4. अब्राहमा हेरी बोगवानान वायदो

वादुण पाण्यान काहिक वोर्ह्या बाद, केलीम जुलुम माणहे रेणे लागा, एने ता बोगवान एने एक दिहरान विरुद्ध पाप केऱ्या। काहाकाय ता एकुच भाषा बोलताला, ता एकठा एना एने बोगवानान केलीह बोर देणेने आदेशाह सोडीन एक नगर बोणाव्या।

ता जुलुम घमंडी एता, एने ताह कोहल्या जीवन जीवणे जुवी ता बाराम ता बोगवानान आदेश नाह पालन नाह केरणे होदताला। एने ता ओहलो बितळो बोणावणे चालू केऱ्या जी स्वर्ग वोर पोची। बोगवान देख्यो का ता एकठा मिलिन बुराई केरती रेती,एने जुलुम पापी कामाह केरती रेती।

केरीन बोगवान तान भाषाह बाती – बातीन भाषाम बोदली देनो एने ता माणहाह केलीम पोसार देनो। ज्या बितळाह ता बोनावने होदताला तो बाबेल केरीन नावलानो, जान अर्थ हि “गडबड”।

मोक्ताच वोर्ह्या बाद,बोगवान अब्राम नावान माणहा हेरी वात केऱ्यो। बोगवान ताह केयो, "तारो देश एने परिवाराह सोडीन ता देशाम जो जो तुवाह मी देखाडूह। मी तुवाह आशीष आपूह एने तार से एक मोठली जाती बोणावूह। मी तारो नाव महान केरूह। जो तुवाह आशीष दआपी मी ताह आशीष आपूह, एने जो तुवाह श्राप आपी मी ताह श्राप आपूह। तार वजसे केलीन आखी जातीह आशीष जुडी।"

अब्राम बोगवानान वात मान्यो। तो तान आखा सेवक एने धेन एने तान लाडी साराह लेदो एने ता कनान देशाम जात रिनो जो बोगवान ताह देखाडील एतो।

जेवी तो कनान माय पोचनो ते बोगवान ताह केयो, "तार चार उखेर देख। मी तुवाह ज्यो आखा देश आपूह तारा वोच ज्या देशान अधिकारी रेती।"तेवी अब्राम ता देशांम रेय गियो।

मलिकिसिदक नावान एक एदमी एतो जो बोगवानान याजक एतो। एक दिह जेवी अब्राम लेडायीम रीन आवतालो ते ता दुय जाणा मिलाना। मलिकिसिदक न अब्रामाह आशीष आप्यो एने केयो "आखाम रिन मोठो बोगवान जो हेरेग एने पृथ्वीन मालिक हि तुवाह आशीष आपी।" ओवतो अब्राम लेडायीम जीकील वोस्तू माय रीन थोळीक मलिकिसिदक दशमाउस आप्यो।

मोक्ताच वोर्ह्या एय गिया, पुण अवि भी अब्राम ने सोरो नाह एतो। बोगवान अब्राम हेरी वात केऱ्यो एने ताहेरि वायदो केऱ्या का ताह एक सोरो एय एने जोह्ला वादलाम तारा हेते तोह्लाच तान वोच रेती। अब्राम बोगवानान वायदा पोर विश्वास केऱ्यो। बोगवान केयो का अब्राम धर्मी माणुह हि काहाकाय तो बोगवानान वायदा पोर विश्वास केरील एतो।

तेवी बोगवाना अब्राम हेरी बोगवान वायदो केऱ्यो। एक वायदो दुय जाणाम विचमाय एक दिहरान कामान केरता केरील एक वात रेणे बोगवान आब्रहम हेरी वायदो केरील तेवी तो हूवतालो तीभी तो होमेल तालो। बोगवान केयो, "मी तारा शरीर से एक सोरो पोयदा केरीन तुवाह एक सोरो आपूह। मी तारा वोचाह कनान देश आपूह।"पुण एवी वोर अब्राम ने सोरा नाह एतो।