16. तारण करणे वालो

याहोशवाना मरणना बाद इस्राएल लोकये देवनु अनुकरण करू कोणी। उरेला कनत्ती लोकन घाला दिद कोणी अन देवये नियम पाळ्या कोणी। हिव्ये खरो वजिवंत देवणी न करवान लाग्या, इस्राएलम राजो कोणी थो। हीणापायती सबण झणा आपण मन ती जो चागलु वारयु तीम करण लाग्या।

इस्राएल ये हरवखत देवनी आज्ञा आयक्या कोणी हीना पायती, देवये हिवन हिवना शत्रू ये। इस्राएल लोकडी वस्तुनी चोरी करी, हिवना संपतीनो खतम करू। अन हिनामायती केत्तान मारी डाल्या, हरेक वरसना बाद बोलेली वात न आयकता अन शत्रुती जुलम करीन हुयापर हिवना पस्तावनु पडयु अन हिवये माफीनास्तर देवकन नाशीन गया।

फेरी देवये हिवन एक तारण करणे वालो मोकळे दिये शत्रूकनती छोडायू थु अन दिवना मं शांती नो समझदारी आई। फेरी इस्राएल लोकणा देवना बदल समज्यू अन यो डबल मूर्तीपूजन करण लाग्या, फेरी देवये पराभव कस्यो।

मिधानी लोकये सात वरस इस्राएल लोकुणा अन्न धान्य कब्जाम लीदा हाक्या इस्राएल वाला घना दरी गया अन आपुन मिधाना हातन सपडाये कोणी म्हणून यो गड्डाम रव्हान लाग्या आखरी आपनो बचाव हुनू म्हणून यो देवकन गडगडाबू क्य्या।

एक दन गीदोन नामने एक इस्राएलनो आदमी मिद्यान्याव्ये आपनु धान्य चोरू कोणी पायजे म्हणून लापीन हिवन मारू करयो।याहोवाना एक दत आमीन हीन बोल्यो, “आ बलवान आदमी, देव तारा केड छ जा आण इस्राएल न मिद्यान्या हातमायती छोडाव।”

गिदोन बा ये एक मुर्तिनावासतर वेदबनाई थी, देवये गिदोंन यो वेदी तोडाण बोल्यु पन गिदोन लोकुना डर वारयापर यो इधार्नु हुवानु वार देख्यु करुयो। फेरी हिये यो वेदी फोडीन ही ना टुकड़ा टुकड़ा कय्या, मुर्तिनावस्तर बाधेला वेदी कन हिये जगेला देवनावास्तर एक नवीन वेदी बान्ध अन हिनापर देवन जनावरणी बली दिदी।

दूसरा दन यों वेदीना कीदे तरी तोड़ी राख्यु आ देखीन आदमी घनारागम आया। यो गिदोनान जिवती मारावास्तर घरगया, पन गिदोनान बा आम बोल्यु, “तुम आपना देवनी मदत करानो शे देखु कर? जर आ देव छ तो हिन् खुद्नो रक्षा करा देवो।” हिये आम बोल्यापर हिये गिदोनान मारू कोणी।

फेरी मिद्याये लोकुन डबल इस्राएल लोकना धान्य चोरी कराणावास्तर आया, यो घनासारा था। क यो मोजाणो म बी कोणी आव येत्रा था। गीदोनाये इस्राएल लोकन एक सारा बुलाईन मिद्यान्माती लडाई करणावास्तर आवशे आम समजाइन दिदू म्हणून देवेकन्ति बो चिन्ह माग्या।

पहीलो चिन्ह म्हणीन गिदोनाये जमीन पर कपडू मडायु अन देवन बोलयो कं काल पाठ जमीन पर दही पर न पडता फक्त कपडापर पडानु आम हुनु देवये इमच करू। दुसरा रात हिये बोल्यु क जमिन भिजावानु पण कपडो सुकोच रव्हानो आम हुनु। देवये यो बि करू बो ह्ये व चिन्हती गीदोनान समजी गयु क देव दिनो वापर इस्राएलन मिघा कन्ती छोडा वानावास्तर वापर कारने वालो छ।

32000 इस्राएलवाला सैनिक हिनाकन आया, पण देवये हीना बोलयु क यो घना छ। हीनापायती झगडे ती डरने वाला 22000 सैनिक न हिये वापीस मोकल्या। देवये गीदोना न बोलयु कं यो आजीन घना छ, हिनापायती 300 सैनिकन छोडीन बाकी सबन हिमे घर मोकली दिदा।

यो रात देवये गीदोनान बोल्यो, “तू मिद्याना छावनी केण जा अन यो सु बोलच यो आय्किन डर नको।” हिनापयती यों रात यो छावणी कण गयो अण आपना पडेला एक मिद्याना सैनिक आपना मित्रन बोलानावेड गिदोनाय आयक्यु। यो सैनिकना मित्र बोल्यो, “आ सपन्यानो अर्थ गिदोनानो सैन्य मिद्यानी सैन्यना पराभव करशेन आम हुशेन।” गिदोनाय आ आयकिन देवनी उपासना करी।

फेरी गिदोंन आपना सैनिकन गयो अन हिये हर एकन एक शिगडू एक मडकु अन एक मशाल दिदी। मिद्यानी सैनिक सुयिगया था यो वेड हिवये घेरो घाल्यो गिदोंना नो 300 सैनिक ये आपना मशाल मडकाम घालीन मडावानापायती मिद्यान हिनु उजालु दिव्य कोणी।

फेरी एकच टाइम पर गिदोना ना सैनिकये मड़का फोडमा अणे आपणा मशाल ना उजालु दिसा दिदू। हिये आपणी आपणी आग फुकी अन कलहो कय्यो, “आवो देवणी तलवार अन गिदोनानी तलवार।”

देवये मिद्यान्यानो मिसळ करी डाल्या अन हिनापयती यो एक मेक पर हाम्लो करवान लाग्या। तधच मिद्यानानो नसाळा नावासतर मदत करनू म्हणून बाकानी एस्त्रा एल वाला लोकना हिवना घर बलावानु मोक्लाय आयु। हिवये हिनापैकी केत्रान खतम कय्या अन बाकीना इस्राएलना जमिती धाली दिदू। योच दन 12000 मिद्यायो सैनिक मारीडाल्या, देवये इस्राएलनी आम तरेती छोडायु।

लोक गीदोनान आपनो राजो बनावान देख्यु कय्या गिदोनाये हिवन आम करन ये मिद्याना कती लिदेला सोनाने अगठा मायती काही हिये माग्या। लोकये गिदोनान घना सारा सोना दिदा।

फेरी गिदोनाये यो सोना कंती महायाजक घालने वाला वस्तरावानी एक अलग वस्तर तयार करू। पण लोकये यो वस्तरन एक मूर्ती मानीन हिनी पूजा यो कराण लाग्या, फेरी देवये इस्राएलयन डबल शासन करू, कारण हिवये मूर्ती पुजा करीथी। देवये हिवना शत्रून हिवनो पराभव करा दिदू, आखरी हिवये देवनीच मदत मागी अ देवये हिवन दुसरो तारण वालो मोकल्यो।

आ नमुनानी हातिदा देखनी हुयी रहीच, इस्राएल वाला पाप करच देव हिनन शासन करच। यो पस्तावच अन देव हिवन तारण कारणावास्तर तारण तारण करने वालो मोकलच हरेक वरसकत्ती देवये इस्राएलवाला लोकु कन हिवन शत्रू कंती छोडानावास्तर हरेक तारणकरनेवाला मोल्या।

शेवरम लोकुवे दुसरा राष्ट्रवानी राजो देवकन माग्यो, हिवन लंबो ताकत अन लडाइम समजावने वालो आम राजो पायजे थो। देवन यो आवड्यु कोणी तरीपण हिये हिवना मागनी वानी हिवन एक राजो दीदो।