18. राज्यन अलग अलग कारणू

घनाच वर्सना बाद, दाविद मरी गयो अन हीना लडकु शलमोन आ इस्राएल पर राज्य करू कय्यो। देवये शलमोन दर्शन दिदू अन हीन सबन ती आगल सु पायजे आम विचारू जध शल्मोन ये दिमाग मागु तध देव हिनेती खुश इयू गयो अन हीये हिन जग मायती सबन ती जास्त दिमागदार बनायु। शल्मोन घनेसारे वात शिक्यो अन यो एक ज्ञान देने वालो हुयी गयो, देवये हीन घनो पैसा वालो बनायो।

आपनो बा दाविद हिना बनामेली योजनाती हिये जमाकरेला वस्तुती शल्मोनये यरुशलेम मं एक मंदिर बांधू लोक दर्शन मडपना बाहेर उपास न करता हाक्या मंदीर ना आन्दर उपास अन काही देवान लाग्या देव मंदीर म आयो अन हिनी जागा यो मंदिर मं थी। अन देव आपना लोकु मं जगा बनावान लाग्यो।

पन शल्मोनये दुसरा राष्ट्र मायने बाईती प्रेम करू, हिये हरेक बाई ती याहा करीन देवनी वात तोडी। हिये 1000 बाई ती याहा कय्यो हिनामायती घने बाये दुसन्या राष्ट्र मायने थे हिये हिनी देवीन बरोबर लाई अन हिनीपूजा करनु चाल मडायु। शल्मोन वृद्ध हुया पर हिये बी दिना देविनी पूजा करी।

देव शल्मोनाये करेला काम पर रागम आयो, हीना आ भरोसाना बदल देवये हीन शासन करू देवये शल्मोना ना मरण ना बाद इस्राएल राज्य ना बो भाग कय्या।

शल्मोना ना मरण ना बाद हीनु लड्कु रहोबाम आ राजा हुयो। राहोबाम आ येडू लाड्कू थु, राष्ट्रमायना सबन लोक हिना राजो म्हणीन मान्य करीन हीना। राज्यम सबन आया, हिये रहोबाम कन जाईन तक्रार करी क शल्योनाये हिना घना काम कराया अन कराण लगाया अन घना पैसा लीदा।

रहोबाम ये मूर्खवनती उत्तर दिद, “तुमन वाट हुशेन क मारो बा शल्मोन हिये तमोरा केंती काम कराई लीदू। पन म तो हीना पेक्षा जास्त काम तुमोराकेती कराई लीस अन तुमारेती रागती वागीस.”

इस्राएल राष्ट्रना दस गोत्रा वये एक कन्ह आईने रहोबाम णा विरुद्ध बंड बुलायु। फक्त बोच गात्रा हिनेती विश्वासम रहया आ बो गोत्रा मिलिन यहुदानो राज्य हुयु।

इस्राएल राष्ट्रना दस गोत्रा वये एक कन्ह आईने रहोबाम णा विरुद्ध बंड बुलायु। फक्त बोच गात्रा हिनेती विश्वासम रहया आ बो गोत्रा मिलिन यहुदानो राज्य हुयु।

यराबामाये देवना विरुद्ध बड आवाज दिदो अन लोकन पाप मं पाड्या। यह्दाना राज्य म रहेला देवना मन्दिरम उपासण करता हिये आपना लोकुनावासतर बो मुरते लाये अन पूजा करान लाग्या।

यहुदाणु राज्य अन इस्राएल नु राज्य एक मेकना दुश्मन हुयी गया अन हिनाम हर वेड झगडा हुता गया।

इस्राएल ना नवीन राज्य म, सबन राजा खराब था, हिनामायती बहुतेक राजान खतम दुसरा इस्राएल लोकुयेच कय्या जो हीना जगापर राज करान देखु कय्या।

सबन राजा अन इस्राएलना राज्य म घनासार हीनाआद्मी मूर्ती पूजा करान लाग्या। हीना आ मूर्तीपूजाम गलत विचार छोटा लड्कान मारनेवाला येव्हा आदमी हिनाम था।

यहुदाना राजा यो दाविदना वंश मायना था, हिनामायती काही राजा चागला था। हिवये न्याय ती राज्य करू, अन खरा देवनी उपासकरी पण रहुदाना राजा मायती घना राजा खराब था। हिवये हिनाम घुलीन मूर्ती पूजा करी, हिनामायती काही राजावे तो खुद्ना लडकान बी मारीन खोटा देवन बली दिदा। यरदाना राज्य म घना जनावये यो देवना विरुद्धे बड करीन दुसरा देवनी पूजा करी।