13. देवये इस्राएलन लोकूकेळ करार

तांबडो समुद्रपार करये पार, देव इस्राएलीन जंगलमती सिनाय पाहाळ आळी लीगये। मोशेय जाहा पेटतु झाड दैख्यक्षु ध्या, आच चा पाहाळ छ, लोकुय येच पहाळना कंन आपने पात्र गाळी दिदे।

देव मोशेन अंन इस्राएलना लोकुण बेलो, “जर तुम्हे मारी आज्ञा अंन मारे करारनु पालने करये तो, तर तुम्हे मारा ख़ास नीवडेला लोकू रेव्हयै नेतालोक न्याय अंन पवित्र राष्ट्र आम व्हयेल।”

तिसरा दनं लोकुणी आत्मीक तयारी व्हईच देव सिनाय पाहाळ परती उतरतानी अभालने आवज इंजलीना चमकयेतु उजयालू धुल प्रचंड भयानक आवाजन मती उतरतो आये। अनं पाहाळपर जावनी परवानगी फक्त माशेनय थी।

फेरी देवये हिवनं एक वचन बेलु, “म ययोवा तारे देव छ जीहे तुम्हन मिस्रना दातमती छेडाइनं लाया। तम्ह हाकये अय देवनी पूजा करानी कोणी।”

“आपनावास्तर कोरीव मूर्ति करे नके अनं हिना पग पड़े नके, कारण म यहोवा तुम्हारे देव ईर्षावान देव छु। तू मारू नाम व्यर्थ लेवनके। विशरातीरू दन आठवन करके पवित्रपण पालणे कर, समन छ दन टू आपना सबन काम कर अनं सातवा दन आ तारे छ घण तु विसरू नके ना दन आराम कर म्हणने प्रभू परमेश्वरणी आस्धान भक्तीकर पालन कर।”

“आपन बा अनं आयाने माण राख, तू खून कर नके तू खराब काम भर नके। तू चोरी कर नके, तू खेटी साक्ष देय नके, तू आपन शेजारी ती बाई हिना घरने, किवा केनतीही वातने लोभ मय नको।”

फेरी देवये हीने दस आज्ञा फतरानी ब पाटीपर लीखिन मोशेना हातम दीदे। देवये हिवन पालन करवानवास्तर आयो, घणा नियम अनं विधी देखाली दीदे जर तुमये सबन नियमनु पालण। तर देवये हिवने आशीर्वाद अनं सबईकरान देवानु अभिवाचन दिदु. जर तुम्हये ए वातुनु करये, तो देव हिवनावर हुकूम चलावशे।

देवये इस्राएलना लोकून वास्तर एक मंडप बनावानवास्तर एकठिकान माहिती दिधी। हीनं निवासमंडप बोलेच, हिनाम ब खोव्यो थे। अनं अलग अलग एक मोडओ पेडयओ थ पडदाना पाछल रहताणी खोलीम फक्त महात्वनायाजन जावानी परवानगी छ कारण शये देवनू रहानी जगा थी।

देवनी आज्ञेनू उल्लंघन करनेवालु प्रत्येक व्यक्ती निवासमंडप आगल रेहनेवाला वेधीपर देवन होम अर्पण करनेवाला पशु लोईसकय आ याजक ये पशुनु मारुल हीनी वेधीय होमअरपन करि सकय। ये व्यक्ति देवना नजरम, “शुद्ध” रशी अलग, मोशेने भाई अहरोना अन अहरोनी संतान हिवन देवय आपनु याजक म्हणून निवडाम आवशे।

देवये दिधली आज्ञानु पालणकरण अनं फक्त हिनीच उपासना करश हिना ख़ास लोकू होशे इस्राएलना लोकून सहमत थु। परन्तु देवय आज्ञानुपालन अन वचन दियाशा नंतर काहीच दंनती हिवये मोडु पाप करे।

घना दनंतकी, मोशे सिनायना पाहळपर देवती प्रार्थना किवा देवती वोलानं गये था। लोकूये हीनी वार देखता देखता कटाली गया, म्हणून हिवय आप आनु गरती सोनू लाये अनं मूर्ती बनाई बनावास्तर हिवये अहरोन कण दिधि।

अहरोन हिनू एक वासरुने आकार दीदी अनं सोनाली मूर्ती बनाई लोक वेभान होईन हीनी पूजा करान लागीगया अन ये मुर्तीनी यज्ञ करण लागीगये। हिवना पापाती रेवन हिवने भयकर राग आये अनं हिवने हिवने नाश करने जिचय केरिलीध।

परन्तु मोशेय हिवनावास्तर प्रार्थना करि अनं देवये हीनी प्रार्थना आयकी अनं हिवये नाश करेकेणी। मोशेय हिवन आजून दस आज्ञा लिखवनावास्तर फतराणे ब नवीन पाटे बनये कारण पहिले पाटे फेळी डाले थ।

फेरी हिये ये मूर्तीन फुळीफुळी चुरा करे अनं पाणीम घाली अनं लोकूण ये पाणी पियान दिधू। देवये लोकून भयानक रोग मुकल्यो अनं हिवना पैकी शेनालोकू मरीगया।

मोशे आजुन पहाड़पर चढ़ीगये अनं लोकुणी क्षमाराण वास्तर प्रार्थना करि। मोशेनू आयके अन हिवन क्षमा करये, मोशे दस आज्ञा लिखेलेथ नवीन पाये लीनं वापस पाहाड़परती घेरा आये। फेरी देवये सीनाम पाहाळपरती वचनदिधा देसम जावनी लोकून मार्गदर्शन करये।