4. देवये अब्राहमती करार

महापुर म काही साल ना बादम आजुन लोक वाढया पाहिजे म्हणुन सबननी भाषा एकच थी, देवना बोलेला वाणी पृथ्वी भरी डाली, यो एकय जमा हुईन हिवये एक शहर बनायु।

यो घना घमंडी हुयी गया, पण देवये सु बोल्यु दिनापर हिवनु ध्यान काई कोणी, हिवये स्वर्गम जाता आवशे ईम उंच शिली बनावनी सुरुवात करी डाली। देव बोल्यो आ प्रकारती खराब करनावासतर यो एक म काम करशे, अन यों अजिन ख़राब काम करशे।

फेरी देवये दीवना भाषाम गडबड तयार करी, अन घने भाषा अनाये। अन हना वाणी दिवन सबन जग म पगराया, जो शहर बनावान लिदु हिन बाबेल म्हणजे “गड़बड़” आम बोली राख्युच।

घना वरसनाबाद, देव अब्राम नामना आदमीनाबरोबर बोल्यो। देव हिनाकडे बोल्यो “त आपनो देश अन आपना नाता महीना न म छोडीन देखालीस। यो देश म जा म तुन आशीर्वाद दिस अन ताराकत्ती एक मोठु राष्ट्र बनाईस, म तारु नाम मोठु करीस। तन जो आशीर्वाद देशेन दीवना, म आशीर्वाद दिस अन तू न जो सुराप देशेन, ताराकती पृथ्वी पर सबन कूडे आशीर्वाद म हुशेन।”

अब्राम नये देवना आज्ञानु पालन करू। हिये आपना बाई सारा, अन सबन नवकरचाकर बी मिलायेली सबन माल मत्ता किन अब्राम देवये देखालेली कनान देश म जावान निकल्यो।

कनान देश म आयापर देव अब्राहम न बोल्यो, “तू तारा आगल पाछल देख। आ देश जो तू देखच म तुन अन तारा संतान वतन म्हणीन दिस।” फेरी अब्राम यादा वस्ती करीन रहयो।

एक दन, अब्राम परात्पर देवना याजक मलकीसदेकास न मिड्च। मलकीस देकये अब्रामण आशीर्वाद दिदो, अन बोल्यो, “आभाल अन पृथ्वीनो स्वामी जो परातपर देव अब्रामन आशीर्वाद देनु।” फेरी अब्रामये मलकीस देकन आपना सबन वातना दसवो भाग दिदो।

घनावरस गया, पण अब्राम अन साराय दिवन अजिन बी लडकु कोणी थू। देवये अब्रामन अजीन दर्शन दिन बोल्यु क हिन् लडकु हुशेन अन दिनी संतती आभाल म तारवानी हुशेन। अब्राम ये देवना वचन पर विश्वास मडायो विश्वासना पायती अब्राम न नीतिमान बोलां आयु।

फेरी देव अब्राम न मा बरोबर करार करुच। करार आबो आदमीना कोणी तो पक्षम करता आवच, देव बोल्यो, “तुन ताराच पेरनु लड्कु हुशेन, तारा संतान म कनान देश देईस।” पन अजुनबी अब्राम न लड्कु हुयु कोणी थू।