने एक जाण शैतान मुंड चेंदी। तो ज्यो भी केयो का शैतान तान पायान गुटण्याह टोची।दिहरा शब्दाम, शैतान मसीहाह मार टाकी,पुण बोगवान ताहा पोशो जीवतालो केर देय। ता बाद, मसीह शैतानान शक्तिह कायम ने केरता नाश केर देय।काहिक वोर्ह्या बाद,बोगवान देखाडयो तो मसीह यीशुच हि।

बोगवान ता वादुण पाण्या से तान परिवाराह वोचाडयो जाह तो लावण्यो एतो। तो नूहाह एक नावी बोणावणे केयो इह केरीन बोगवान ता माणहाह वोचाडयो जा तापोर विश्वास केरताला। इहीच,ता आखा बोगवाना द्वारा मार टाकणेन योग्यएता काहाकाय ता पाप किरील एता।पुण बोगवान ता आखाह वोचाडणेन यीशुह मोकल्यो जा तापोर विश्वास केरतेह।

मोक्ताच वोर्ह्या वोर, याजक बोगवानान केरता बलिदान चढ़ावताला।ज्यो से मालुम पोडीह का माणहा पाप केरताला,एने ज्यो भी का ता बोगवानान द्वारा दण्ड आपणेन योग्य एता।पुण ता बलिदान तान पापह क्षमा नाह केर सेकताला। यीशु आखाम रीन मोठो महायाजक हि।तो जो किरील जो काल्लोच याजक नाह केर सकतालो। तो तो एक बलिदान एणेन केरता स्वताह आप दिनो जो आखान पापाह दोव सेकतालो।तो स्वीकार केऱ्यो का बोगवान ता आखान पापान केरता ताह दण्ड आपील हि।केरीन, यीशु सिद्ध महायाजक एतो।

बोगवान अब्राहम केयो, " मी तारे द्वारे केलीन आखी जातिह आशीष आपूह।" यीशु ज्याच अब्राहम वोचने एतो।बोगवान अब्राहमान द्वारा आखी जातीह आशीष आपीह,काहाकाय जा यीशु पोर विश्वास केरतेह बोगवान ता आखाह वोचाडीह। जेवी माणहा बोगवाना पोर विश्वास केरतेह, ते बोगवान ताह अब्राहमान वोचने मानीह।

बोगवान अब्राहम केयो का तान एकुच सोरो,तान केरताल बलिदान केर देय।पुण पोशो बोगवान इसहाकान बोदले बलि केरणेन केरता एक मेंडरो आप्यो।आपु आपणा पापान केरता मार टाकणेन योग्य एता!पुण बोगवान आपणे जागे मोरणेन केरता यीशुह बलिदानान रूप माय दिनो। ज्या वजेसे आपु यीशुह बोगवानान मेंडरो केणु।

जेवी बोगवान मिस्र पोर आखरी पिढा मोकल्यो ते तो आखा इस्राएली परिवाराह केयो का ता एक मेंडरो बलि केरी।ता मेंडराम काय दोष नेय रेणे जुवी।तेवी ता आपणा बायणान चोवकट पोर एने बोंगला माय तान लुय लागाडणू एतो। जेवी बोगवान ति लुयीह देखतालु ते तो तान घेराह रीन ओगाण जात रेतालो एने एने तान पेहला सोराह नाह मार्या। जेवी ज्यो एनो ते बोगवान ताह फसह ने तिवार केयो।

यीशु फसहने तिवार एक मेंडरान गेट हि। तो केधीच नाह पाप केऱ्यो,केरीन तामाय काय गेलती नाह एती। तो फसहने तीवारान टायमे मोरनो।जुलबुखे कुण भी यीशु पोर विश्वास केरीह हि,तेवि यीशुन लुय तान पापान किमत आपीह। ज्यो तिहीच हि बोगवान ता माणहाह रीन ओगाण जात रिथी,एने तो ताह दण्ड नाह आपित।

बोगवान इस्राएली माणहा हेरी एक वायदो केऱ्यो, काहाकाय ता ओहला माणहा एता जाह बोगवान निवाडील एतो।पुण बोगवान एवी एक ओहलो वायदो केऱ्यो जो आखान केरता हि।जर काल्ली भी जातीन कुण भी ज्या नोवाला वायदाह स्वीकार केरीह,ते तो माणहाम बेलाय जाथी। तो इही किरीह काहाकाय तो जाण यीशु पोर विश्वास किरीह।

मूसा एक ओहलो भविष्यवक्ता एतो जो बोगवानान वचन सामर्थ से पोरचार किरील एतो। पुण यीशु सोब परन्तु यीशु सब भविष्यवक्ताम रीन मोठो हि। तो बोगवान हि,केरीन तो जो किरील एने कियील तो बोगवानान काम एने वचन एता। केरीन बाईबल यीशुह बोगवानान वचन केथी।

बोगवान राजा दाऊदाह वायदो केरील एतो का राजान रूपमाय तान वोचीन एक जाण बोगवानान माणहा पोर कायम ने केरता राज्य केरी। यीशु बोगवानान सोरो एने मसीह हि, केरीन तो राजा दाऊदान वोचने हि जो कायम ने केरता राज्य केर सकी।

दाऊद ते इस्राएल ने राजा एतो,पुण यीशु आखी केलीन राजा हि! तो पोशो आवी एने कायम ने केरता न्याय एने शान्ति से तान राज्यम राज्य केरी।