5. वायदान सोरो

अब्राम एने सारै कनान पोचणेन दोह वोर्ह्या बाद, उंजू ताह तान सोरो नाह एतो। केरीन, अब्राम ने लाडी सारै ताह केयी, " माहु उंजू वोर बोगवान सोरा नाह आपील सोतो एने मी सोरो पोयदा केरणे केरता जुलुम डायी एय गीयीह, देख, मारी दासी हाजिराह। ति हेरी भी वाराड केरली कि ति मार केरता एक सोरो पोयदा केरी।"

ओवतो अब्राम हाजिरा सहेरी वाराड केर लिदू। हाजिराह एक एक सोरो एनो, और अब्राम तान नाम इश्माएल मिल्यो। पुण सारै हाजिराह कुयराणे बाज गीयी। जेवी इश्माएल तेरा वोर्ह्यान एतो, बोगवान अब्राम हेरी वात केऱ्यो।

बोगवान केयो, "मी सर्व-शक्तिमान बोगवान हि।मी तार हेरी एक वायदो केरथू।"तेवी अब्राहम बुई पोर पोडीन ताह वोनद्यो। बोगवान अब्रामाह ज्यो भी केयो का, "तू मोक्तीच जातीन आबुक बोणहि। मी तुवाह एने तारा वोचाह तान मालकीन जोमीन एणेन केरता कनान देशाह आपूह एने कायम केरता तान बोगवान बोणुह। तुवाह तार घेराणान आखा एदमीन खतना केरावणे पोडी।"

तार लाडीह एक सोरो एय – तो वायदान सोरो रेय।तान नाव इसहाक मिलजी।मी ता हेरी वायदो बोणाविन मेलूह एने ति मोठली जाती बोण जाय। मी इश्माएलाह भी एक मोठली जाती बोनावूह, पुण मार वायदो इसहाक हेरी रेय। तेवी बोगवान अब्राम ने नाव बोदलीन अब्राहम केर दिनो, जान अर्थ "जुलुम जाणान आबुक"। बोगवान सारैन नाव भी नाव बोदलीन सारा केर दिनो, जाण अर्थ हि "कुळान आहाक"।

ति दिह अब्राहम तान गेराण आखा एदमीन खतना केऱ्यो। बाराबोर एक वोर्ह्या बाद, जेवी अब्राहम 100 वोर्ह्यान एतो एने सारा 90 वोर्हयान एती, तेवी सारा अब्राहम कने सोराह जन्म आपी। जीही बोगवान ताः कियील एतो ता तान नाव इसहाक मेल्या।

जेवी इसहाक जुवान एनो ते बोगवान जो कियीन अब्राहमान विश्वासान परीक्षा केऱ्यो, "तारा एखाला सोराह लीन, ताः मार केरता बली केरीन मार टाक।" एने अब्राहम बोगवानान वात मान्यो एने तान सोराह बली केरणेन तियार केऱ्यो।

जेवी अब्राहम एने इसहाक बलि चढावणेन जागे जाताला ते इसहाक फुशो, "आबा, आपु फाय बलि केरणेन केरता लाकडा ते हेते, पुण बली केरणेन मेंडरो कोथो?" अब्राहम केयो, "मारा सोरा, बोगवान बली केरणेन मेंडरान उपाय केरी।"

जेवी ता बली चढावणेन जागे पोच गिय, ते अब्राहम इसहाकाह बांधीन वेदी लोटाळ देनो। तो तान सोराह माराणेच केरता लो कि बोगवान ताह केयो, "थोब जा! सोराह मा मारी! एवी मी जान जायील हि की तु माहु भिथी काहाकाय तु तारा एखाला सोराह मार केरता मारतालु।"

जागेच अब्राहम एक मेंडराह जुरखील्याम गुसवायील देख्यो। इसहाकान बोदले बलीन केरता बोगवान मेंडरान उपाय किरील एतो। अब्राहम न खुशी-खुशीम मेंडरान बली चढा डीनो।

तेवी बोगवान अब्राहमाह केयो, "काहाकाय तु मार केरता आखो आपणेन तियार एतो, तार एखाला सोराह भी, केरीन मी तुवाह आशीष आपणेन वायदो केरथू। तारी वोच वादला माय वाला ताराह रीन भी जादा रेय।काहाकाय तु मार आज्ञा मानील हि केरिन मी तारा घेराणा द्वारा केलीन आखी जातीह आशीष आपूह।"