38. येशुन धोकेती धरीन देणाम आवच

दर वर्ष, यहूदी व सण साजरो करताना देवये मिसर देशये गुलामयती घना वर्षा मयती हिना पूर्व जाची कीम सुटका करो, हानी खुशी साजरो करो यहूदी लोक आ सण करत येशुना चांगले वात खुला वनती आया ना बाद अंदाजी तीन वरसती येशु ये आपना शिष्य न बोल्यु की यरुशलेम ना हिना बरोबर साजरो करावू कर हिनी इच्छा छ आणि फेरी तो यहाँ मारान जाऊ कव्या आम हिये बोल्यू।

येशु हिना शिष्य पैकी यहूदा नाम नू एक शिष्य छो। यहूदा हा प्रेषिता नी पैशानी थैली सांभाळणे वालो खनिज छो पण यो पैशा नो लोभो थो। घनी बार हिना मयती पैसा चोरा आम येशु आणि हिना शिष्य येरुशलेम आया ना बाद याहूदा धर्म पुढाय्याना जाईन मिल्यो आणि पैशाना बदल येशु न धरीन देत हानेवात करु कव्या हीन माहीत छु की यहुदा पुढारी येशु आ मसीहा छ आ नाकार करु कव्या व हिन मारान करू कर।

तध महायाजक व यहूदी पुढावयान मिलीन येशु नो विश्वास घात कराना वास्तर यहूदा न चाँदीना तीस शिका दीदा। संदेश मोकल्यो भविष्यवाणी पूर्ण हुवाना वास्तर आ सबन काही हुई गया, यहूदा हिनाती सहमत हुई गयो फेरी पैसा लि गयो तधती यो येशुना धरीन जवानी वाट देखू कव्या।

यरूशलेम येशु ये आपना शिष्य न वल्हाडण सण साजरों करो। वल्हाडण खावा ना दरम्यान येशु ये रोटलो लिन हिन तोडयो, फेरी यो बोंल्यो, “ल आणि खा आ मारु शरीर छ आ तूमन देवान जाऊ कर मारी आढवन आकर आ प्रकारे येशु ये बोल्यू की हिनू शरीर हिना वास्तर बलिदान देवान जात।

जध येशु एक प्यालान लिन बोलत, “हातेती ल आ मारु नवा करार नू रगत छ यो सबना पापनी क्षमा लीन जाऊ कर जध तुम्ह आ पिशो तध आ मारी आढवण आवशे।’’

फेरी येशु हिना शिष्यन बोंल्यो, “तुम्हारा पैकी एक मारो विश्वास घात करशो।’’ तध हिवन जटकों लागो आणि यो वॉचरु कर की आम वात कोण करशे येशु बोंल्यो, “हिन म आ रोटलो तोडीन दिस योत मारो विश्वासघात करशे तध हिवन यहूदास न यो रोटलो तोडीन दीदो।’’

यहूदा ये आ रोटलो लीन सैतान ये हिना म प्रवेश कय्यो। तध येशुन धरीन लिवाना वास्तर यहूदा हयाती निकली गो यहूदा पूढाय्याना मदर करान गयो यो रातनो टाइम थो।

खावा नंतर येशु आपना शिष्य ना जैतूनाच्या डोंगरा कडी गयो येशु बोंल्यो, “आज रात तुम्ह सबन मन सोडीण जावो की आम लिखी राखयुत म मेढपाळ मारीन व मेढरांची करीत।’’

पेत्र उत्तर दिदू, “जरी सबन तुन सोडीण दिशे तरी म तुन सोडणेवालो।’’ कोणी तध येशु ये पेत्रन बोल्यू, “सैतान ये तुम्हारा सबन नू नाश ठराई राखू परंतु तुम्हारा वास्तर प्रार्थना करी स पेत्र हाना वास्तर की तुम्हारो विश्वास डगमगा कोनी पाहजे। तरो देखीस आज रात नू कोंबड़ो चिकरशे हिना पूर्वी तीन डाव नाकारीस।’’

तध पेत्रस ये येशु नू बोल्यू, “मन मरु लागशे तरी नाकारने बोलो कोनी बाकी शिष्य इमच बोल्यू।’’

फेरी येशु ये आपना शिष्य लीन गेथशेमाने बोलेला ठिकाण पर लिगयो शिष्य ये परीक्षेत पडयो कोणी फेरी येशु ये हिवन प्रार्थना करी बोलू की जध येशु स्वतानी प्रार्थना करान गयो।

येशु ये तीन बार प्रार्थना करी, “वो बा जर आ शक्य असतु तर आ दुख सहानू काम ना पड़ी आसतु तर मारा कंनती दूर कर परंतु लोक नू पापनी क्षमा दूसरों मार्ग काइना तर तरी इच्छा पूर्ण हो।’’ येशु घनों व्याकुल हुवी गयो घाम रगतनो थेंब वानी हुई गयो, देव ये देवदूत बालाइन हयोस सामर्थ दिदू।

प्रार्थना सरी गई प्रत्येक वेळ न येशु शिष्या क आयो शिष्य सोदोलो यवस्थीत हिवन मडायवस्थीत हिवन मडायो जध यो तिसव्या दा वापीस तध येशु बोल्यो, “उठो मारो विश्वास घात करणेवालू आयू।’’

यहूदा धर्म पुढारी, सैनिक, व एक मोठा लोक सबन बरोबर आयो हिन्वे आपणाबरोबर तलवार व सोटे लाया था। यहूदा येशु क जाइन बोंल्यो, “सलाम मास्तर आणि हिनू चुंबन लिदु कीन धरानू आ यहूदी धर्म पूढाव्यान समजाना वास्तर आ एक चिन्ह थू तध येशु बोंल्यो। यहूद मारु चुंबन लिन मारु विश्वासघात करूकर?’’

सैनिक येशुन धरीन लिजावान पेत्र ये आपणी तलवार काठी व महायाजकाच्या सेवकनो का वाढी दाल्यो, “येशु बोंल्यो तलवार बाजून मंडाव म बा कंती मारी बचावानो देवदूताचे सैन्य मागुत करो। फेरी मन बानी आज्ञा पाकानों आवश्यक छ,’’ तध येशु ये मनुष्यानू कान कापानी चांगली प्रार्थना करी। येशु न धरीन लिजावन सबन शिष्य नाशी गा।