14. १४. उजाड ठन्कहा भौतारेतल

सिनै पर्बतहा आफ्नो करार बै ह्रोयाङ न्हौ परमेस्वर इ इस्रायलिराउकाना प्रतिज्ञाक देशहाइ डोर्‍याम ग्लाआ,जाङकाना कनान क देश कनि गारेनी ।बाल्ह क खाबाइ हुराउकाना ध्री-ध्री कनान हाइ दोरेतना काता अनि इस्रायलिराउ इ हुन्काना पछ्यासो।

परमेस्वर इ अब्राहम ,इसाहक अनि याकुब दैना हुन देश हुराउक सन्तान् राउकाना बैहेना गार्त प्रतिज्ञा खथाआनी ,तर हुन समयहा हुन्हा चोल समुदाय क मन्छेराउ बसोबास खैछाइनी।हुराउकाना कनानीराउ गारेनी ।कनानिराउ इ परमेस्वर काना पुजेयमानि न त उइ क आज्ञा ल मानेयनी ।हुराउइ झुठा देबराउकाना पुजेयनि अनि चो अधर्मी कामराउ खैन्याङ खएनी।

परमेस्वर इ इस्रयलिराउकाना गारा,"नाराउइ हुन्हा ओयाङ सब्ल कनानिराउकाना प्रतिज्ञा क देशहाइत हटाम अनि हुराउदैना गुसाङल किसिम क सम्झौता या ब्याहा मा-खयम।हुराउक मुर्तिराउकाना पुर्ण रुप इ ध्वस्त खै बयम।यदि नाराउ इ ङाक आज्ञा पालन खैकासोमा खाझै,नाराउइ ङाक सट्टाहा हुराउक मुर्तिराउ पुजेहे।"

जब इस्रायलिराउ कनान क सिमानाहा तोम्पिसी,मोसाइ इस्रायली क प्रत्येक कुलहाइत दा-दा जना खैत बाह्र जना मन्छेराउ छानेसी ।हुनि हुन मन्छेराउकाना हुन देश क खबर बुझेम जासुस क रुपहा लेता।कनानिराउ बल्ल्यो ह्रेकी या कमजोर ह्रेकी गारन्याङ विषयहा चियो क लागै कनि हुराउकाना लेत्याङ हुइनी ।

हुन बाह्र जना मन्छेराउ चालीस कान मचै कनानहा घुमेसी अनि हुन न्हौ हुराउ फर्केत ओङ्सि ।हुराउइ मन्छेराउ काना गार्सो ,"हुन्हाक मच्या त चो मलिलो दैना प्रस्शस्तल फसल ओन्याङ खाल क ह्रेका

तब तुरुन्तल अर्को नि जासुस राउ ,कालेब दै यहोशु इ चाहिँ इसा क्ल्याइसी ,"इन सहि हु कि कनान क मन्छेराउ अग्लो दै बल्ल्यो ह्रेकी ,तर निस्चयल ङैइ हुराउकाना परास्त खयम(जिताम) ह्रोके

तर मन्छेराउ इ कालेब दै यहोशु क कुरा क्लासोमा ।हुराउ इ मोसा अनि हारुन दै रिसेत क्ल्याइसी ,"नाराउ इ आहु ङै काना इसा भयानक ठन्कहा पित्सी ?लडाइहा सिम दै आफ्नो मच्चा अनि ना-न्हीङराउकाना दास बनाम हाइत त बरु ङै मिश्र देशहाल नयाङ ओआझै ओहैनी ।"फेरि मिश्रदेशहाल फर्कात कातम क लागै इस्रायलिराउ इ नवै अगुवा क माग खैसो।

इन मुतना परमेस्वर चो रिसेया अनि भेट ओन्याङ पालहा ओङा ।परमेस्वर इ गारा,"ङा क विरुद्धहा बिद्रोह खयाङ कारण नाराउ सब्ल जना इन उजाड ठन्कहा भौतारेतल स्वाही ।कालेब दै यहोशु बाहेक २० बर्ष हाइत ताकी क सब्ल ह्याल सिहि अनि प्रयिज्ञा क मुलुकहा छिरेम दारेमा।"

जब मन्छेराउ इ इन कुरा क्लासो ,आफुइ पाप खयाङ मारै हुराउ चो दुखी ओसि ।हुराउइ आफ्नो हतियारराउ लौसो अनि कनान क मन्छेराउकाना आक्रमण खयम स्वासी। मोसाइ हुराउकाना ह्वा मा-स्वाम चेतावनी बया आहुखाझै परमेस्वर हुराउदैना हैमानी ,तर हुराउ इ हुन्क कुरा क्लासोमा।

हुन लडाइहा परमेस्वर इस्रायलिराउदै स्वाआमा,हुन्लमारै हुराउ पराजित ओसि अनि चो जना सिसि ।हुन न्हौ इस्रायलिराउ कनान हाइत फर्केसी अनि चालीस बर्ष मचै उजाड ठन्क हा भौतारे ह्रेसी ।

चालीस बर्ष मचै उजाड ठन्कहा भौतारे ह्रेत्याउ परमेस्वर इ ल इस्रायलीराउकाना जुटाबया।उइ हुराउ काना स्वर्ग हाइत रोटाबया ,हुन रोटा काना "मन्न"गारेनी ।उइ हुराउ नयाङ पालहा कयम क लागै स्या कनि ओद गारन्याङ हेतुइ बट्टाइ क बगाल कनि लेत्बया।हुन सब्ल बेला भरेत परमेस्वर इ हुराउ क थ्याङ्ह्री दै जुत्ता जोतमहाइत बचाबया।

परमेस्वर इ हुराउकाना चट्टान हाइत ती बया ।इच्च ओहा-ओहाल कनि ,इस्रायलिराउ इ परमेस्वर दै मोसा क विरुद्धहा आरोप स्लासो अनी गनगन खयासो ता-कनि ,अब्राहम ,इसाहक अनि याकुब दै आफुइ ह्रुप्याङ प्रतिज्ञाहा परमेस्वर बिश्वासयोग्य ह्रेनी ।

दा-चोटा,जब मन्छेराउ दै तुङम क लागै ती हैमानी ,परमेस्वर इ मोसाकाना गारा,"चट्टानकाना गार अनि होइतना ती ओङ्है।"तर मोसाइ सब्ल मन्छेराउ क ध्री थामम क सट्टा चट्टानहा नि पल्ट लठ्ठी मकतना परमेस्वर क् अनादर खया।चट्टानहाइत ती त ओङा तर परमेस्वर मोसा दैना रिसेया अनि गारा,"नाङ प्रतिज्ञा क मुलुक भित्रौ बाङम दारुमा।"

उजाड ठन्कहा भौतारेयाङ चालीस बर्ष न्हौ ,परमेस्वर क विरुद्धहा बिद्रोह खैन्याङ सब्ल इस्रायलिराउ सिसोह्रेसिनी ।हुन न्हौ परमेस्वर इ फेरि मन्छेराउकाना प्रतिज्ञा खयाङ मुलुक क छेउहा काता।मोसा नो बड्डो ओसोह्रेयानी ,हुन्लमारै परमेस्वर इ यहोशु काना हुन मन्छेराउ क नेतृत्व खयम छानेया।परमेस्वर इ मोसाकाना इन कनि प्रतिज्ञा खया कि दाक्काले उइ मोसा साङ्ल अर्को दा-जना अगमबक्ता लेत्न्याह्रेङ ।

अनि परमेस्वर इ मोशाकाना डाडाउ क टुप्पाउहा काम गारा,ताकी हुनि प्रतिज्ञा खयाङ मुलुक मुम ह्रोउ ।मोसाइ प्रतिज्ञा खयाङ मुलुक मुम दारा तर परमेस्वर इ मोशाकाना प्रबेश खयम बयामा।हुन न्हौ मोशा सिया,अनि तीस कान मचै इस्रायलिराउ इ हुन्क लागै शोक मनासो। यहोसु हुराउक लागै नवै अगुवा ओआ।यहोशु दाठौ असल अगुवा ह्रेनी आहुखाझै हुन परमेस्वरहा भर ब्रीनी