17. देवणो दाविदना बराबर करार

शौल इस्राएलनो पहिला राजो थो, इस्राएल लोकुन पायजे इमच यो चागलो अन लंबोयो इस्राएल पर काही वरस शौल राजाये चागळू राज करू। पण हिनाबाद यो एक खराब राजो बन्यो अन हिये देवनी आज्ञा मानी कोणी हिनापायती देवये हीना जगापर राज कराणावास्तर दुसरो आदमी निवड्यो।

देवये शौलानाबाद दाविद नामनो एक इस्राएल वालो जवान राजो हनु आम निवड्यो। दाविद यो बेथेलेह्म नगरम एक मेठूवगावनेवालो थो। आपना बाना मठेरा चारवाना वेंड दाविद्ये घनिदा मेंढरा पर हाम्लो करणेवाला वाग अन अस्वल न घतम कय्या था, दाविद यो देवना दर म अन चागलो अन देवने माननेवालो आदमी थो।

दाविद एक मोठो लडाईवाला अन जितनेवालो हुयो, दाविद नान्हो थो। यो वेडम हिये गलयाथ नामांना एक राक्षेस आद्मिती लडाई करीथी, गल्याथ यो एक शिकोलो आगम भारी अन तीन मिटर लंबो सैनिक थो। पण देवये दाविद्न सहाय्य करू अन हिनाबादलाम गल्याथ न मारीन इस्राएल लोकुन छुडायु। हिनाबाद दाविद्ये इस्राएलना शत्रूपर घना विजयी मिलाया हिनापायती लोकुये हिनी चागली वात करो।

लोकं दाविद्नी चागली बात करतांनी देखील शौलान हीनो डरवारांन लागु। शौलाये घनिवेडा जिवती मारानो देखु कस्यो, पण दाविद्ये खुद शौला कती लपायू। एक दन शौल दाविद्न मारानावास्तर धुंडू कस्यो, दाविद लापीण बेशेला गड्डाम शौल गयो। पण शौलान यो दिश्यो कोणी दाविद हाक्या शौलाना घनो कन्ह थो, पण यो हीन मारने वालो थो। पण हिये ईम करू कोणी इम न करता दाविद्ये शौलाना कपडानो आर्धो भाग काय्यो अन आम समजायु कं राजो बनानावास्तर यो शौलानो मडर करनेवालो कोणी।

शेवटम शौल झगडाम मारी गयो अन दाविद इस्राएलनो राजो बन्यो, यो घना चागली राजो थो। अन लोकं हिनापर प्यार कराण लाग्या, देवये दाविद्न आशीर्वाद्म करू अनयो जिती गयो। दाविद्ये हरेक झगडा कय्या अन देवये हीन इस्राएलना शत्रून हरावान मदत करी, दाविद्ये यरुशलेम जिती अन हीन आपनी राजधानी बनाई। दाविदना राजम इस्राएल शक्तिशाली अन जास्त पैसा वाळू राष्ट्र बन्यु।

दाविद्न एक मंदिर बांधानु थु, जिनामं सबन इस्राएल लोकं देवणी उपास अ काही देनेवाला हुशेन। कन्ह कन्ह 400 वरस लोक मोशेये बांधेला दर्शन मंडपना आगल देवणी आस करताया अन देणगी लावता था।

पण देवये नाथान वातपोचावनेवालाकन दाविदा कण वात लीन मोकल्या, “तु लडाईनो आदमी छ हिनापायती आ मंदीर बांधी कोणी शके।” तारू लडकु यो मंदिर बांधशेल पण म तून आशीर्वादम भरी चालीस। त्तारोच परिवार मायती एक आदमी म्हणजे मदत करनेवालो।” मदत करणे वालो यो देवनो निवडेलो अभिषिक्त जगमायती लोकुन हिवना पापकंत्ती छुडावने वालो थो।

दाविद्ये आ वात आयक्यापर तधुच देवना धन्यवाद करू अन हिवनी स्तुती करी, कारण देवये हीन आ सन्मान अन घनो आशीर्वाद दिस आम वचन दिदुयु। देव यो कध पूर्ण कारशे आवातपर दाविदन विचार कोणी थो, पण मरीहो आवाना अग्गल इस्राएलवाला लोक कन्ह कन्ह 1000 वरस हिनी वाट देखानी लागी।

दाविदये न्याय ती अन विश्वास देखालीन घना वरस राज करू अन देवये हीन आशीर्वाद मं भरो। तथापी हीना जगाना आखरी हिये देवना विरुद्ध भयानक पाप करू।

एक दन दाविदना सबन सैन्य झगडानावासतर बाहेर गया, हिये आपणा राज महल मायती एक चांगली बाई नाव्हाना वेड देखी। हिनुनाम बयशेबा थु।

दुसरा हिकड देख्या पेक्षा, दाविदाये योबाईन आपना कन्ह लावानु म्हणून कीन तरी मोकल्यु यो हीना कन्ह गयो। अन हीन हीना घर मोकली दिदू, काही कालम मं गरीब छू आम निरोप हिये दाविद्न मोकल्यो।

बयशेबाना वाधरी उरिया यो दाविद्नो ताकतवर लडाई बालोयो, दाविद्ये उरीसन झगडाकंत्ती वापीस बलायु अन आपणा बाई केड रव्हान बोल्यु। पन दुसरा सैनिक झगडाणा वेड आपनु घर जानु बरोबर कोणी आम समजीन हिये। घर जावान कोणी बोल्यु म्हणीन दाविद्ये उरीयासना वापीस झगडाम मोकल्यु अन आदमी समालनेवालान बोल्यु क हिये तुमळ झगडाणा ठीकानपर उरिया नी नीवड कराणी म्हणजे उरिया झगडाम मरी जाशेल।

उरिया मन्यानाबाद दाविद ये बथशेबाती याहा कय्यो, हिनाबाद हिये दाविदना लडकान जनम दिदो। दाविद्ना करेला कामना बदल देवनो राग आया, अन हिये नायान वात पोचावने वाला न दाविद कन मोक्लीन हीना पाप केतरा खराब था। हीना बदल बोल्यु दाविद्ये आपना पाप ना बदल पस्तायो अण देवये हीन पाप करू, हीनाबादम त्यापरंत दाविद्ये घना कठीण वेड बि दवने वात आयके।

पण पापनी शिक्षा म्हणीन दाविद्नु लडकु मारी गयु, दाविदना उरेला जीवन मं हीना खरलाम हिनाबाद झगडा हता गया अन दिना सामर्थ बी कमी हुयी गया। जरी दाविद्नो विश्वास कोणी रहयोथो तरी पण देव आपनु वचन पाळानावासतर दाविद ती विश्वास मं रह्यो। हिनाबाद दाविद अन बयशेबा हीना अजीन एक लाड्कू हुयु, अण हिनुनाम शालमोन आम मडायु।