29. निर्दयी दास की कहानी

एक दिवस पतरस न यीशु ला विचारिस, “हे स्वामी, मला आपलो भाई ला किती वेळा क्षमा करबला पाहिजे, जब वो मोरो विरुद्ध पाप करत हा? काय सात वेळा पर्यंत? यीशु न बलीस, “सात वेळा नई, पण सात को सत्तर वेळा.” यको योकोन, यीशु का मतलब हा की, आपलो ला हमेशा क्षमा करबला पाहिजे. तब यीशु न या कहानी सांगिस.

यीशु न बलीस, “परमेश्वर को राज्य एक राजा को समान हा, जो आपलो दास लक लेखा लेबसाठी चाहत होतो. ओको एक दास 2,00,000 साल को मजदुरी को एक मोठो कर्ज को कर्जदार होतो.”

पण वो दास आपलो कर्ज ला चुकाय नई सके, योकोसाठी राजा न बलीस, “येको कर्ज चुकाबसाठी येन माणूस ला अन् योको परिवार ला दासो को रूप मा बिक टाक.”

"वो दास न राजा को सामन्या आपलो घुटनो बऱ्या बसकेन बलीस, “कृपया मोरो संग धीरज ठेव अन् मी आपलो कर्ज को पुरो रकम को भुगतान कर देऊन. राजा न दास बऱ्या दया करीस की योकोसाठी ओन ओको सर्वो कर्ज ला क्षमा कर देईस अन् ओला जान देईस.

"पण जब वो दास राजा को पासलक भायर गयो. तो ओला ओको एक साथी दास भेटे, जो ओको चार महिना की मजदुरी को कर्जदार होतो. वो दास न आपलो साथी दास ला पकड लेईस अन् बलीस, “जो तोरो बरत्या मोरो कर्ज हा, मला ओको भुगतान कर.”

"वो साथी दास न घुटनो बऱ्या होयकेन्या बलीस, “कृपया मोरो संग धीरज ठेव अन् मी आपलो कर्ज कि पुरो रकम को भुगतान कर देऊन. पण योको बजाय, वो दास न आपलो साथी दास ला जेलखाना मा टाक देईस. जब पर्यंत वो ओन कर्ज को भुगतान न कर देन.”

"जो काई भयो होतो, ओला काई अन्य दासो न देखीस अन् वय लगीत परेशान भया. वय राजा को जवळ गया अन् ओला सर्वो काई सांगीस.”

"राजा न वो दास ला बलायकेन्या बलीस, “हे दृष्ट दास, मीन तोरो कर्ज ला योकोसाठी क्षमा करीस होतो कारन तून मोरोपास बिनती करीस होती, तोला पण असेच करबला पाहिजे होतो. राजा एवढो क्रोधीत होतो की, ओन वो दृष्ट दास ला जेलखाना मा टाक देईस. जब पर्यंत की, वो आपलो सर्वो कर्ज को वापस भुगतान न कर देन.”

तब यीशु न बलीस, “मोरो स्वर्ग मा विराजमान पिता तुमरो मातल हर एक संग योच करन, जर तुमी आपलो भाई ला आपलो हृदय लक क्षमा नई करत.”