47. फिलिप्पी माय पौलुस एने सीलास

जेवी शाऊल आखा रोमी राज्य माय फिऱ्यो तो तान रोमी नाव "पौलुस" का वापरणे चालु केऱ्यो। एक दिह, पौलुस एने तान हाथी सीलास फिलिप्पी हेयराम यीशुन बारामय पोरचार होमलाडणेन गिया। ता हेयरान बाहेर नदीन मेरे एक जागे गिया जाहरी माणहा प्रार्थना केरणेन केरता एकठा एयील एता। ताहरी ताह लुदिया नावान एक बायकू मिलानी जी एक व्यापारी एती। तो बोगवानाह प्रेम केरताली एने तान आराधना केरताली।

बोगवान लुदियाह यीशुन संदेश पोर विश्वास केरणेन लागाडील एतो। पौलुस एने सीलास तीह एने तीन परिवाराह बाप्तीसस्मा आप्या। ती पौलुस एने सीलासाह तीन घेर रेणेन हादाडी,केरीन ता ताहरी रेय गिया।

पौलुस एने सीलास माणहाह ति जागे मिलायाच केरताला जाहरी यहूदी माणहा प्रार्थना केऱ्या केरताला।दाडीन दिह जेवी ता ताहरी जाताला ते एक दासी सोरी जिह दुष्टात्मा लागील एतो। ता दुष्टात्मा द्वारा ति माणहाह भविष्य केताली, केरीन ति भविष्य केणारीन रूप माय तीन मालक्यान केरता जुलुम पोयशा कामावताली। श

तान जाणे टायमे ति दासी सोरी आयड्या केरताली, "ज्या एदमी आखाम रीन मोठला बोगवानान सेवक हेते।ज्या तुमूह उद्धार ने वाट देखाडतेह!" ति दाडीन दिह इहीच केरताली जो पौलुसाह नाह पोटनो।

आखरी, एक दिह जुलबुख ती सोरी आयडने चालु केरी, ते पौलुस तीन उखेर फिरीन तीन माय वाली दुष्टात्मा केयो, "यीशुन नाव से जी मायरीन निकली जा।" तुलबुखेच ति दुष्टात्मा तीह सोड देनी।

ति दासी सोरीन मालिक जुलुम रागाम आव गियो का दुष्टात्मान बिगेर ति दासी सोरी माणहाह भविष्य नाह केय सकताली। ज्यान अर्थ का माणहा एवी तीन माल्क्याह पोयशा नय आपति का ति ताह भविष्य केय का ता हेरी काय एय।

केरीन ति दासी सोरीन मालिक पौलुस एने सीलासाह रोमी अधिकारी फाय लीन गिया।ता पौलुस एने सीलासाह देना, एने ताहा जेलीम टाक देना।

एने ता पौलुस एने सीलासाह ओहली जागे मेल्या जाहरी आखामरीन जास्ती सैनिक एता।एने तान पाये लाकडान बेड्या माय बांद देना। पुण पौलुस एने सीलास आर्धी रातीन टायमे,बोगवानान स्तुतिन गीत गावताला।

उचकाहुच, एक मोठलो भूकम्प एनो! जेलीन आखा बायणा उगडी गिया, एने आखा कैदिन हाकुल उगडी गियो।

तेवी दरोगा जाग गियो। एने तो देख्यो का जेलीन आखा बायणा उगडी जायील हेते। तो विचार केऱ्यो का जेलीन आखा कैदी नाह गिया एती। तो बिय गियो का तान नाह जाणेन कारण रोमी अधिकारी ताह मार टाकति,केरीन तो मोरणेन तियार एय गियो! पुण पौलुस ताह देखीन आयडयो, "थोब! स्वताह मा मारी। आमु न्याच हेते।"

तो दरोगा कापतीन पौलुस एने सीलासाह आवीन फुस्यो, "उद्धार मिलवणेन केरता मी काय केरू?" पौलुस उत्तर आप्यो, "प्रभु यीशु पोर विश्वास केर,ते तु एने तारो घेराह उद्धार जुडी।" तेवी तो दरोगा पौलुस एने सीलासाह तान घेर लावो एने तान लागीला धोव्यो। पौलुस तान घेर वाला आखा माणहाह यीशुन संदेश केयो।

दरोगा एने तान पुरो परिवार यीशु पोर विश्वास केऱ्या,केरीन पौलुस एने सीलास ताह देना। तेवी दरोगा पौलुस एने सीलासाह खावाड्यो, एने ता आखा खुश एना।

ओगाणले दिह हेयरान डायला पौलुस एने सीलासाह सोड देना एने फिलिप्पी रीन जात रेणेन केयो। पौलुस एने सीलास लुदिया एने काहिक तान दिहरा हाथी हेयराम निकेल गिया। यीशुन बारामाय संदेश पोसेरती गियो, एने कलीसिया वोडती गीयी।

पौलुस एने दिहरा मसीही जुलुम हेयरे-हेयरे फिऱ्या। ता माणहाह यीशुन बारामाय संदेश होमलाड्या। ता कलीसियान विश्वासीह धीर आपणेन हिक आपणेन मोक्ताच पत्र भी लेख्या। ता मायरीन काहिक पत्र बाइबल ने पुस्तके बोण गिया।