6. परमेश्वर इसहाकास मदत करच

जद अब्राहम गलड़े हैईगये, हिनु लड्कु, इसहाक जेवन आदमी हैईगये था। फेरी अब्राहामये आपनी नवकरानी एक नवकरानिनी अन नातेवाईक आपन समाजना लेक रच ये देशम मार लडकन इसहाक, हिनावासतर एक लड़की देखान मौकल्ये।

खुप दुरती आवत-आवत ओचपर अब्राहामने नातेवाईक रहतो थ हिन कननी ठीकानपर, देवबाप दिन नवकरन रिबकाकन लिजाय थे। अब्राहाम भाईनी नातनी रच।

रिबका आपना बानु घर छोड़ीन नवकर इसहाकन घर जावन तयार हुई जाच ये आयबरोबर लगेच इसहाकये हिना केळ याहा करये।

घनाच साल नंतर अब्राहम मरीगये अन देवये हिन् करारना रूपम दिदेला अभिवचन इसहाकन हेवालम दिगलू, देवये अब्रहाम असंख्य संतनु अभीवचन दिदे थू। परंतु इसहाकनी बाई रिबेकास लेळक बची केणी था।

इसहाकये रिबेकानवास्तर प्रार्थना करी, अन देवनी कृपा हुई अन दे बजीवनी हैईगई अंत हिना पेरम ब लड़का था। जद हिना पैरम ब लड़का रिबकेना पोरम रहतानी एकमेकती झगळा करता था, तद हिये रबेन विचारये अन रो हऊ कर।

देव रिबकेती बेल्ये, “तार पैटम जो ब लळका छ दिनेती राष्ट्रे तयार हूशे। ये एकमेकती झगळशे, अन बा नानी सेवा करेशे।”

जद रिबकाना लळकवने जन्म हेथे, तद पहिला लळकानू कपळाम लीन दिना आगपर केस अन हिनु रंग सावळे दिखे, हिनु नाम अचकवना वास्तर मडये। हिनबदम नाहनु भाईन कपड्म घुडळीन हिनुपर नाम अयेकावनवस्तर बाहेर लाय अन नाम याकूब मडये