8. परमेश्वर न युसुफ अखिन ओको परिवार ला बचाइस

कई सालहिन को बाद मा, जब याक़ूब बुड्गा भय गएव होतो, त ओन आपरो खास टुरा युसुफ ला आपरो भाईहिन की जाँच करनलाइक धाड़िस जो वय ढोरहिन को झुंड की देखरेख करत होता।

यूसुफ का भाई ओको सीन नफरत करत होता काहेकी ऊनको बाप ओको सीन जादा प्रेम करत होतो अखिन एकोलाइक की युसुफ न सपना देखि होतीस की ऊ उनको पर राजा होय जाये। जब युसुफ आपरो भाईहिन को जवर आएव त ऊन ओला बंधक बनाय लेइन अखिन ओला दासईन को धन्दा करने वालाहीन ला बिक देइन।

घर वापिस आवन को पहिले युसुफ को भाईहिन न युसुफ का कपड़ाहिन ला फाड़ सारी सेरी को खून लक फिजाय देइन। मंग ऊन वय कपड़ाहिन ला आपरो बाप ला देखाइन की ऊ यव सोचे की कोई जंगली ढोरहिन न युसुफ ला मार डाकिस। युसुफ बहुत दु:खी होतो।

दासहिन को धन्दा करने वाला वय लोक यूसुफ ला मिस्र लिजाइन। नील नदी को किनारो पर बसेव मिस्र देश एक विशाल अखिन ताकतवर होतो। उन दासहिन को धन्दा करने वालोहिन न यूसुफ ला एक मोठों पैसा वालो सरकारी अधिकारी ला नवकर को रूप मा बिक देइन। यूसुफ न आपरो मालिक की अच्छो लक सेवा करिस, अखिन परमेश्वर न यूसुफ ला आशीर्वाद देइस।

ओको मालिक की बायको न यूसुफ संग सोवन लाइक प्रयास करिस, पर यूसुफ न यन कारण लक परमेश्वर को विरूद पाप करण लाइक मना कर देइस। वा गुसा भय गई अखिन यूसुफ पर गलत इल्जाम लगाय देइस, एकोलाइक ओला हाथकटी लगाय सारी जेल मा डाक देइन। यहाँ वरी की जेल मा भी, यूसुफ परमेश्वर लाइक साजरों रहेव, अखिन परमेश्वर न ओला आशीर्वाद देइस।

दुइ साल वरी, यूसुफ जेल माच रहेव, ऊ निर्दोष होतो। एक रात, फिरौन, जसो की मिस्री आदमी आपरो राजाहिन ला बुलावत होता, वन दुइ स्पनहिन देखीस जोकोमा ऊ बहुत चिंता मा पड़ गएव। ओका कोइच सलाहकार ओला वन स्पनहिन को अर्थ ला नहीं सांग सीकिन।

परमेश्वर न यूसुफ ला स्वप्नाहिन को अर्थ सागण लाइक हिमत देइस, एकोलाइक फिरौन न यूसुफ ला जेल मा लक आपरो जवर बुलाइस। यूसुफ न वन स्वप्नाहिन को अर्थ ला सगीस अखिन कहिस, “परमेश्वर भरपूर फसल वाला सात साल को बाद मा अकाल का सात साल आवने वालो से।”

फिरौन युसुफ सीन एतरो खुश भएव की वन ओला मिस्र को दूसरों सबलक ताकतवर आदमी ठयराय देइस।

यूसुफ न लोखहीन ला अच्छो फसल वाला सात साल को बीच मा जादा मात्रा मा अनाज जमा करण लाइक कहिस। जब सात साल को अकाल आएव तब यूसुफ न लोखहीन ला ऊ अनाज बिकिस की ऊन को जवर अनाज खान ला भरपूर होय जाय।

ऊ अकाल खाली मिस्र माच नहीं, पर कनान मा बहुत होतो जहाँ याक़ूब अखिन ओका परिवार रव्हत होता।

एकोलाइक याक़ूब न आपरो सबलक मोठों टुरा ला अनाज लेन ला मिस्र ला धाडीस। जब वय अनाज लेन लाइक यूसुफ को सामने ऊबा भया त वय भाईहिन न यूसुफ ला नहीं पहचानिन। पर यूसुफ न उनला पहचान लेइस।

यव पता लगावन लाइक की वय बदल गया का नहीं उनला परकनो को बाद मा, यूसुफ न उनको सीन कहिस, “मी तुमरो भाई यूसुफ आव! घबरवों नोको। जब तुमीन मोला दास को रूप मा बिकाया होतात त तुमीन बुरों करण को ठान लेया होतात, पर परमेश्वर न वन बुराई ला भलाई को रूप मा उपयोग करीस! आओ अखिन मिस्र माच राओ की मी तुमारो अखिन तुमारों परिवार लाइक अनाज को उपाय कर देऊ।”

जब युसुफ का भाई घर वापिस आया अखिन आपरो बाप याक़ूब ला सागीन की युसुफ आब भी जितो से त ऊ बहुत खुश भएव।

काहेकी याक़ूब एक बुड्गा आदमी होतो तब भी ऊ आपरो पूरो परिवार को संग मिस्र ला चली गएव, अखिन वय वहाँ बस गया। याक़ूब को मरन को पहिले,वन आपरो सपाई टुरुहिन ला आशिषित करीस।

वादा को यव वचन जो परमेश्वर न अब्राहम सीन करि होतीस वय इसहाक पर अखिन ओको बाद मा याक़ूब, अखिन ओको बाद ओका बारा टुरुहिन को अखिन उनको परिवार पर आय गई होती। वन बारा टुरुहिन की संतान इस्राइल का बारा गोत्र बन गया।