25. येशुनी शैतान कन्त्ती परीक्षा

बाप्तिस्माणाबाद तधच पवित्र आत्माये येशुन टेकडापर लिगयो, यों जगापर येशु चालीस दन अन चालीस रात उपास करतो थो। तध सैतानये याहा आईन येशुनी परीक्षा देखी।

सैतानये येशुन वातूम पाड्यो, “जर तू खरीच देवनु लडकु छ, तो ओ भतरान रोटलो हुवानी आज्ञा कर म्हणजे तुन खानु मिलशेन।”

येशुये उत्तर दिदु, “देवना वचनम आम लिखी राख्युच, लोकुन जागानावास्तर फक्त रोटलो कोणी। तो देवना बाकामायती निकलेला हरेक वचननी गरज छ।”

फेरी सैतानये येशुन लिन मंदिरना कोट्टा पर उभोय्यो अन हिन् बोल्यो, “तू देवनु लड्कु छ तो हट हड्डी मार, शेकी आम लिखी राख्युच क, देव आपना दतुना विषयम आज्ञा करशे, अन तारा गोडाना उप्पर पड्यो कोणी पायजे हिनापायती योतुन हातपर झेलशेन।”

पण येशुये सैतान धरमशास्त्र मायती उत्तर दिदु। यों बोल्यो, “देव आपना वचन मायती लोकुन आज्ञा देच, तू आपना दे परमेश्वर हानी परीक्षा देख नको।”

फेरी सैतानये जगमायती सबन राज्य अन वैभव देखाल्यु अन बोल्यो, “जर तू गोडा पडीन मन नमन करीस तर म आसबन दिस।”

येशु ये बोल्यु, “अरे सैतान, निकलतो हो, देव आपना वचन म लोकुन आज्ञा करच परमेश्वर तारो देव हिन नमन कर। अव फक्त दिनीच उपासना क।”

आम तरेती येशु सैतान नी वातम पड्यो कोणी, हिनापायती सैतान हिन छोडीन ह्याती निकली गयो। फेरी देवदुतवे आईन येशुनी सेवा करी।