50. यीशु वापसी आवने वालो से।

लगभग 2,000 साल लक भी अधिक, संसार मा पुरो जागा मा जादा ल जादा लोख मसीह यीशु को बारे मा शुभ संदेश ला आएक रया सेती। कालीसिया कि बड़ोतत्री होए रई से। यीशु न वादा करिसेस की ऊ संसार को आखरी मा वापिस आहे। आब वरी ऊ वापसी नहीं आईसे, तरी ऊ आपरो वादा ला पुरो करे।

जब की आमी यीशु को वापसी आवन की राहा देख रया सेजन, परमेश्वर आमरो सीन येन तरीका लक जीवन जीवन की इच्छा राखसे जो पवित्र से अखिन जो ओको आदर करसे। जब यीशु येन जागा मा रव्हत होतो तब वन कहीस, "मोरा चेला संसार भर मा पुरो जागा को लोखहिन ला परमेश्वर को राज्य को बारे मा शुभ संदेश प्रचार करेती, अखिन तब अंत आए जाए।"

बहुत सारी जातीहिन न आब वरी यीशु को बारे मा नहीं आएकी सेन। स्वर्ग मा जान को पहीले, यीशु न मसीहि लोखहिन ला शुभ संदेश सागन लाईक कहीस जेन येला आब वरी नहीं आयकि सेस। वन कहीस, "जाओ अखिन पुरो जातीहिन को लोखहिन ला चेला बनाओ! " अखिन " कटाई करन लाईक खेत पक गया सेत! "

यीशु न यव भी कहीस, "कोई आदमी को नवकर आपरो स्वामी सीन मोठों नहीं होए। येन संसार का खास लोखहिन न मोरोसिन नफरत करिन, अखिन मोरो वजह लक तुमला भी सताएती अखिन मार डाकेती। येन संसार मा तुमि पीड़ित होओ, पर मजबूत बनो, काहेकी मीन शैतान ला हराय देईसेव जो येन दुनिया पर राज्य करसे। अगर तुमि आखरी वरी मोरो विश्वासयोग्य रहो, त परमेश्वर तुमला बचाए!"

यीशु न आपरो चेलाहिन ला यव समझावन लाईक एक कहानी ला सागीस की जब संसार को अंत होए त लोखहिन को संग का होए। वन कहीस, "कोई आदमी न आपरो खेत मा साजरो बीज ला पेरिस। जब ऊ सोवत होतो त ओको दुशमन न आयसारि गहूँ को बीजईन मा जंगली झाड़हिन को बिज ला पेर देईन, अखिन मंग अदिक ऊ चली गएव।"

जब झाड अंकुरित भया त नवकरहिन न वन आदमी सीन कहीस, ' अ स्वामी, तुन त आपरो खेत मा साजरो बीज ला पेरेव होतोस। त मंग येकों मा जंगली झाड काहा का आए गया ? ' वन आदमी अन जवाब देईस, ' सिरप मोरा दुशमनच ओला पेरन ला देखेती। यव काम त मोरो कोई दुशमन को आए जेन असो करीसेस।

वन नवकर न आपरो स्वामी ला जवाब देईस, ' का आमला जंगली झाड़हिन ला खंद लेए पयाजे?' वन स्वामी न कहीस, ' नहीं। अगर तुमि असो करो त तुमि कई गहूँ ला भी खंद लेओ। काटन को समय वरी बाट देखो। तब जंगली झाड़हिन ला गट्टा मा जमा कर लेओ की तुमि ओला जराए सिको। पर गहूँ ला मोरो खर्यान मा आनो।'

चेलाईन न येन कहानी को मतलब ला नहीं समझिन, येकोलाईक ऊन यीशु सीन ऊनला समझावन लाईक विनती करिन। यीशु न कहीस, " साजरों बीज ला पेरण वालो आदमी मसीह को नेतृत्व करसे। खेत दुनिया को नेतृत्व करसे। साजरों बीज परमेश्वर को राज्य का लोखहिन को नेतृत्व करसे।"

जंगली झाड़ वन दुष्ट आदमी, शैतान को लोखहिन को नेतृत्व करसे। वन आदमी को दुशमन शैतान को नेतृत्व करसे, जेन जंगली झाड़हिन ला पेर देई होतीस। कटाई येन संसार को अंत को नेतृत्व करसे, अखिन कटाई करण वाला परमेश्वर को स्वर्गदूतहिन को नेतृत्व करसे।

जब दुनिया को अंत होए तब स्वर्गदूत वन पुरो लोखहिन ला एक साथ जमा करेती जो शैतान का सेत। वय स्वर्गदूत ऊनला एक बहुत जादा जारतो इस्तों मा फेक देएती। वहाँ वय लोख भयंकर विरोद मा रोएती अखिन आपरा दाँतईन ला रगड़ेती। पर जे लोख धर्मी सेत, जेन यीशु को अनुसरण करीसेस, वय ओको परमेश्वर बाप को राज्य मा सूर्य वाणी चमकेती।

यीशु न यव भी कहिसेस की वन संसार को अंत होन को पहले येन जमिन पर वापिस लौटे। ऊ वन तरीका लक वापिस आए जसो ऊ गएव होतो। यानेकी, ओको जवर सहिमा को देह रहे, अखिन ऊ आकाश मा बादर पर सवार होएसारी आए। जब यीशु वापिस आए, त जो हर एक मसीह मर गया सेती वय मरेव मालक जिन्दा होय जायेती अखिन ओकोसीन आकाश मा मिलेती।

तब जो मसीही आब भी जिन्दा सेत वय आकाश मा ऊठाए लेएव जायेती अखिन वन दूसरों मसीहीहिन को संग मिल जायेती जो मरेव मालक जिन्दा होएती। वय सब जन वहाँ यीशु को संग रहेती। ओको बाद मा, यीशु आपरो लोखहिन को संग रहे। जब वय एक साथ रहेती त ऊनको जवर हमेशा को लाईक पूरी शान्ति रहे।

यीशु न ओको पर विश्वास करण वाला हर एक जन ला एक मुकुट देन को वायदा करीसेस। वय हमेशा को लाईक परमेश्वर को संग हर एक चीज पर राज्य करेती। ऊनको जवर सही की शान्ति रहे।

पर परमेश्वर ऊन सब को न्याय करे जे यीशु पर विश्वास नहीं करत। ऊ ऊनला नरक मा डाके। वहाँ वय रोएती अखिन आपरा दाँतहिन ला रगड़ेत, अखिन वय हमेशा लाईक दू:खी रहेती। कभी नहीं बीझान वालो इस्तो ऊनला जरावतो रहे, अखिन कीड़ा ऊनला खान लाईक कभी नहीं रकन का।

जब यीशु वापस आए, त ऊ पुरो तरीका लक शैतान को अखिन ओको राज्य ला नाश कर देए। ऊ शैतान ला नरक मा डाक देए। वहाँ शैतान हमेशा को लाईक नरक मा जरत रहे, ऊनको संग जेन परमेश्वर को बात ला मानन को सिवाय शैतान को मंग चलन को चुनाव करिन होतिन।

काहेकी आदम अखिन हव्वा न परमेश्वर को आज्ञा ला नहीं मानिन होतीन अखिन पाप ला येन संसार मा धर सारी आया होता, परमेश्वर न ओला श्राप देईस अखिन ओला नाश करण की सोचीस। पर कोई दिवस परमेश्वर एक नवो स्वर्ग अखिन एक नवो जागा की रचना करे जो सहिमा रहे।

यीशु अखिन ओका लोख वन नवो जागा मा रहेती, अखिन ऊ हमेशा को लाईक पुरो चीजहिन पर राज्य करे। ऊ लोखहिन को डोराहि कि हर एक आँसू ला पोंछ देहे। आता कोई पीड़ित या दु:खी नहीं रव्हन का। वय रोवन का नहीं। वय बीमार नहीं होनका अना नहीं मरन का। अखिन वहाँ काई बुरोई नहीं रव्हन की। यीशु आपरो राज्य पर न्यायपूर्वक, अखिन शान्ति लक राज्य करे। ऊ हमेशा लाईक आपरो लोखहिन को संग रहे।