6. परमेश्वर इसहाक लाइक उपाय करसे

जब अब्राहम जादा बुड्गा भय गएव होतो तब ओको टुरा, इसहाक,एक आदमी को उम्र को भय गएव होतो। एकोलाइक अब्राहम न आपरो एक नवकर ला आपरो टुरा इसहाक लाइक वन देश मालक एक बायको आन्न लाइक धाड़िस जहां ओका रिश्तेदार रव्हत होता।

जहां अब्राहम का रिश्तेदार रवत होता वन देश मा जान लाइक एक मोठी लंबी यात्रा को बाद मा परमेश्वर न वन नवकर ला रिबका जवर लिजाइस। वा अब्राहम को भाई की नातिन होती।

रिबका आपरो परिवार ला छोड़ सारी वन नवकर को संग वापिस जान लाइक तैयार भय गई। जसाच वय गया इसहाक न ओको सीन बिहाया कर लेइस।

एक लंम्बो समय को बाद मा, अब्राहम मर गएव। तब परमेश्वर न अब्राहम को टुरा इसहाक ला, अब्राहम को संग करेव वादा को करण आशीर्वाद देइस। वन वादा मा परमेश्वर की एक आज्ञा होती की अब्राहम की अनगिनत पीडी होयेती। पर इसहाक को बायको रिबका ला लेकरू पैदा नहीं भया।

इसहाक न रिबका साथी प्रार्थना करिस, अखिन परमेश्वर न ओला जुड़वा लेकरू को गर्भ रुकन लाइक तैयार करिस। जेन समय मा वय लेकरू रिबका को गर्भ माच होता वय आपरो माच झगड़ा करण लगया, एकोलाइक जेव काईही होत होतो रिबका न ऊ परमेश्वर ला सांग देइस।

परमेश्वर न रिबका सीन कहीस, “ तू दुई टुराहिन ला जन्म देजों। उनकी पीढ़ी दुई अलग - अलग जातीहिन ला बनायेती। वय एक दूसरों सीन झगड़ेती। पर मोठों टुरा सीन पैदा होन वाली जाती ला नाहान टुरा सीन आवने वाली जाती की आज्ञा माननों पड़े। ”

जब रिबका को टुराहिन को जन्म भएव, त मोठों टुरा लाल रंग अखिन बालवालो होतो, अखिन उन ओको नाव एसाव राखिन। तब नाहान टुरा एसाव को पाय ला धरके पैदा भएव, अखिन उन ओको नाव याक़ूब राखिन।