36. येशुनो रूपान्तर

एक दन येशूय हिना शिष्यमहिती पेत्रस, याकोब आझीक मोहान यो तिन्हेवन हिंना एड लिलिदा। (योहान नामनो शिष्य आझिक जीहे बप्तिस्मो लिदो यों भराव एकच आदमी काइनी) यो प्रार्थना करानालिये एक मोठा डोंगापर गया।

येशु प्रार्थना करु कय्यों तध हिना बाकापर चानवानी उजालु हुई गयु फेरी हिना कपडा उजालावानी धोलाफट हुई गया आतर धोलाफट की जगम किनच येतर धोलीफट काढता कोणी भाई अस्ति।

तध माछले आजीक एलिया या संदेष्ट हीना नजर म दीसी गया, आ वाघरी घना वरस आदुगर आ जमीनपर मरना विषय पर हिनेती बोलु कय्या जो येरुशलम घडणु थु।

जध माछले आझीक एलिया येशु केड बोलु कय्या पेत्रस येशुन बोंल्यो हा रनू आपन चागलूछ हा आपुन तीन मदप भांधे एक आपणा लिए आजिक एक एलियान लिए, पेत्रस सु बोल्यु कय्यो हिनू हिन समजु कोणी कय्यु।

पेत्रस बोल्यु कय्यो तधच एक उजालु हवा वाणी आइन हिवन अडाईलिदा आणि हवा माहिती अतर वाणी हुदी की आ मारु लड़कुछ हानापनम प्रेम करुत म हानात पाईती आनदित छु हिनु तुम आइको यों तिन्हेव शिष्य घन डरीहात आझीक जमीन पर हेट पडीग्या।

तध येशुये हिवन हात लगाईन बोल्यु, “डरो नको लेओ उठो’’ जध हीववे उठतानी देख्या तध योहया फक्त येशुत थो।

येशु आणि यो तीनहेव शिष्य डबल डोगा परती हेट उतय्या, “तध येशु हिवन बोंल्यो की हा जो हुदु हिना बाराम कोईन नको बोलजो म पटकनज मरीस फेरी डबल जीवतो हूईस फेरी तुम घनाबाराम लोकून बोली सकोत।’’