14. जंगल मा घुमनों

परमेशर न इस्राएलिहिन ला वन नियम कानून ला सागनों खतम करिस जेला उनको सीन बंधिगई होती ओको वादा को वजह लक माननों पड़े। मंग वन सीनै पहाड़ को सामने उनकी अगुवाई करीसेस। ऊ ऊन्न ला वादा को देश मा लिजाने वालो होतो। यव देश कनान कव्हन मा आएव। परमेश्वर बादर को खम्बा मा उनको सामने - सामने चलेव, अखिन वय ओको मघ - मघ चलया।

परमेश्वर न अब्राहम, इसहाक अखिन याक़ूब सीन वादा करी होतीस की ऊ वादा को देश ला उनको वंशजहिन ला देहे, पर एन समय मा वहाँनी बहुत सारी जाती रव्हत होती। उनला कनानी कव्हत होता। ये कनानी लोख परमेश्वर की आराधना नहीं करत होता। अखिन ओको आज्ञा ला नहीं मानत होता। वय गलत देवताहिन की उपासना करत होता अखिन बहुत सा बेकार काम करत होता।

परमेश्वर न इस्राएलिहिन सीन कहीस, “ जब तुमि वन वादा को देश मा जाओ त वहाँ का सफाई कनानीहिन सीन छुटकारा पाय लेजो। उनको सीन गलत नोको करजो अखिन उनको सीन बिहाया नोको करजो। तुमला उनको सफाई मूर्तिहिन ला पुरो तरीका लक नाश कर देनो से। अगर तुमि मोरी आज्ञा नहीं मानो, त तुमि मोरो अलावा उनको देवताहिन की उपासना करन लगो। ”

जब इस्राएलि कनान को सीमा मा पहुंच्या, मूसा न इस्राइल का सफाई संतान मालक एक - एक करके बारह आदमिहिन ला पसंद करजो। वन उनला जायाकर वन देश को भेद लेंन को आदेश देईस की देखे की ऊ देश कसो से। उनला वन कनानीहिन को भेद भी लेनों होतो की देखे की वय ताकतवर सेत या डिला सेत।

वन बारह आदमिहिन न पुरो कनान होत लक चालीस दिवस को यात्रा करीन अखिन मंग वय वापिस लौट आया। उन्न लोखहिन ला सांगिन, की ऊ देश बहुत उपजाऊ से अखिन फसल बहुत से! ” पर दस भेदीहिन न कहिन, “ उनको नगर बहुत द्रढ़ से अखिन वय लोख लंबा - चोड़ा सेत। ये खात आमी उनको पर धावा कर सेजन, त सहिमाच वय आमला हराय देयेत अखिन आमला मार डाकेती। ”

जल्दीच कालेब अखिन यहोशु अखिन दुसराच दुई भेदीहिन न कहिन, “ यव सहीसे की कनान का लोख लंम्बा अखिन ताकतवर सेती, पर साहिमाच आमी उनला हराय देबीन। परमेश्वर आमरो लाइक लड़ाई करे! ”

पर लोखहिन न कालेब अखिन यहोशु की नहीं आयकीन। वय मूसा अखिन हारून प गुसा भय गया अखिन कहिन, ” तुमि आमला एतरो खतरनाक जागा पर कायला धर के आयासेव ? आमला मिस्रमाच रव्हनों होतो। एखाद आमी वन देश जाबिन त आमी लड़ाई माच मर जाबिन, अखिन कनान का लोख आमरो बायकोहिन ला अखिन लेकरूहिन ला बंदक बनाय लेयेती। ” वय लोख उनला वापिस मिस्र लिजान लाइक एक दूसरों मार्ग दरशान करन वालो ला देखत होता।

जब वन लोखहिन न असो कहिन त परमेश्वर बहुत गुस्सा भय गएव होतो। ऊ मिलापवालो तम्बू मा आएव अखिन कहीस, तुमि न मोरो विरुद बलवा करया सेव, येकोलाईक तुम ला येन जंगल मा भटकनो पड़े। पूरा एक जन बीस साल या ओकोसीन जादा साल का सेत वय वहाँ मर जायेती अखिन कभी वन देश मा नहीं जायेती जाय मी तुमला देसू। सिर्फ कालेब अखिन यहोशु ओको मा जायेती। ”

जब लोखहिन न परमेश्वर ला असो बोलता आयकीन, त वय दुखी भया कहेकी उन्न पाप करिहोतीन। उन्न कनान को लोखहिन पर हमला करन को सोची होतीन। मूसा न उन्न ला नहीं जान लाइक चेतावनी देईस काहेकी परमेश्वर उन्नको संग नहीं जानको, पर उन्न ओकी नहीं आयकीन।

परमेश्वर येन लड़ाई मा उन्नको संग नहीं गायव होतो, येकोलाइक कनानिहिन न उनला हराय देईन अखिन उनको मालका बहुत साराहिन ला मार डाकिस। तब इस्राएलि लोख कनान लक वापिस मूड गया। दूसरा चालीस साल वरी, वय जंगल मा इतन - ऊतन घुमत रया।

इस्राएली लोखहिन को वजह लक जंगल मा गुमन को चालीस साल को भीतर, परमेश्वर न उनको आवश्यकताहिन ला पुरो करीसेस। वन उनला स्वर्ग मा लक “ मन्ना “ कसेत वा रोटी देईस। वन बटेरों का झुंड ला (जाए की मध्यम आकार का पक्षी होसेत) उनको छावनी मा पाड़े जोकों मा उनको जवर खान लाइक माँस होय जाय। वन पुरो समय मा, परमेश्वर न उनका कपड़ा अखिन जुताहिन ला फाटन लक बचाए के रखीस।

यहाँ वरी की परमेश्वर न उनला पिवन लाइक चमत्कारी रूप लक चट्टान मालक पानी निकालिस। पर येन सफाई को कारण भी, इस्राएली लोखहिन न परमेश्वर को विरुद अखिन मूसा को विरुद शिकायत करिन अखिन कुडकुड़ाया। तब भी, परमेश्वर विश्वासयोग्य होतो। वन जो वचन देई होतीस की ऊ अब्राहम, इसहाक, अखिन याक़ूब को संतान लाइक करू त वन करिस।

एक अखिन समय मा जब वय लोखहिन को जवर पानी नोव्हतो, परमेश्वर न मूसा सीन कहीसेस, “ चट्टान सीन बोल कर, अखिन ओको सीन पानी निकाले। ” पर मूसा न चट्टान सीन बात नहीं करिस। येकों अलावा, वन छड़ी लक चट्टान पर दुई बार मारिस। एन तरिका लक वन परमेश्वर को अपमान करिस। पुरई जन लाईक पिवन को पानी चट्टान मालक पानी त निकल आएव, पर परमेश्वर मूसा सीन गुशा भय गएव। वन कहीस, “ कहेकी तुन असो करीसेस, एकोलाइक तू वादा को देश मा जाय नहीं सीकजो। ”

जब इस्राएली लोख चालीस साल वरी जंगल मा घूम चुया होता, तब जोन परमेश्वर को बिरुद बलवा करिन होतीन वय सपाई मर गया होता। तब परमेश्वर वन लोखहिन ला मंग अखिन वन वादा को देश को जवर वरी लिजाईस। आता मूसा बहुत बुड्गा भय गएव होतो, एको लाईक परमेश्वर न लोखहिन को मार्गदरस्न करनो मा ओकी मदत करन लाईक यहोशु ला पसंद करिस। परमेश्वर न मूसा सीन यव वादा भी करी होतीस की एक दिवस ऊ वन लोखहिन को जवर मूसा को समान एक भविष्यद्वक्ता ला धाड़े।

तब परमेश्वर न मूसा ला एक पहाड़ को सेंडी पर जान ला कहि होतीस की ऊ वादा को देश ला देख सीखे। मूसा न वन वादा को देश ला देखीस पर परमेश्वर न ओला ओको मा जान की अनुमति नहीं देई होतीस। तब मूसा मर गएव, अखिन इस्राएलिहिन न तीस दिवस वरी शोक मनाईन। यहोशु उनको नवीन मार्गदरस्क बन ग्येव। यहोशु एक अछो मार्गदरस्क होतो काहेकी वन परमेश्वर पर भरोसा करिहोतीस अखिन ओको बताहिन ला मानिहोतीस।