15. वादा को देश

आखरी मा, आता ऊ समय आ गएव होतो की इस्राएली लोख वादा को देश, कनान मा प्रवेश करेती। वन देश मा यरीहों नाव को एक गाँव होतो। ओको रक्छा लाइक ओको चारई बाजू ला मजबूत दीवार होती। यहोशु न वन गाँव मा दुई खबर आनो वालो ला धाड़िस। वन गाँव मा राहाब नाव की एक वेश्या रवत होती। वन खबर आनो वालोहिन ला लुकाय के ठेइस, अखिन मंग बाद मा वन ऊनला गाँव लक बचाय कर निकालन मा मदत करिस। वन असो एकोलाईक करिस काहेकी वा परमेश्वर पर विश्वास करत होती। जेन समय मा इस्राएली लोख यरीहों ला नाश करेती तब उन राहाब अखिन ओको परिवार ला बचावन को वादा करी होतीन।

इस्राएली लोखहीन ला वादा को देश मा जान लाइक यरदन नदी ला पार करणो पड़े। परमेश्वर न यहोशु सीन कहिस, “ याजकहिन ला पहेले जान दे। ” जेनधावर याजकहिन न यरदन नदी मा आपरो पायहिन ला राखी त पानी को धार की बहाव रुख गई, जोकों मा इस्राएली लोख नदी को दूसरों आंग वारी जागा पर जाय सीकेत।

वन लोखहीन न यरदन नदी ला पार कर लेईन त परमेश्वर न यहोशु सीन कहिस की यरीहों पर धावा करन लाइक तैयार रहो, याहावरी की ऊ बहुत द्रढ गाँव होतो। परमेश्वर न वन लोखहीन सीन कहिस की उनका याजकईन अखिन सैनकहिन ला छ: दिवस वरी वन गाँव को चारई आंग चक्कर लगावनों से। अदिक याजक अखिन सैनिकहहीन न आसोच करिन।

तब सतवों दिवस, इस्राएलिहिन न वन गाँव को चारई आंग सात बार अखिन चक्कर लगाईन। उनको गाँव को चारई आंग सातवो बार चक्कर लगावन को बादमा, याजकहिन न आपरि तुरहीहिन ला फूंकीहिन अखिन सैनिकहिन न जोर कर चिललाया।

तब यरीहों को चारई आंग की दीवार पड गई! जसो परमेश्वर न आज्ञा देई होतीस इस्राएलिहिन न गाँव को पुरो एक चीज ला नाश कर देईस। उन मात्र राहाब अखिन ओको परिवार ला छोड़ देईन, जो वय इस्राएलिहिन को हिसा बन गया होता। जब कनान मा रव्हन वाला दूसरा लोखहीन न आयकीन की इस्राएलिहिन न यरीहों ला नाश कर देईसेन, त वय डर गया की इस्राएलि लोख उनको पर भी धावा करेत।

परमेश्वर न इस्राएलिहिन ला आज्ञा देईस की कनान मा रव्हन वाली कोईच जाती को संग शान्ति भंग नहाय करणों। पर गिबोनी नाव को एक कनानी जाती न यहोशु सीन झूठ बोलिस की वय कनान लक दूर एक जागा मा रव्हन वाला सेत। उन यहोशु सीन उनको संग शान्ति भंग करण लाइक आग्र करिन। यहोशु अखिन दूसरा इस्राएलि गुरुहीन न परमेश्वर सीन नहीं पूछींन की उनला का करणों से। येकों बजाए, उन्न गिबोनीहिन को संग शान्ति भंग कर लेईन।

तीन दिवस को बाद मा, इस्राएलिहिन ला मालूम भएव की गिबोनी लोख कनान माच रव्हसेत। वय गुसा भया काहेकी गिबोनीहिन न उनला धोखो देई होतीन। पर उन्न उनको संग भएव वन शान्ति भंग ला बनाएव राखिन काहेकी वा परमेश्वर को सामुर भएव होतो। तब काही बेरा को बाद मा, कनान मा रव्हन वाली एक दूसरी जाती, एमोरीहिन का राजाहिन न आयकिस की गिबोनीहिन न इस्राएलिहिन को संग शान्ति भंग कर लेईन, येकोंलाइक उन्न आपरि-आपरि सेनाहिन ला एक कर के एक मोठी सेना बनाहिन अखिन गिबोन प धावा कर देईन। गिबोनीहिन न उनकी मदत करण लाइक यहोशु को जवर एक संदेश धाड़िस।

अदिक यहोशु न इस्राएलिहिन को सेना ला जमा करिस अखिन गीबोनिहिन को जवर जान लाइक वय पूरी रात चलया। सकारिच भूमसार ला उन एमोरीहिन को सेना ला चकित कर देईन अखिन उनको पर धावा कर देईन।

वन दिवस मा परमेश्वर इस्राएलिहिन लाइक लड़ेव। वन एमोरीहिन ला डराय देईस अखिन वन मोठो-मोठो इसतों ला पाड़ कर बहुत सा एमोरीहिन ला मार डाकिस।

परमेश्वर न सूरज ला बादर मा एक जागा पर रोख देईस की जेकों मा इस्राएलिहिन ला पर्याप्त समय मिल जाय की एमोरीहिन ला पुरो लक हराय देए। वन दिवस मा, परमेश्वर न इस्राएलिहिन लाइक एक मोठी जीत ला हासिल करिस।

जब परमेश्वर न वन सेनाहिन ला हरावन को बाद मा बहुत सा कनानी जाती का लोख इस्राइल पर हमला करण लाइक जमा भया। यहोशु अखिन इस्राएलिहिन न हमला कर के उनको सर्वनाश कर देईस।

एन लड़ाई को बाद मा, परमेश्वर न इस्राइल का पूरो संतान ला वादा को वन देश मा उनको भाग देईस। तब परमेश्वर न इस्राइल ला ओको सपाही कोनाईन पर शान्ति ला महेसूस करिस।

जब यहोशु बुड्गा भएव त वन इस्राएल का पुरो लोखहीन ला एक संग बुलाईस। तब यहोशु न वन लोखहीन ला याद देवाईस की उन्न वन वादा ला मानन वादा करिन होतीन जाय परमेश्वर न उनको संग सीनै पहाड़ पर करार करिहोतीस। वन लोखहीन न परमेश्वर को प्रति विश्वासयोग्य रव्हन अखिन ओको व्यवस्था ला मानन को वादा करिस।