11. फसह ललहाड़नने संन

देवये फारोन बेलओ की जर तू इस्राएलन लोकून जाव कोणी दिय तर देव मिसरामन पहिला जन्मलोला आदमी अन जनवरन जीवती मारडलीस। जद फारोय आ आयकू तरी हिन् काही फरक पड़ेकोणी म्हणून हिये इस्राएल छुये कोणी।

जो कोणी देवपर विश्वास मडवच हिवन घरमना पहिला जन्मलोला बचवानवासतर देवये मार्ग काडे। प्रत्येक परिवार एक निष्कलंक मेंडरु निवडानी था म्हणुन ये वधना होय।

देवये इस्राएलन बेल्ये कि हिव्ये मेडरानु रगत हिवना घरना दरवाजानी चौपटन लगवन पाहिजे, अन हीनु मास आगपर भूजीन बेखमीर अन कडु लुखानुन बरोबर गरब सखळती खाबो। हिवये दिन खानु हुयाना बादम मिसर देस छडानापातर तयार रहवान बेवओ।

दवये बोलेआ प्रमाणे इस्राएना सबन तयार करी, आरधी रात देवये जाईन मिसरान प्रत्येक परिवार मनु पहिलू जन्मेलू लळकू मारी डाल्यो।

इस्राएलना सबन घरना चौकटून मेंडरानु रगत लागेलु दैखीन देव हिवना घरन ओलीन गये म्हणून घरमणा सबनकव्य सूरक्षित बचीगये मेडरानु रगती हिवने बचाव हैईगये।

परंतु मिसरी लोकुय देवपर विश्वास मंडाओ कोणी अन काही लोकुये आज्ञा पालन करी केणी म्हणून देवये हिवन घर ओडाव्ये कोणी। देवये मिसरमना प्रत्येक पहिला जन्मलेला लळकान जिवती मारी डाल्यो।

जिलमना पहिला जन्ममेला लळकाकंती फारोना घरमना पहिला जन्मेला लळकातकी प्रत्येक मिसरी पुरुष मरीगय। मिसर देसमना घणा लोक खूप दुखती रेऊकता था अन रागपन करू करता था।

ऐय रात, फारोय मोशेन अन अहरोन बुलाईन बेल्ओ, “इस्राएलना लोकून लीन मिसर देस छोड़ अन आपना देवनी भक्ति कर, मिसरना लोकूवही लीन इस्राएली लोकून मिसर देस लवकरच छाडीय आम विनती करी।