12. निर्गमन

मिसर देस छडतानी इस्राएलना लोकून खुप आन्दित था, हाकये य गुलाम कोणी था, हाकये वचन बता जमीन आळी जाऊ करताथा। मिसरी लोकूय इस्राएलन लोकून मागील सबन वस्तु अर्थात सोनू, चांदी अन इतर न माहाग वस्तु दीदी दे। काही परराष्ट्रीय लोकुनही देवपर विश्वास मडये अन इस्राएल आदमीबरोबर हिवयही मिसर देस छाडी दीदेद।

देवये एक उंच ढगना खंबा सारखे जो दान हिवना कोळ चालू करतो था अनं रात पख उंच आगनु खबे बनीन कोळ था। हिवने दरवाळे अंन हिवने मार्ग म्हणून देव नेहमी हिवनाबरोबर थ, अंन प्रवासम हिवन मार्गदर्शक म्हणून था। हिवन एकच वात कराणी था म्हणून देवणी आज्ञा पालन करनू थु।

काही वेळती हायकळ फारोन अनं हिना लोकन मन बदलीगय अन इस्राएन दिखिन अजुन हिवन गुलाम करनु आम हिवन वाटुकताथू। परमेश्वरये फारोन हेई अनं कठोर बनाये हानावास्तर कि लोकुण खतान अनं जीवनं देवनी वलख मोखली अनं यहोवा देव थे। फ़ारो अनं हीनं देवतापेक्षा अधिक समार्थशाली छ आ हिवनं समजीगये। फोरी फारो अनं हिन् सयनिक इस्राएलन लोकून आजुण हिवन गुलाम बनावानावास्तर हिवन केळकेळ गरो।

जद इस्राएलय मिसरीने सैनाने हिने केळकेळ जातनी दैय्या तद हिवन समजी गये कि ये हाक्यो मिसर सैन्यक अनं ताबनु समुद्रान आरधाम आटकी गयाय थे। फिरी घबराई गया अनं आवाज देऊ करया, “हामये मिसर देस शिछडी दीदे? ह्कये आम मरणोवाल छ।”

मोशेय इस्राएलीन बेल्ये, “डरेनके, देव तुम्हारा आचती लड्णोवाले छ अंन तुम्हरू तारण हुनेवालू छ। फिरी देव मोशेती बेल्यो, “लोकूण समुद्रआळी ली जा।”

फेरी देवये इस्राएलना लोक अनं मिसरी सैन्यक हिवना वयेमती ठगने आवज आये तद दगनै खम्बु हैई गये अनं म्हणून मिसरी सैन्य इस्राएलन देखी सक्या कोणी।

देवये मोशन ताबळा समुद्र पर आपनु लोकलु उभेकर अन यो समुद्रन भागम हैईजा आम आज्ञा करी। फिरी देवये जोरदार हवा छुली अन समुद्र्नु पाणी डापी आळनु, पाणी डापी आळी अन उजवी कडच पाणी उजवी कळे अन सुके रस्ता हुई गये।

इस्राएलना लोकु भरसमुद्रमती कोळडू जमीन चालता गया अन बहेव ओळीवी बहैव आळती भितवाणी हैई गये।

फिरी देवये ठगन आज्ञा दीदी लोकाण वर घरून रस्तापरती बाजुती करीण हिनावास्तर कि इस्राएली लोक आपना हातमती मिसरी जाशा, आ मिसरी लोकुन दिखावन आवश। मिसरी लोकुन हिवये पाइलान कय्या करिता द्यलीधू।

अंन ये इस्राएलना पाठलाग करता समुद्रना रस्तापर आईगया परंतु देवये हिवन डरघालीश्ख्य थ अन हिवना रथही चिखलम फसी ज्ञा था, थकिगया था, “नासे,” कारण देव इस्राएलणा आळती लढाई करू कर।”

जद सबन इस्राएलना लोकू सुरक्षित पणे समुद्रमती बाहेर पोहचयेणे तद मोशेन आपने हात उचे कराण लागये बेल्ये। हिवये आंम कय्या बादम समुद्रमनू पाणी मिसरी सैन्याकन बुडाई डाल्ये डूबान लागीगय अनं काही सालन आगल आम हेयुथी। सबन मिसरी सैनीक पानीम बुडीगया अन मरीगया।

जद इस्राएलीय दैख्य की मिसरी सैनिक मरी गया, तेक्षानु हिवय देवपरने अनं मोरो आ देवने सन्देव्या छ हानापर तुम्हरे विश्वास मडये।

इस्राएलया लोकून मोठु आनंद कारये, कारण देवये हिवनु मरण अंन गुलामगिरीमती तारण करयु राख्य। होक्ये ये आपना देवनी सेवा करनतयार अनं स्वतंत्र हुई रह्या। इस्राएलन लौकय हिवये लगीच मिलेला स्वतंत्रना घना गीत बेल्यो अन आनंद करये, अनं देवनी स्तुती करी, कारण देवया हिवन मिसरी सैनीककंती बचाईलीधा।

देवये इस्राएलन मिसरी लौकुकंती किम विजय मिलाई दीदी अनं हिवनी गुलामगिरीमती कीमे सुटका करी हिनु स्मरण। हिवन रहनु म्हणुन देवये इस्राएन हरेकसाल वलहाडन सन करानी आज्ञा दीदी। निष्कलंक मेडरुनु बलिदान धीनं हिनु मॉस बेखमीर रेटलाकेळ खावानु हिवये आ सन बनाये।