18. १८. विभाजित राज्य

चो बर्ष न्हौ,दाउदक म्रुत्यु (सिया/हरेया)ओआ अनि हुन्क चाउ सोलोमनइ इस्रायलताकी शासन खयम ग्लाआ।परमेश्वर सोलोमन दैना थामा अनि हुन्कना सबहाइतना चो आङ कुराक चाहाना ह्रेङ खैतना सुधेया।सोलोमनइ ज्ञान,बुद्धि- ह्रीता परमेश्वर खुशी ओआ अनि हुन्कना सन्सारकल सबहाइत बुद्धिमान मन्छे तुल्याआ( बनाआ)।सोलोमनइ चो कुराराउ सिखेया अनि दाठौ बुद्धिमान न्याएकर्ता ओआ।परमेश्वरइ हुन्कना चो सम्पन्नकनी बनाआ।

यरुशेलमहा ,सोलोमनइ हुन मन्दिरक निर्माण खया जाङ हुन्क बयु दाउदइ बनान्याङ योजना खैथाआनि अनि हुन्कलागै सामानराउ जम्मा खैथासिनी ।मन्छेराउइ नो परमेश्वरकना पुजेन्याङदैना भेट ओन्याङ पाल क सट्टा मन्दिरहा बलिराउ चढासो।परमेश्वर हुन मन्दिरहा उपस्थित ह्रेनी ।अनि उइ आफ्नो मन्छेराउदैना ह्रेया(नया)।

तर सोलोमनइ अरु देश क मच्चाराउकना प्रेम खया।हुनि करिब १,००० मच्चाराउदै ब्याहा खया,अनि परमेश्वरक अनाज्ञाकारी ओआ।इन मच्चाराउ चो जना अन्य देशहाइतना ओङ्ह्रेसिनी अनि आफुदैना आफ्नो देउताराउकनी पित्थासोनी जाङ्काना हुराउइ पुजेतल थासो।जब सोलोमन बड्डो ओआ, हुनि कनि हुराउक देउताराउकना पुजेम ग्लाआ।

परमेश्वर सोलोमनदैना रिसेह्रेयानी अनि हुन क अबिश्वासनियताक मारै दण्ड स्वरुप,उइ सोलोमन क मृत्यु न्हौ इस्रायल रास्ट्रकना नि राज्यहा बिभाजन खैबैन्याङ प्रतिज्ञा खया।

सोलोमन सियाङ न्हौ हुन्क चाउ, रहोबाम,इस्रायल क राजा ओआ।रहोबाम दाठौ मूर्ख मन्छे ह्रेनी।इस्रायल रास्ट्र क सब्ल मन्छेराँउ हुन्कना राज्याभीषेक खयम दा-साथ जम्मा ओसि ।हुराँउइ रहोबामकना सोलोमन राजाइ क्षे-काम खयम स्लायाङ दैना चो कर तिरेम स्लायाङ गार्तना गुनासो खैसो।

रहोबामइ मुर्खताइ हुराँउकना जवाफ बया,"ङाक बयुइ क्षे-काम खयम स्लायाङ गार्तना नराँउइ सोचेथाक्सो,तर ङा उइ हाइतना चो क्षे-काम खयम स्लाहौ अनि उइ हाइतना चो सजाय बैहौ।"

इस्रायल रास्ट्रक कुलराँउ मध्ये दस कुलराँउइ रहोबामक बिरुद्धहा बिद्रोह खैसो। केबल नि कुल च्याल उइ प्रती बिश्वासयोग्य ओसि।इन नि कुलराँउल यहुदाक रास्ट्र ओसि ।

रहोबामक बिरुद्धहा बिद्रोह खयाङ इस्रायल क अरु दस कुल इ,यरोबाम ब्रीङु खयाङ दा-जना मन्छेकना आफ्नो राजा ओम नियुक्त खैसो। हुराँउइ आफ्नो राज्य देश क उत्तरी भागहा खडा खैसो अनि हुन्कना इस्रायलक राज्यगार्सो।

यरोबमइ परमेश्वरक बिरुद्धहा बिद्रोह खया अनि मन्छेराँउकना पाप खयम स्लाआ।यहुदाक राज्यहा ओयाङ मन्दिरहा स्वातना परमेश्वरक आरधना खयम स्लाम क सट्टा हुनि मन्छेराँउक लागै आरधना खयम निठौ मुर्तिराँउ बनाबया।

यहुदा दैना इस्रायलक राज्यराँउ दुश्मन ओसि अनि घरीघरी दा-अर्कोक बिरुद्धहा लडाइ खैछाइनि ।

इस्रायलक नवैँ राज्यहा ,सब्ल राजाराँउ दुष्ट ह्रेइनी।इन राजाराँउ मध्य चो जना अरु इस्रायलिराँउहाइत सातिइसी जाङ हुराँउक ठन्कहा राजा ओम भ्र्याह्रेसिनी ।

इस्रायल राज्यक सब्ल राजाराँउ अनि चोसाङ मन्छेराँउइ मुर्ती पुजा खैसो।हुराँउक मुर्तिपुजाक कामराँउहा चोसाङा ब्यभिचार दैना कहिलेकाहीँ त बालख बलि समेत सामिल खैसो(बैसो)।

यहुदाक राजाराँउ दाउद क सन्तानराँउ हुँइनी।इन राजाराँउ मध्य कोँइ ह्रुङ मन्छेराँउ ह्रेइनी जाङी न्यायपुर्बक राज्य खैसो अनि परमेश्वरकना पुजेसो।तर यहुदाक चो भागै राजाराँउ दुष्ट दैना भ्रष्ट ह्रेइनी अनि हुराँउइ कनि मुर्ती पुजा खैसो ।कोइ राजाराँउइ त झुठ्ठा देउताराँउक लागै आफ्नोल बालख्खक (नान्हिङ् राँउक)कनि बलि बैसो।यहुदाक चो-साङ मन्छेराँउइ कनि परमेश्वरक बिरुद्धहा बिद्रोह खैसो अनि अरु देबताराँउकना पुजेसो।