35. दयाकरने वाला बा नी वात

एक दन, हिनू आयकान जमा हूदेला घना पापी लोकू न येशु शिका वू कर काही धर्म ना लोकू गलढा यहाँ था। हिवन येशु पापी लोक न जमा हुदेला लोकू न सोपती वानी व गाया फेरी हिवन देख्या फेरी आफसम बोलू कव्या फेरी येशु ये यो वात बोली।

काही धर्म ना लोकू गलढा यहाँ था, हिवन येशु पापी लोक न जमा हुदेला लोकू न सोपती वानी व गाया फेरी हिवन देख्या फेरी आफसम बोलू कव्या फेरी येशु ये यो वात बोली।

“एक आदमीन ब लड़का था फेरी छोटा लड़का ये हिना बा न जाईन बोलू बा मारा हिस्सा पर जो माल मफ़्तो आवत फेरी हिना बाये ब हिस्सा पाडया।’’

“रपकनच छोटा लड़का ये सबन माल मफ़्तों लिन दूर देश चली गयो फेरी हाँ वाईट कामती पूर्ण माल मफ़्तों गमाई दी दो।’’

“फेरी यो गमाईन यो गाम घनो दुष्काळ पड़ी गयो थो हिना क धान्य सुद्धा लेवान पैसा कोनी था। फेरी हिनाक एकच काम छू यो शू खेतरनू काम डुकर चरावानू काम यो आत्र दनरात भुक्यो छो डुकर जो खाऊ करो शेंग हिन मन आम वाटू करो।’’

“शेवटन हीन आम वाटू करू मारा घर नवकर खानानो चंगळ करत फेरी म हाँ भुक्यो मरु म मारा बा जाईन आणि बा कंती क्षमा मागीस हिन विनती करीस।’’

“फेरी यो छोटू लडकू हिना बाना घरना रस्तेती जावान लागत यो दूर रहत, हिना बानो लक्ष जात आणि हिना पर दया आवत फेरी नाशीन जात आणि हिन गला मगलू घालू।’’

“फेरी हिनू लडकू बोल्यू यो बा म देवना विरुद्ध आणि तुम्हारा विरुद्ध पाप कय्या म तारू लडकू बोलाना लायक काईनो।’’

“फेरी हिनोबा बोंल्यो, एक वात रपकहन जाइन मारा लड़का ना वास्तर चांगला कपड़ा लाव फेरी हिन घालान लगाया, हातम आंठी दीदी फेरी हिना गोडा म चपल घालान लगाया एक चांगला बछड़ा नु फेलडू मारिन एक फेरी आपुन सबन मिलीन ख़ुशी मनाये कारण मारू लडकू गमाई गयू थू मान वाटयु मारू लड्कू मरी सू गयु फेरी हाख्या जीवतु छ कारण गमाई गयु थू पण आख्या मिल्यू।’’

“हाना आगुदर आनद उत्सव बनायो हिना आगुदर मोठू लड्कू खेतर मयती काम करीन आयो आणि हिन् आवाज आयकू आयो हिन् नवल वाटी।’’

“जध मोठा लड़कान आयकू आयू की हिन छोटा भाई घर आयो तध हिन राग आयो हिनो बा बाहेर आयो आणि हिना बा बोला न लाग्यो सु बोंल्यो मोठा लड़कान खुशी मना वाना बोलो फेरी विनती करा न लाग्यो फेरी यो आंदर जवान नाकार करू करो।’’

मोठा लड़कान आपना बान बोंल्यो, बा आत्रा वर्ष म तारा वास्तर विश्वास तो म काम करू, कय्यो फेरी म तारो आज्ञा ना आगुदर गयो कोनो तरी तुहे मारा सोपतीन ख़ुशी करान एक पैसा दीदा कोनी फेरी तारु लड्कू वापीस आया नंतर तुहे हिना वास्तर एक फेलडू मारु।’’

“बा ये उत्तर दिदू मारू लडकू नेहमीच मारा फेड छ जो मारु छ यो खुशी मनाव कर फेरी यो तारु भाई छ मारी गयो थो, पण आख्या जीवतों छ यो गमाई गयो थो पण आख्या मिली गयो।’’