6. बोगवान इसहाकान केरता उपाय किरीह

जेवी अब्राहम जुलुम डावालो एय जायील एतो तेवी तान सोरो, इसहाक, एक एदमीन वोयान एय जायील एतो। केरीन अब्राहम तान एक सेवकाह आपणा सोरा इसहाक ने केरता लाडी लावणेन ता देशाम मोक्ल्यो जाहरी तान घेरल्या रेताला।

जाहरी अब्राहमान घेरल्या रेताला ता देशाम जाणेन केरता एक लांबी सफर ने बाद बोगवान ता सेवकाह रिबका हेरी मिलाळ्या। ति वह अब्राहमान बाहाकान नाती एती।

रिबका तीन परिवाराह सोडीन ता सेवका हेरी पोशी वापस जाणेन मान गीयी। जीही ति वापस पोचनी ति इसहाक हेरी वाराड केर लेदी।

एक लांबा टायमा बाद, अब्राहम मोर गियो। तेवी बोगवान अब्राहम सोरा इसहाकाह, अब्राहम हेरी केरील वायदान वजेसे आशीष आप्यो। ति वाच्याम बोगवानान एक वायदो एतो कि अब्राहमान गेणाय नेय ओलाक वोच रेती। पुण इसहाकान लाडी रिबकान सोरा नाह।

इसहाक रिबका केरता प्रार्थना केऱ्यो, एने बोगवान तीह जुवल्या सोरा गर्भ माय आप्यो। जी टायीमी ता सोरा रिबकान गर्भ माय एता तेवी ता पेटामाच लेडाने लागा, तान केरता जो काय एतालो रिबका बोगवानाह केय देनी।

बोगवान रिबकाह केयो, "तू दुय सोराह जन्म दिही। तान वोच दुय अलग-अलग जाती बोणती। ता एक दिहरा हेरी लेडाती। पुण मोठला सोरा से बोनणार जाती आतल्यो सोरान जातीन आज्ञा मानती।"

जेवी रिबकान सोरा जन्म एनो, ते मोठलो सोरो रातलो एने बुरावालो एनो, ता तान नाव एसाव मेल्यो। तेवी आतलो सोरो एसाव ने पायान घुटण्यो देरीन जन्म लेदो, एने ता तान नाव याकूब मेल्यो।