7. परमेश्वर याक़ूब ला आशीर्वाद देसे

जब वय लेकरू मोठा भया तब याक़ूब ला घर रवनो अच्छो लगेव, पर एसाव ला ढोरहिन को शिकार करणों अच्छो लगव। रिबका न याक़ूब सीन प्रेम करिस, पर इसहाक न एसाव सीन प्रेम राखीस

एक दिवस, जब एसाव शिकार कर सारी वापिस आएव त ऊ बहुत भूखो होतो। एसाव न याक़ूब सीन कहीस, “जेव तुन रांधिसेस ओको मालका थोड़ों खानला मोला दे।” याक़ूब न जवाब देइस, “पहिले मोरो सीन यव वादा कर की पहिलों टुरा होन को कारण लक सपाई चीज जो तोला मिलनों होतो, वा सपाई तू मोला देजों।” अधिक एसाव न वन पुरई चीजहिन ला याक़ूब ला देन लाइक वादा कर देइस। तब याक़ूब न वला थोड़ों जेवन ला देइस।

इसहाक एसाव ला आशीर्वाद देन ला देखत होतो। पर एको पहिले की वन असो करिस, रिबका अखिन याक़ूब न याक़ूब लक एसाव होन को ढोंग करके ओको संग गद्दारी करिस। इसहाक बुड्गा होतो अना वोला दिसत नोव्हतो। एकोलाइक याक़ूब न एसाव का कपड़ा पेहेर के अखिन सेरी की चमड़ी ला आपरो गरो अखिन हाथइन ला चिपकाय लेइ होतीस।

याक़ूब इसहाक को जवर आएव ना कहिस, “मी एसाव आव। मी एकोलाइक आईसेव की तू मोला आशीर्वाद दे।” जब इसहाक न सेरी का बालहिन ला तामडिस अखिन कपड़ा ला सूंघीस, त वन सोचिस की यव त एसाव आय अखिन ओला आशीर्वाद देइस।

एसाव न याक़ूब सीन घर्णा करिस काहेकी याक़ूब न ओको पहिलों टुरा होन को अधिकार ला अखिन संगमा ओको आशीर्वाद ला चोर लेइस। त वन ओको बाप को मरण को बाद मा याक़ूब ला मारन की योजना ला बनाईस।

पर रिबका न एसाव को योजना ला आयेक लेइ होतीस। एकोलाइक वन अखिन इसहाक न याक़ूब ला ओको रिश्तेदारहिन को संग रव्हन लाइक बहुत दूर धाड़ देइस।

याक़ूब कई साल वरी रिबका को रिश्तेदारहिन को संग रहेव। वन समय को बीचमा वन बिहाया करिस अखिन ओला बारा टुरा अखिन एक टुरी पैदा भई। परमेश्वर न ओला बहुत धनी बनाय देइ।

बीस साल वरी कनान मा आपरो घरलक दूर रवन को बाद मा, याक़ूब आपरो परिवार, आपरो नवकरहिन ला, अखिन आपरो ढोरहिन को सपाई झूड़हिन ला धर सारी वापिस आएव।

याक़ूब एकोलाइक जास्ती डरेव होतो काहेकि वन सोचिस की एसाव आब भी ओला मारन की कोशिस करत होतो। एकोलाइक वन भेट को रूप मा ढोरहिन को झुंड ला एसाव को जवर धाड़िस। जेव नवकरहिन वन झुंड ला लिजाइ होतीन उन कहिन, “तोरों दास याक़ूब, ये ढोर तोला देसे। अना ऊ जल्दीच आय रहीसे।”

पर एसाव आता याक़ूब ला कोई नुकसान पहुँचावनो नहीं चावत होतो। एको बजाए,ऊ ओला अखिन एक बार देख के बहुत खुश होतो। ओको बाद मा याक़ूब कनान मा शान्तिपूर्वक रहेव। मंग इसहाक मर गएव अखिन याक़ूब अखिन एसाव न ओला दफनाहिन। जेव परमेश्वर न अब्राहम सीन वादा करी होतीस वा आता इसहाक लक याक़ूब पर आय गईहोती।