24. योहान येशुनो बाप्तीस्मो करच

योहान जखन्या अन अलीशिबा हानु लडकु, मोठु हुयीन एक वातपोचावनेवाल बनच। यो जंगल म रहयो थो, रान मध अन टोळ खातु थु। अन हीना कपडा उटना केस ती बनायी राख्या था।

योहानानु भाषण आयकानावास्तर घना लोकु जंगलम जावान लाग्या। दिये हिना वातबोले, “पस्तावो कारण स्वर्गना राज्य कन्ह आई रह्युचा।”

योहानानो वात आयकीन घना लोकुये पस्ताया अन योहानाये हिवन बाप्तीस्मो दिदो। घना धरम न माननेवाला आदमी बी बाप्तिस्मो लेवानावास्तर आया, पन हिवये आपना पापना विषय म पस्ताया कोणी था अन आपना पाक मान्य कोणी।

योहान यों धरम माननेवाला लोकुन बोल्यो, “तुम्ह सापना लड़का हो, पस्तावो अन तुम्हारी वागनुक बदलो। हरेक झाड जो चागला फल देय कोणी यो तोडाम आवशेन अन आग्य घालाम आवशे। योहानये वातपोचावने वालान आव्हा वचनी मान राखी, “देखो, म मारा दतन तारा आगल करू, यो तारावास्तर रस्तो बनावशेन।”

काही यहुदयाये योहान न तु मसीहा छ किसु आम विचारू। योहान बोल्यो, “म मसीहा कोणी, पण मारा पाछलती एक झनु आ हु कर। यों आत्त महान छ क, हिना वहानो बाद छोडाणी मारी आवखात कोणी।”

दुसरा दन येशु योहान नाकती बाप्तिस्मो लेवानावास्तर आयो। योहान ये हिन् देखिन बोल्यु, “देखो, जगना पाप खतम करनेवालो देवनो कोकर।”

योहान येशुन बोल्यो, “म तुम बाप्तिस्मो देणाम बरोबर कोणी। हिना पेक्षा मन ताराकंत्ती बाप्तिस्मो लेवानी जरूरत छ। पण येशु हिन् बोल्यो, “तू मन बाप्तिस्मो द, शेकी देवना काम म आकरनु बरोबर छ।” तध योहानये दिन बाप्तिस्मो दिदो, जरीपण येशुये पाप कोणी करू।

जध येशु बाप्तिस्यानाबाद पाणी मायती आयो, तध देवनो आत्मा कबूतरना रूप म आईन हिना पर थाब्यो। योचवेड आकाश वाणी हुयी, “तू मारो कन्ह्नो चागलु लड्कु छ, तारा बदल म खुश छु।”

देवये योहान बोल्यु थु, “तू बाप्तिस्मा दिदेला जो आदमी पर पवित्र आत्मा उतरीन आवशेन। योच आदमी देवनु लड्कु हुशेन।” एकच देव छ, पण जध योहानये येशु न बाप्तिस्मो दिदो, तध हिये देव बा बोलीन हुयेला दिख्यु। देव लड्कु येशु देख्यु, अन पबित्र आत्मा देख्यु।