49. परमेश्वर को नवीन वादा

एक स्वर्गदूत न एक जवान बायको मरियम सीन कहीस की वा परमेश्वर को टुरा ला जन्म देहे। वा आब भी कूवारी होती, पर पवित्र आत्मा ओको जवर आएव अखिन वा पेट लक रई। वन एक टुरा ला जन्म देईस जेकों नाव वन यीशु राखीस। येकोलाईक, यीशु अखिन आदमी दुई से।

यीशु न बहुत सारा चमत्कार करिस की ऊ परमेश्वर से। ऊ पानी पर चलेव अखिन धुदाड ला शान्त करिस। वन बहुत सारा बीमार लोकहिन ला साजरों करिस अखिन बहुत सा लोखहिन मालक दुष्टात्माहिन ला निकालिस। वन मरेव लोखहीन ला जीतो कर देईस, अखिन वन पाँच रोटी अखिन दुई मसरीहिन लक 5,000 लोखहीन ला खवावन लाईक खानो कर देईस।

यीशु एक माहान गुरु भी होतो। जो काई वन सिखाईस, ऊ वन सिद्धान्त को संग सिखाईस। जो ऊ लोखहीन सीन करन लाईक कव्हत होतो ऊ उनला करे पायजे काहेकी ऊ परमेश्वर को टुरा आए। उदाहरण लाईक, वन सिकाईस की तुमला दूसरो लोखहीन सीन तसोच प्रेम करन की जरूरत से जसो तुमि खुद लक प्रेम कर सेव।

वन यव भी सिखाहिस की तुमला सब चीजहिन सीन भी जादा अखिन आपरो धन संपत्ति लक भी जादा परमेश्वर सीन प्रेम करनो से।

यीशु न कहीस की संसार मा कोनतोच काही चीज ला प्राप्त करेव लक अखिन जादा सजरों लगसे परमेश्वर को राज्य मा रव्हनों। ओको राज्य मा तुमारों प्रवेश करन लाईक आवश्यक से की परमेश्वर तुमला तुमारों पापहिन लक बचाए।

यीशु न कहीस की काई लोख ओला ग्रहण करेती। परमेश्वर वन लोखहिन न ला बचाए। पर दूसरा लोख ओला ग्रहण नहीं करेती। वन यव भी कहीस की काई लोख सजरों जागा को जसो से, काहेकी वय यीशु को बारे मा शुभ संदेश ला मान लेसेती, अखिन परमेश्वर उनला बचाव से। पर काई लोख मार्ग को कठोर जागा को जसा सेती। परमेश्वर को वचन बीज को जसो मार्ग पर पढ़ से, पर वहाँ काई भी नही वाप। ये लोख यीशु को बारे मा संदेश ला नकार देसेती। वय ओको राज्य मा प्रेवेश करन सीन नकार देसेती।

यीशु न सिखाहिस की परमेश्वर पापीहिन सीन बहुत प्रेम करसे। ऊ उनला माफ करन ला चाव्हसे अखीन उनला आपरि संतान बनावन ला चाव्हसे।

यीशु न यव भी सांगीस की परमेश्वर पाप सीन नफरत करसे। काहेकी आदम अखिन हव्वा न पाप करिस, येकोलाईक ओको पुरो वंशजहहीन पाप करिन। येन संसार मा रव्हने वाला हर एक जन पाप करसेती अखिन परमेश्वर सीन दूर सेत। हर एक जन परमेश्वर को दुशमन से।

पर परमेश्वर न येन संसार मा रव्हने वाला हर एक जन लक येन तरीका लक प्रेम करिस : की वन आपरो एकलौतो टुरा ला देए देईस ताकि परमेश्वर उनला दण्ड नोको देए जो ओको पर विश्वास करसेती। येकों अलावा, वय ओको संग हमेशा को लाईक रहेती।

तुमि मरन को कगार मा सेव, काहेकी तुमीन पाप कराय सेव। तुमरो सीन परमेश्वर ला गुस्सा मा आवनों पढ़ेव, येकों अलावा, ऊ यीशु पर गुस्सा भएव। वन यीशु ला क्रूस को मृत्यु देए सारी दण्ड देईस।

यीशु न कभीच पाप नहीं करिस, पर वन परमेश्वर ला ओला दण्ड देन देईस। वन मर जान लाईक कबूल करिस। येन तरीका लक, तुमरो पापहिन ला अखिन येन संसार मा रव्हने वाला हर एक जन को पापहिन ला उठा वन लाईक एक सिद्ध बलिदान होतो। यीशु न खुद ला परमेश्वर को लाईक बलिदान कर देईस, येकोलाईक परमेश्वर कोईच पाप ला, यहाँ वरी की भयंकर पापहिन ला तरी माफ करसे।

बलकि तुमि बहुत सा साजरा कामहिन ला करसेव, त येकों लका परमेश्वर तुमला नहीं बचाए। ओको संगी बनन लाईक असो काहीच नाहाय जो तुमि कर सिकसेव। येकों अलावा, तुमला विश्वास करणो से की यीशु परमेश्वर को टुरा आए, अखिन ऊ तुमरो जागा पर खुद क्रूस पर मर गएव, अखिन यव की परमेश्वर न ओला मंग अदिक डबल लक जीतो कर देईस। अगर तुमि येकों पर विश्वास करो, त परमेश्वर तुमारों पापहिन ला माफ कर देहे।

परमेश्वर वन हर एक जन ला बचाए जो यीशु पर विश्वास करसे। अखिन ओला आपरो प्रभु मान लेसे। पर ऊ उनला नहीं बचाए जो ओको पर विश्वास नहीं कर। यव काई मायना नाहाय राख़ की तुमि धनी सेव या गरीब सेव, आदमी सेव या बाई सेव, बुडगा सेव या जवान सेव, या तुमि कहाँ रव्हसेव। परमेश्वर तुमरो सीन प्रेम करसे अखिन चाव्हसे की तुमि यीशु पर विश्वास करो की ऊ तुमरो संगी बन जाए।

यीशु तुमला बुलाए रहीसे की ओको पर विश्वास करो अखिन बपतिस्मा लेव। का तुमि विश्वास करसेव की परमेश्वर को एकलौतो टुरा, यीशुच मसीह आए ? का तुमि विश्वास करसेव की तुमि एक पापी सेव अखिन यव की तुमि परमेश्वर लक तुमला दंडित करन को योग्य सेव ? का तुमि विश्वास करसेव की तुमरो पापहिन ला मिटावन लाईक यीशु क्रूस पर मरेव ?

अगर तुमि यीशु पर अखिन जेव काई वन तुमरो लाईक करिसे ओको पर विश्वास करसेव, त तुमि एक मसीही सेव! शैतान आपरो अंधारों राज्य मा आता तुमरो पर राज्य नहीं करसिक। आता परमेश्वर आपरो तेज को राज्य मा तुमरो पर अधिकार करसे। वन तुमला पाप करन सीन रोख देई सेस, जेला तुमि करत होतात। वन तुमला एक नवो, अछो जीवन देइसे।

अगर तुमि एक मसीही सेव त जो यीशु न करीसेस ओको वजह लक परमेश्वर न तुमरो पापहिन ला माफ कर देई सेस। आता, परमेश्वर एक दुशमन सीन भी जादा तुमला एक खास दोस्त बनावसे।

अगर तुमि परमेश्वर का संगी सेव अखिन प्रभु यीशु का सेवक सेव त तुमि वन बातहिन ला मानन की इच्छा रखो जो यीशु न तुमला सिकावसे। भले तुमि एक मसीही आव, शैतान आब भी पाप करन लाईक तुमरी परीक्षा लेहे। पर परमेश्वर हमेशा ऊ कसे की जो ऊ कसे की ऊ करे। ऊ कसे की अगर तुमि आपरो पापहिन ला मान लेओ, त ऊ तुमला माफ कर देहे। ऊ तुमला पाप को विरुद्ध लड़न लाईक ताकत देहे।

परमेश्वर तुमला प्रार्थना करन अखिन ओको वचन ला पढ़न लाईक कसे। ऊ तुमला दूसरों विश्वासीहिन को संग मिल सारी ओकी आराधना करन लाईक भी बोलसे। तुमला दूसरों लोखहीन ला भी संगनों से की वन तुमरो लाईक का करिसे। अगर तुमि येन पुरो बातहिन ला करो, त तुमि ओका एक पक्का संगी बन जाओ।