26. यीशु आपली सेवा चालू करत हा

शैतान की परीक्षाओ ला इंकर करबोको बाद, यीशु वापिस गलील को जागा मा आयो. याच वा जागा हा जामा वो रहत होतो. पवित्र आत्मा ओलो लगीत सामर्थ देत होतो अन् यीशु एक जागा लक दुसरो जागा बऱ्या गयो अन् लोकमानला शिक्षा देईस. सर्वा न ओको बारामा चांगली गोष्ट करीस.

यीशु नासरत नगर मा गयो. वो एक गाव है जामा वो आपलो बालकपनमा रहत होतो. सब्त को दिवस, वो आराधना करबोको जागाबऱ्या गयो. अगवो न ओला यशायाह भविष्यवक्ता की संदेश कि पुस्तक देईस. वय चाहत होता की वो ओकोमातल बाचन. आखिर यीशु न वा पुस्तक ला खोलकेन ओको एक भागला लोकमान साठी बाचीस.

यीशु न बाचीस, “परमेश्वर न मला आपलो आत्मा देईस हा ताकी मी कंगालो मा सुसमाचार प्रचार कर सकू. ओन मला येकोसाठी पठाईस हा की कैदीयो ला स्वतंत्र करून, अंधो ला अजून दृष्टी प्रदान करून अन् उनला छुटकारा देऊन जीनला दुसरा लोकमान कुचलत होता. यो वो वेळ हा जब परमेश्वर आपलो बऱ्या कृपा करन अन् आमरी सहायता करन.”

मंग यीशु बस गयो. सर्व लोकमान ओलो लगीत ध्यान न देखत होता. उनला माहित होतो कि पवित्रशास्त्र को जो भाग ओन आब बाचीस होतीस, वो मसीह को बारामा होता. यीशु न बलीस, “जा गोष्ट मिन् आब तुमरो साठी बाच्याऊन, वा यो वेळी घटीत होयन्या.” सर्वा लोकमान चकित होता. उन्होन बलीस, “काय यो युसुफ को पोऱ्या नही है?”

तब यीशु ने बलीस, "यो खर हा की लोकमान कोणी असे भविष्यवक्ता ला कब स्वीकार नही करत, जो उनको नगर मा पालन पोषण भयी हो. एलिय्याह भविष्यवक्ता को वेळमा, इस्राएल म लगीत सी विधवा होती. पण जब साढे तीन साल पर्यंत बारीश नही भई त परमेश्वर न एलिय्याह ला इस्राएल मा कोणी विधवा की सहायता करबला नही पठाईस. योकी बजाय ओन एलिय्याह ला किसी अन्य देश की विधवा को जवळ पठाईस.”

यीशु न बलनु सुरु ठेईस, “अन् एलीशा भविष्यद्वक्ता को वेळमा, इस्राएल मा लगीत सा लोकमान चमडी को रोग न पीडित होता. पण उनको मातलक कोनीलापण चंगो नही करीस. ओन फक्त इस्राएल को शत्रु को सेनापती नामान ला चंगो करीस.” पण जो लोकमान यीशु ला आयकत होता वय यहुदी होता. येकोसाठी जब उन्होन ओला यो बलतानी आयकीस त वय ओको बरत्या क्रोधीत भयो.

नासरत का लोकमान यीशु ला पकड लेईस अन् ओला आराधना को जागा लक घसीटकेन भायर लेय गया. वय ओला मार टाकबसाठी खाल्या फेकबला एक चट्टान को चोटी बरत्या लेयकेन गया. पण यीशु भीडलक निकर गयो अन् नासरत ला सोळकेन चली गयो.

मंग यीशु सर्वो गलील को क्षेत्र मा गयो अन् मोठी भीड ओको जवळ आई. वय अस्या लगीतसा लोकमानला लेयकेन आया जो बिमार अन् लंगडा होता. उनको मातलक काही देख, चल, आयक या बोल नही सकत होता अन् यीशु न उनला चंगो करीस.

योको अलावा, लगीत सा लोकमान यीशु को जवळ लेयकेन आया, जिनकोमा दृष्टआत्मा होती. यीशु न दृष्टआत्मा ला उनको मातलक निकर जाबको आदेश देईस. वय दृष्टात्मा हमेशा चील्लावत होती, “तू परमेश्वर को पोऱ्या होस.” भीड का लोकमान चकीत होता अन् उन्होन परमेश्वर की स्तुती करीस.

मंग यीशु न बारा माणूस ला चुनीस जिनला ओन आपलो प्रेरित बलीस. वय प्रेरित न उनको संग यात्रा करीस अन् ओकोपासलक शिक्षा प्राप्त करीस.