۴۴- شِفای مِردِیِ گِدا توسط یوحنا و پترس

رویی یوحنا و پترس ب طِرَفِ پرستشگاه اَشودِندَ. کُنارِ دَروازَ مِردِه ایشون بِدی کُ گِدایی شَکَ.

پترس ب نِ مِردِه فَلَج اسِّواش کَ و بَشوات: «مَ پیلی نُدارُم کُ دِ تو دُم. ولی نُ چی کُ دارُم دِ تو اَدُم دیم نام عیسی، پابی و راه بِشَ.»

خدا همون موقَع نُش شِفاش شادا و نُ شروش کَ ب راه شُدَن. اطرافِ نُمین خوشحالی شَکَ و خداش شَپَرَستا. مردمی کُ روو حیاطِ پرستشگاه بُدِندَ شِگِف زَدَ بُبُدِندَ.

جمعیت خیلی جَلی جَم بُبُدِندَ تا نُش کُ شِفا شاگیَتِ بُ بِینِندَ. پترس ب نُ جِماعَتَش بُوات: «از نِ کُ نِ شِفا شاگیَتَ تَعجب نِکِریَ. هَمَ نِ مَرد ب خاطِرِ قدرت یا دینداری خومون شِفامون نِدا. بلکی نِ قدرت عیسی هَ کُ نِش شِفا شادا، چون کُ هَمَ ب نُ ایمان دارُمَ.»

«شُمَ آدِمونی هییَ کُ از فرماندار رومی درخواستِتون کَ عیساش بُکُشِ. شُمَ نُ کُ ب پاکجَ جون اَبَخشِ بَدُنکُشت، ولی خدا نُش از مَردِگَل بلندِش کَ. اگر چ شُمَ جی نَدُنزونا داریَ چ اَکِریَ، ولی پیشگویی انبیا کُ بَشُنواته بُ عیسی اِیگا رنج و عذاب بِکِشَ و بِمیرِ را عملیدون کَ. خدا شَگا نِزِینی بِبِ. پس توبَ کِریَ و ب سمتِ خدا وا گِردیَ تا خدا گناهونِدون پاک کِرِ.»

وقتی کُ رهبرونِ پرستشگاه حرفونِ یوحنا و پترسشون بَشِشون شِنُفت، خیلی ناراحت بُبُدِندَ. نُمین دستگیرِشون کَ و ب زندانِشون خوست. ولی خیلی از نُمین کُ پیغام پترسشون بَشِشون شِنُفت ایمانشون باهارد و تعداد ایماندارون ۵۰۰۰ نِفَر گِردا.

رووجِ بَعدی، سرونِ یهود، پترس و یوحنا و ب هُمراهِ مِردِی فَلَج پَلی کاهن اعظم و رهبرون مذهبی بَشُن آرد. نُمین از پترس و یوحنا بَشون پُرسا: «هادِ چِ قدرتی نِ مِردِه فَلَج شِفادون دا؟»

پترس پاسخ شادا: «نِ مِردَ کِ ریبه ری شُمَ واشتادَ هادِ قدرت عیسی مسیح شِفا شاگیَت. شُمَ عیسادون ب صِلیب کِشا، ولی خدا دوبارَ نُش جیدَ کَ! شُمَ نُ رَدِدون کَ، ولی راهِ نُجاتِ بی وجود نُداره، جز ب قدرت عیسی!»

رهبرونِ مذهبی از نِتَرس بُدَنِ پترُس و یوحنا تعجُبِشون کَ، چرا کُ نُمین آدِمونِ معمیلی و بی سواد بُدِندَ. نُ وقتی بِ یادِشون باهارد کُ نُمین هادِ عیسی بُدِندَ. پس بِ نُمینِشون بُوات: «اَگَر یَقَر بی دَرباره عیسی هادِ مردم دَم بِدیَ مَ شُمَ را به شدت تَنبیه کیمی اَکُرُم.» نُمین بَدِ نِ کُ پترس و یوحناشون تهدیدشون کَ، آزادِشون کَ.