4. परमेश्‍वरो अब्राहमरंग साथे वायदा

डाढ़ो मस्‍स वर्षो थल, संसारांग मस्‍स मीरे बंगज़ी लेकी तोइरै, दाङ दोच़ि ओला परमेश्वरो ए एनतु खिलाफ पाप लेई च़ुके केरिरे। छेई कुच्‍चे दोच़ि बत्‍तेच़ि इच़ा भाषा कुट्रा तोइरे, दांङ दोच़ी इच़ानम ठ्रोक्कन शुचे इच़ा नगर बनातिरे। छना परमेश्वरे आदेश रन्दे, दोऊ अनुसार दोरे संसारंग मफैलिक्तरे।

दोरे मास्स फोसो च़टे तोइरे, दोतिंग छना छो शिंञमिमि तोई दु पाटि परमेश्वरो आदेश मरेजिम तरिरे। दोच़ी स्वर्ग तचे पिपमि थलज़ी मोट्टे थम्म बनाच़ि चुक्तिरे। परमेश्वरे खन्दु कि अगर दिच़ि झांए कट्ठे शुचे माजि कम्म लरिरे सेत दांग दोचि उई ल मस्स माजि कम्म लेई तरफोरे ।

दोऊ थलज़ि परमेश्वरे दोतू भाषा बी मास्स भाषारिंग लेके च़रचतु दांग दु मीतिंग बत्ते संसारंग फेलाके च़रच़तु। आँऊ नग्गरबि दोच़ि बनाचि च़ुकेतेर दु नग्गर थले बाबेल कहलाती, दोऊ मतलब तोई “गड़बड़ी”।

तेईया रामि सालो थल, परमेश्वरे अब्राम मिनदांग इच़ा मीरांग गप्पा लरि। परमेश्वरे दुरांग कुड़ि, “केनो देशे टावरतिगं केचा दु देशांग अच़ा इला आँऊ कनिंग कम्बोगा। गे कनिंग आशिरवाद रमोगा दांग करांग इच़ा मोढे जात बनापोग। गे कनु मिन मोढ़े लोगा। आच़ि कनिंग आशीष रमोतो गे दोबि आशीष रमोगा, आच़ि कनिंग हत्या केयोतो गे दोबि हत्या केयोग, कनु मुके संसारो बत्ते कुलच़ि आशीष खोक्पोरे।”

दोऊ थल अब्रामे परमेश्वरो गप्पा मनेक्ति। दोई एनो बत्ते नौकररे, एनो बत्ते धन-दौलत राँग साथे मेच़ा सारै बि लेन्ज़ा कनान देशो अखा आच़ा इलि आँऊ परमेश्वरे दोबि कान्जते।

आपेल अब्राम कनान पिचा परमेश्वरे दोबि कुड़ि, “केनो पीला तरफे खणुं। गै कनिंग दि बत्ते देश रमोग दाँग दोऊ थल्ल दिऊ टोखटे काँ बत्ते वंशो अधिकार शोतो।” दाँग अब्राम दु देशांग बसेके इलि।

मलिकिसिदक मिनदाँग इच़ा मी तोई। दु मि परमेश्वरो पण्डित तोई। इच़ा झाड़ा अब्राम युद्ध लज़ा आपि लेकि तोई दाँग अब्राम दु पण्डित रांग दोया। मलिकिसिदके अब्राम बी आशीरवाद रन्दु दाँग कुत्तो “बत्ते बेच़ि मोड़े ग्यू परमेश्वर आँऊ स्वर्ग ए धरतिऊ मालिक शु दोई कनिंग आशीश रमोतो” अब्रामे युद्धांग डाकशी बत्ते दिरो सामि हिस्सा मलिकिसिदक बी रन्दो।

मास्स साल शुचे इलि, ताँ ला अत तचि ला अब्राम ए सारै बी यो शुचि मतोई। परमेश्वरे अबराम रांग गप्पा लत्तु दांग ओल्ला कुत्तो कि दोऊ इच़ा यो शोतो। परमेश्वरे कुड़ि छना स्वर्गगं कारज़े तोतोर ध्वाँए दोऊ वंशरे शोरे। अब्रामे परमेश्वरो वायदो टोख्ठे विश्वास लरि। परमेश्वरे कुत्तु कि अब्राम इच़ा धरमी मी तोई। छेई कुचे दोई परमेश्वरो लसि वायदा रिंग बिश्वास लत्ते।

दांग परमेश्वरे अबराम रांग साथे इच़ा वायदा लरि, इच़ा वायदा जुट दलो बिचांग एनतु काम लेइमी समझौता शुबि। दि वाचा परमेश्वरे अब्राम रांग दोफेल लेप्चतु आँऊ घड़ी दु इमरिंग तोई, पर ताँ ला दोई परमेश्वरो गप्पा थच़ि लेकी तोई। परमेश्वरे कुड़ि, “गे कनु मैच़ा सारैऊ दोरच़ि इच़ा योज़ु आशीष रमोगा। गे कनु वंशो दोतिंग दि कनान देश रमोग।” ताँ ला आत तची ला अब्रामो इच़ ला यो मतोई।