39. येशुनी देखणी

आ आरधी रात नो टाईम थो सिपाई येशु नी पैहीरो देवाना वासते हिन महायाजक ना घर ली गया पेत्र दूर ती हिना पाछल आऊ कय्यो त तध येशुन घरना आदर ली गया पेत्र बाहार थंडी म थो त यो आग शेकान बेसी गयी।

आदर घरम, यहूदी धर्मना लोकू येशु न पहरों देवू करत हिये येशुना विरुद्ध खना खोटा साक्षीदार आया था। तथापि, हिना जबान म खरू कोणी थू तध यहूदी पुढार न हिना येशुना गुन्हा खोंटू कोणी करना यू यो टाईम येशुन काही बोलना कोणी यायू।

शेवट, महायाजकये येशु वाडी देखी न विचारु, “हामन तु बोल की तू मसीहा जिवन देवनू लडकू छ?”

येशु ये बोलू, “म छू आणि तुम न बा कन बाजू ती बेसलो व स्वर्ग मती आवतानी देखो।’’ तध महायाजक रागती आपना कपड़ा फाड़ी डाल्या व अन्य धर्माना पूढा ना समोर मिढ़ेती बोलू, “आकया आपण आणखीन पुरावानी गरज कायनी तू देवनू लडकू छ आम हिये बोलू आ तुम्हे स्वतः नी आएक्यू सु तुम्हारो निरूय सु छ?’’

सबन यहूदी लोकू पुढारन महायाजक उत्तर दिदू, “यो मरण नो दंड दिराख्यीन।’’ फेरी हिना येशुना डोळया पर पट्टी बांधी. हिना बाकापर थुकयू हिन मारू व हीवे खबो उपाडयो।

पेत्र घरना बाहेर वाट देखू कर। तध घरनू काम करणारी एक लडकी न हिये बोलू, “तू येशु केड थो।’’ पेत्र ये नही बोलू, फिरे दुसय्यी लडकीन आम बोलू आणि पेत्र ये डबल नही बोलू शेवट, लोकुये बोलू, “आमन माहीत छ की तु येशु केड छो कारण तुम्ह बहेव गालील देश मयना छ।’’

तेध पेत्रशये शपत खालीन बोलू, “जर म आ आदमीन वडखतो हूशैनो तर देव मन शापीत कर से।’’ तर लगेच कोंबडो गमायी गयो। आणि येशु ना पाछळ दीखिन पेत्र आडी देख्यू।

तध पेत्रश दूर जाईन घनो रोदयो हिना वचम येशू न धरने वाला लोकू ये देखू की यहुदी धर्मना लोकून पुढा ये हिना येशू न मरणी शिक्षा दिदी तध यहुदास अम कय्यू की करलेल्यू प्रस्ताव हुदो व हिवे जाईन आत्महत्या करीली दि।

दुसय्या दन पहार यहुदी लोक पुढा ये येशून रोमीन सुभेदार ना आल लायो हिन आशा थीकी पिलात येशू न दोषी ठयय्याओ मरणनी शिक्षा दिदी। पिलात ये येशु न विच, “नू यहूदानो राजो छ सु?’’

येशु ये उत्तर दिदू, “तू छ मन परंतु मारु राज्य छ धरतरी पर कायनी तर मारु सेवक मारावास्तर रोहीर रहोत म आ धरतरी पर देवना विषय खरु बोलान आई रहोत। खरा पर प्यार करणे वाला सबन झना मारी आईकन।’’ पिलान ये विचारू, “खरु सु छ?’’

येशु न केड बोल्यापर, पिलात बाहेर जाया पर जमवास बोल्यो, “मन आ आदमी काही दोष वाट कोणी।’’ परंतु यहुदी पुढारी पर लोकूना वचम मोठेती चिकयो, “हिन क्रूस पर काई खिला खाल्पा,” घना परती पिलात उतरो यो निरधोश छ पण यो आजून घनू चिकरु कर तध पिलात नीसय्यादा न बोल्यू, “यो निर्धोश छ।’’

जमाव आपण विरुद्ध बड पुकारीन कर पिलास न डर लाग्यो, आपणा सैपाई ये येशुन फटका माय्या, हिना अंग पर ए राजकीय झगो घाल्यो व मुडकया पर काटा नो ताज मडायू फिरी यो हिनी मजाक उडायू फिरी यो हिनी मजाक उडाऊ कर, “देखो आ यहुदानो सजो।’’