5. अभिवयनानुसार हैयेलु लडकु

अब्राम अन सारा कनान देशम आईन दस वरस हेईगया, तरीहीन लड्कु हैयेकेणी। म्हडून अब्राहम बाई, सारा हिन् वेजी, “देवये मण लडकु दिदु कोणी अन होकया म खुप गधी हैई गई, म्हणुन मण लडक लड़की होनेवालु कोणी म्हणुन तू मारी नवकरिन हागार विचारीन ल अन हिनाबरोबर तू याहा केरिल म्हणले ये मज लड्कु देशे।”

हिनाबरोबर अब्राहम हागारेती याहा करिलीध। हगारेयाती अब्राह्मन एक लडकु हैये अन हिनु नाम इश्माएल मेडाये परन्तु सारा हागारे रामती रव्हेलागी। इश्माएल तेरा बरसने हेईगये, देव अजुन अब्राहमती बेका।

देव बोल्यो, “म सर्वसमर्थ देव छु म तरीती करार करिन,” फेरी अब्राहम परमेश्वरती जेमिनपर झुकिन नामस्कार, प्रार्थना करि। देव अब्राह्मती आन सुधा बोले कि, “घना राष्ट्रानु बा होईस। म तुन अन तारा लड़कवन कनान देस दिडाबीस अन म आदमिनी सुता कर, बेबी कापथे।”

“तरी बाई सारा हिन् एक लडकू हुश-येथ हिने वारसदार रव्हेश। हिनु नाम इसहाक मडवचे, म हिनेती आपने करार पूर्ण करिस अन हिनु गेडू राष्ट्र तयार करिस। म इश्माएल नुही मोठे राष्ट्र तयार करिस, पण मारे करार इसहाकती हुशेल,” फेरी देवये अब्राबदलीन अब्राहम माती बदलीन अब्राहम आम करया, हाने अर्थ, “ घनालेकुणे बा।” देवये साराय हिनु नाम बदलाइन सारा आम मडये हानु अर्थ, राजकन्या।”

व्ये दण अब्राहम आपना घराणयण सबन आद्मीनी बेबी कापी। एक साल बादम, अब्राहम 100 सालने अन सारा 90 वरसनणी हुयाण साराये अब्राह्मना लडकान जन्म दिदे। हिवये देवये बोलेला प्राणणे हिनू नाम इसहाक मडये।

जद इसहाक जवान हैईगये तद देवये अब्राहामनी विश्वासनी परीक्षा लीधी ये बेल्ये, “इसहाक तारु येकुलतु एक लड्कु इसहाक हिन्, अन हीनी हैम बली द।” अब्राहाम अजुन देवनी आज्ञा मानच अन इसहाकनु अरपंज करेच।

अब्राहम अन इसहाक होमबली जातानी इसाकये विचारुये, “बा होमबलीनवास्तर लाकड़ा छ पण कोकरू कये छ?” अब्राहम बेले, “लड़का, देव स्वत: होमबलीनवास्तर कोकरू दशे।”

जद ये होमबलिनी ठिकनपर आयीगय तद अब्राहाम आपन लडकान इसहाक न बाध्य अन विधिपर मंडये। तद आपना लडकान खतम करवानु लेगीय देव बोल्ये, “थाम, लड़कान काही कर नको, हाच्च मण समजीगये कि तु मारे डर मानच कारण तु आपना लडकान मारकंती लपाईन मडये राख्यु केणी।”

अब्राहाम कन्हना झाडन मझार शिंगल आच्केला एक इकडे दख्य इसहाकना बदल एडकानु बलीदाण लीधु, अब्राह्मये आनदसी ये एककानु अर्पण करये।

फेरी देव अब्रहामती बेवये, “कारण तुहे आपनु सबन काही मारवास्तर देवाने डरय कोणी एकुलता एक लड्कु देवान घरये कोणी म्हनुन म तुन आशीर्वाद दिदे। तारी संतान आभालपर उडनार पेक्षिती जास्त हेशे, तुहे मारी आज्ञा पालण करये म्हनून तरी संतानती आ पृथ्वीपरना सबन राष्ट्र आशीर्वात हेई जासे।”