21. देव मसीहान मोक्लानु वचन देच

पहेले कनतीच देवये मसीहान मोक्लानु योजना बनाई ची मसीहाना बाराम अभिवचन सबनती। आगल आदम हाव्याकन आयु देवये वचन दिदू क हव्वान जी लळकु दुसने थी सापनु मुक्ल्यु फोडसे जो सापये ह्व्वान कसायु यो सैतान थी आ वचन अर्थ आमयु क मसीहा सैतान पूर्ण हारावसे।

देवाने देवये अब्राहाम आन वचन दिदुयु क दिना कनती जगमायना सबन कुल आशीर्वादीन हुसेन आगल भविष्यम मसीहा आयानाबाद आ वचन पूर्ण हवा लागू थु। यो हरेक राष्ट्र मायना हारेक गरमायना लोकुनु तारण हुसेन आ यी फकु करसे।

देवये मोशेन वचन दिदुयु क भविष्यम यो मोशेवानीच एक सदष्टी तयार करसेन मसीहाना बाराम आ दुसरू वचन व्यु जो काही काउना बाद करू हा लगुथु।

देवये दाविद राजान अभिवचन दिदू क दीनाच पन्सा मर्याती एक आदमी देवना लोकुपर सबन काळ राज्य करसेन दिनु आर्य आमयु क मसीहा आ दाविदना घराव्याम जलम आवसेन।

यीमर्या संदेष्टाना कमी देवक वचन दिदू क एक नव्वी कतरम आज्ञा आद्मीणा कराल गयो। पण यो सिनाय पर्वतपर इस्राएल केळ करेला करारवान्हो कावी रसेन नव्हा करारम देव आपन्ये आज्ञा आदिमान दिलपर लिखसेन लोक देवन सोन्या आलदासेन यो हीना लोक हुसेन अण देव नवा करारनी सुवानि करसेन।

देवना संदष्यवियेभी बोलु थु मसीहा एक संदेष्टी याजक ऊन राजी हुसेन संदेष्टी आ एक आम आदमी छ क जो देवनु संदेष्ट आयकीन लोकुन बोलच देवये अभिवच दिदेला मसीहान आ एक परिपूर्ण संदष्टी रसेन।

इस्राएली याजक लोकुये कारेला पापनी शिक्षानु पश्चाताप करीना देवन होम बले करता था। याजक लोकुना वास्त देवन प्रार्थना भी करता था मसीहा आ एक निसपाप महायाजक रसेन जी देवन स्वःनु पूर्ण बलिदान करा लाग्यो थी।

रानी म्हणने लोकपर राज्य करच अन दिवनी ध्यान करच आपनी करवज दाविद दिना सिहासनपर बेसने वाली मसीहा आ एक पूर्ण रानी थी यो सबन जगपर सबन काळ राज्य करसेन अण खरेती सबना न्याय करसेन अन खरो निर्णय लेसेन।

देवना भविष्य वाधीवये मसीहाना बाराम बधेन बाकी वात आगुदरच बोली राखे थे मलाखी संदेष्टाये भविष्य बोलुयु क मसीहा आपना आगल एक महान संदेष्टो आवसेन। यशया संदेष्टाये भविष्यवाणी करीथी क मसीहा आ एक क्व्वारीना पेटम जन्म लेसिन मिखा संदेष्टये बोलुयु क मसीहा बेयलहेम नगम जन्मान आवसेन।

यशया संदेष्टा बोली क मसीहा गालीलम रसेन निराशम रयेला लोकुनु समाधान करसेन। अन जो बंधनम छ दिवन दिवन छोळनी घोसना करसेन दिये आबी बोलु क मसीहा बिमारी भोकलु मुक्या बहियावन लंगळापन बरु करसेन।

यशया संदेष्टाये आबी लोलुयु क मसीहान विनाकारण देश कारान आवसेन अन हीन आपन्यापाम कोणी पावसेन दुसन्या संदेष्टा वरव्ये आगलच बोली हीना कपळा वातीन लेवाना वास्त चिट्टी फेकसेन अन मसीहानीच दोस्तानी मावनी एक दिनी विख्यात दान करसेन जखन्या संदेष्टाथे आगलच बोलीन म्हेली राखुशु क मसीहानी विश्वासघात करानावास्तर दिना। दिसन चांदीन तीस कलदार दीन धराई देसेन।

संदेस्यावये मसीहा कोन मरसेन दानाबी बाराम भविष्य वानी करीथी यशयाये भविष्य बीलु थु क लोक मसीहापर थूकसेन दीन थटाक करसे। अन दीना फटको मारसेन जरी दिये काहीच वाईट करून कोणी थु, तरी दीन खाला रोकीन भयानक तपलिक तडपायीन मरण देसेन।

संदेष्टावये आणि बोलु क मसीहा परिपूर्ण अन निष्पाप रसेन यो सबन लोकुना पापनु मोल चुकापाना वास्तर मरसेन दिन मिलेली शिक्षा आदमी अन परमेश्वर हानाम सेमेट करणाम आवसेन आ देवनी इच्छा थी।

संदेष्टावये भविष्य बोलु थुक मसीहा मरसेन अन देव पिन्य डबल जीवता करसेन मसीहानी मरण अन डबल जीवन द्याना पायती देव आपनी योजना पूर्ण करसेन पाज्यानु तारण करीन एक नव्वी करार बनावसे।

देवये संदेष्टावन मसीहाना बाराम हारएक वात देखाले पण योय संदेश मायती काईनाणी कारण मसीहा आयी आयी कोणी आखरीनी भविष्यवाणीना वाद अनदान 400 वरस्नी कन्य चागली टायम आया पर देवये मसीहान आ जगम मोकली।