36. परिवर्तन

एक दिवस, यीशु न आपरा तीन चेलाहीन ला, पतरस, याक़ूब, अखिन यूहन्ना ला आपरो संग लेए लेईस। ( यव यूहन्ना नाव को चेला ऊच आदमी नोव्ह जोन यीशु ला बपतिस्मा देईहोतीस। ) वय प्रार्थना करण लाईक एक ऊंचो पहाड़ पर गया।

जब यीशु प्रार्थना करत होतो त ओको चेहरा सूर्य को जसो चमकन लगेव। ओका कपड़ा उजाड़ो को जसो पाँडरा भय गया, जसो जागा पर कोई करसिकसे ओको लक भी जादा पांडरों।

तब मूसा अखिन एलिय्याह भविष्यद्वक्ता प्रकट भएव। यव आदमी एन जागा पर एन बेरा लक सैकड़ों साल पहीले रव्हत होता। ऊन यीशु सिन ओको मरण को बारे मा बात करिन, काहेकी ऊ जल्दीच यरूशलेम मा मर जाए।

जब मूसा अखिन एलिय्याह यीशु सीन बात करत होता तब पतरस न यीशु सीन कहीस, “ आमरो लाईक यहाँ होनों साजरों से। आमी तीन माड़ो ला बनावबिन, एक तोरो लाईक, एक मूसा लाईक, अखिन एक एलिय्याह लाईक। ” पर पतरस नहीं जानत होतो की ऊ का कह रईसे।

जब पतरस बात करत होतो, त एक उजाड़ो वालो बादर खालत्या आय सारी ऊनको पर छाय गएव। तमंग ऊन बादर मा लक एक आवाज ला आवतों आएकिन। वन कहीस, “ यव मोरो टूरा आए जेकों सीन मी प्रेम करुसू। मी ओको सीन खुश सेव। ओकी आयकों। ” वय तीननई डर गया अखिन जागा पर सोय गया।

तब यीशु न ऊनला छुईस अखिन कहीस, “ डरो नोको। उठ जाओ। ” जब ऊन चारई आंग मा देखिन, त जो एक जन आब भी वहाँ होतो ऊ यीशु होतो।

यीशु अखिन वय तीननई चेला वन पहाड़ लक वापिस खालत्या आया। तब यीशु न उनको सीन कहीस, “ आब जो यहानी भएव ओकी बात कोणी संग नोकोकरो। मी जलधीच मर जाऊ अखिन डबल लक जिनदों होए जाऊ। ओको बाद मा, तुमि लोखहीन ला सांग सिकसेव। ”