19. संदेश मोकलनेवाला

इस्राएलना पूर्ण इतिहासम, देवये हिनाकन संदेश मोकलने वाला मोकल्या। संदेश वाला देवकत्ती संदेश आयकता अन यो लोकु कण पोचावता था।

जध अहाब इस्राएल राज्यनो राजो थो तध एलिया आ संदेश पोचावने वालो थो। अहाब आ एक खराब राजो थो अन हिये लोकन बनायेला देवनी उपास करानावास्तर समजाईन बोल्यु। एलिया अहबासन बोल्यु, “जो परत मं बोलु कोणी तो परत इस्राएल म पानी पडनेवालो कोणी। आ सबन देखीन अहबान राग आयो। अहाब एलीयासन जिवती मारा न देखी।

हिनापायती देवये एलीयासन जंगल म एक ओहोळ म लपीन रव्हान बोल्यो। हर एक दन पाठ अन साज, पक्षी नाकती देवये हीन खानु मोकल्यु, अहाब अन हिना सैनिक एलियास न धुढू कय्या। पण हिवन यो सपडायो कोणी यो खराब काळ आत्र भयानक थो क यो आखरी आहोळबी आरकी गयो।

हिनापायती एलिया कन्ह पासना देशम गये यो देशम रहनेवाली एक इधवा अन दिनु लड्कू हिनाकन हुनेवाली खानुपाणी दुष्काळम खतम हुती आई। पण हिवये एलीयानी काळ जी करी, हिनापायती देवये हिवने गरज पूर्ण करें अन हिवना डबा माहिनो आररो अन शिशी महिनी तेल कधच खतम कोणी हुया। पूर्ण दुष्काम खतम हुवापरंत खानु हिवना कण थु, एलिया यो ठिकान्य घनावरस रहो।

साडे तीन वरस देवये एलीयास न इस्राएल ना राज्य म जाईन देव हाक्या पानी मोकला लाग्यो हानी अहाब राजाना आगल आवाज करीन बोलान बोल्यु। जध अहाबये एलीयास न देख्यु तध यो बोल्यो, “तुचयो छळणे वालो नी।” एलियाये हिन्न उत्तर दिदु, “तूच यों छळणे वाली छा त आपना खरो देव छोडीन बनायेला देवनी पूजा करी। इस्राएल राज्य ना सबन लोकुन कर्मेल पहाड पर लीन आव।”

तध इस्राएल ना राज्यना सबन लोक बनायेला देवना 450 सन्देश पोचवनेवाला कर्मेल पहाड़ कन आया। एलिया लोकून बोल्यु, “तुम केत्रीदा आपनो मा बलावता रहशुन? जर खरीच आ देव हुशेन्तो दिनीच सेवा करो। जर बनाएला देव हुशेन तो हीनी शेवा करो।”

फेरी एलिया बनाएला देवना वातपोचवनेवाला केड बोल्यो, “एक धाधो मारो अन दिन बलिनावास्टर तयार करो पण दिन आग लगाव नको। म बी इमच करीस जो देव आगना ती उत्तर देशेन योच खरो देव।” आम प्रकारती बनायेला देवना माननेवालावये एक होम तयार कय्यो पण हिन् आग लगाईं कोणी।

फेरी बनायेला देवना वातपोचावनेवाला प्रार्थना करान लाग्या, “बनायेला देव हमारू आयको।” यों दनभर प्रार्थना करता आणि चिल्लावता रव्ह कय्या, हिवये खुदन चाकती कापू तरी पण दिवन उत्तर मिल्यु कोणी।

आखरी साजना वेळ एलिया ये देवणावस्तर हाम तयार कय्यो, फेरी हिये लोकुन बारा भाड़ा पानी भराणा मोठा भांडा पाणी यों होम बलि चढावाणा अन आगपर नखान बोल्यु।आत्रु क होमबली अन आग अन वेदी आगल पाछल नी जमीन सुध्दा पूर्णपणेती बोली हुयी।

फेरी एलिया ये प्रार्थना करी, “ओ परमेश्वर, अब्राहम इसहाक अन याकोब दिनो देव, इस्राएल म तूच देव छ अन म तारो सेवा करने वालो छ आ सबन देखाल मन उत्तर द म्हणजे म्हणजे तूच खरो देव छ। आम आ लोकुन खरी समज लाव।”

तध परमेश्वर कंत्ती आग उतरी अन हिये होम बली, आग धोड़ा अन माती अन यों हांडा मायनु पाणी सुध्दा खतम करि डाल्यु। आ देखीन सबन लोक, पालये वाचिं बोल्या, परमेश्वर आवो आचदेव परमेश्वर आच देवा।”

तध एलियास हिन् बोल्यो, “ब आलाना बात पोचावनेवालान पकड़ो, हिना मायती एक न भी निकला नको देज्यो।” तध हिवये अन हिन् दूर लिजाइन हिन् जीवती मारी डाल्यो।

फेरी एलिया अहाब राजा तो बोल्यो, “रपकन नगरमजा शेकी पाणी आवुकर।” तधच आभाल म काला ढंग जमा हुयीन मसल धार पाणी पड़ान लाग्यु, याव्हे देवये आमतरेती खराब दन खतम कय्या अन मच खरी देव छु आम समजायु।

एलियानाबाद देवये अलीशा नामना आदमीन आपनो वातपोचवने वालो आम नीवडयो। देवये अलिशा ना ती धना सारा चमत्कार कय्या, एक चमत्कार दुश्मनों सेनापती नामना हानावास्तर हुयो। हिन् एक भयानक चामडी रोग थो, हिये अलीशा विषय म आयक्यु थू, म्हणून यों हिना कन गयो। अन मन चागलु करो आम विनेती करी, अलिशाये नामाना न यार्दन नदीम सात दा दुबकी माराण बोल्यु।

सुरुवातम नामाना न राग आयो अन आम कराम यो तयार हुयो कोणी शेकी यो हिन् नासमज वाय्यो। पण हिनाबाद हिये आपनो मन बद्लायो यन हिये यारदेन नदीम सात दा डुबकी मारी। जध सातवा वेळ हिये डुबकी मारी तध हिनो कोड पुर्णापन चागलु हुयु देवये, हिन् चागलू करू थू।

देवये दुसरा वातपोचावनेवाली बी मोकल्या यों सबन ये लोकून मूर्ति पूजा बंद करो अन दुसरावन न्याय अन कदर करो आम बोल्यु। वातपोचावनेवाला वय हिवन इशारा दिदो क जर हिवये आपने खराब रस्तो छोड़ीन देवने आज्ञा आयके कोणो तो देव हिवन गलत समजीन दिवन शिक्षा करशेन।

घनी दा लोकुये वात आयके कोणी हिवये ह्य्येक दा वातपोचावनेवाला नो अपमान कय्या अध् कध कध हिवने जीवती मारी डाल्या। एकदा हिवये यिर्मिया वातपोचावनेवालाण कोरा हिराम लोटी डाल्यु, हीराना कोंटा म गाराम यो आयक्यो पन हिनाबाद राजा न दिनी दया आयी अन यों मराणा आग्गयल दिन बाहेर काठानी हिये हिना सेवक न आज्ञा दीदी।

जर लोक हिना राग मानता था तरी वातपोचवनेवाला देवना वास्तर बोलता था, दिये लोकुन चागले ती रव्हानो इशारों दिदो। क जर हिवये पस्ताया कोणी तर देव हिवन खतम करशेन देवनो अभिवचन ती मसीहा आवने वालो छ। हिनोबी हिये लाकुन आठवन करी दीदी।