19. १९. अगमबक्ताराँउ

इस्रायलिराँउक ईतिहास भरेल,परमेश्वर इ हुराँउ निङ्हा अगमबक्ता लेता।अगमबक्ताराँउइ परमेश्वरहाइत सन्देशराँउ क्लाँएनि अनि उइ क सन्देशराँउ मन्छेराँउकना गारेनी ।

आहाब राजाइ इस्रायलहा शासन खैछायाङ बेलाहा एलिया दाठौ अगमबक्ता ह्रेनी ।आहाब दाठौ दुष्ट मन्छे ह्रेनी जाङी मन्छेराउकना बाल ब्रीङु खयाङ देबताक मुर्तिपुजा खयम प्रोत्साहन खैन्याङ खयुनि।एलिया इ आहाबकना गारा,"ङाक वचन बिना सारा इस्रायलक न त शीत ब्रीन्याङ ह्रेकङ न देउ ल र्वाहै ।"इनि आहाबकना चो क्रोधित बनाआ।

परमेश्वर इ एलियाकना आहाबहाइत ल्हुपिमकना उजाड ठन्कहा दाठौ खोल्साउ ओयाङ ठन्कहा काम गारा,जाङी हुन्कना सातम भ्र्याह्रेयानी ।हरेक छकाल दैना हरेक सङ्हाइ ,कौवाइ हुन्कना स्या दैना रोटा पित्बयुइनि ।आहाबदै हुन्क सैनिकराँउइ एलियाक खोजी खैसो तर हुराँउइ हुन्कना दाल्लम ह्रोसोमा ।हुन्हाक सुक्खापना इच्च चो ह्रेनी कि हुन खोल्साउ आखिरिउहा पोक्तना स्वाआ।

हुन्लमारै एलिया दाठौ छिमेकी देशहा स्वाआ ।हुन देशहा दा-जना बिधवा दैना हुन्क चाउ अनिकालइ खैत्याउ जान्याङ कुरा जामहाइत बन्चित ओसोह्रेसिनी ।तर हुराँउइ एलियाक ख्याल थासो,अनि परमेश्वरइ हुराँउक लागै जुटाबया।।हुराँउक हारीक पिठो अनि ढुङ्ग्राउक सा तिङ्ल रित्तेयामा।पुराल अनिकालक समय भरेत हुराँउदैना जान्याङ कुरा ह्रेनी एलिया हुन्हा आइची बर्ष मचै ह्रेया।

सारै सुम बर्ष न्हौ ,परमेश्वरइ एलियाकना इस्रायलक राज्यहा फर्केत काम अनि आहाबदैना कुरा खयम गारा आहुखाझै उइ फेरि बृष्टि लेतम ग्लाह्रेआनी ।जब आहाबइ एलियाकना मुआ,हुनि गारा,"नाङ्ल हु इन सब्ल समस्या निम्तेन्याङ ब्यक्ती

इस्रायल राज्य क मन्छेराँउ,अनि बाल क ४५० जना अगमबक्ताराँउ समेत पित्तना सब्ल जना कर्मेल डाडाउहा ओङ्सि।एलियाइ मन्छेराँउकना गारा,"नराँउ तिङ मचै आफ्नो मन बदलेछाही ?यदि यहोवे परमेश्वर ह्रेकङ खाझै ,उइ क सेवा खैने

अनि एलियाइ बाल क अगमबक्ताराँउकना गारा,"दाठौ साँढ्या सात अनि हुन्कना बलिक रुपहा तयार खैने तर हुन्कना मुइ इ ता-छोरम।ङाकनी होसल खैहौ।जाङ परमेश्वरै मुइ जवाफ बैकु,हुन्ल परमेश्वर सत्य ह्रेकङ ।"हुन्लमारै बाल क पुजारिराँउइ बलि तयार खैसो तर मुइ चाइ स्लासोमा।

अनि बाल क अगमबक्ताराँउइ इसा गार्तल प्राथना खैसो,"हे बाल ,ङैकना क्लाँनि

दिनक अन्त्यहाइ,एलियाइ परमेश्वरक लागै दाठौ बलि तयार खया।अनि उइ मन्छेराउकना बाह्र बरे गाग्री ती पित्तना बलिक स्या ताकी ,खटिक्याराउ दै दिशा मचै खैत बेदि वरिपरीक सब्ल भाग पुर्णरुपै मादिङम मचै खनेम स्लाआ।

अनि एलियाइ प्राथना खया,"याहोवे अब्राहम,इसहाक अनि याकुबक परमेश्वर तान ङैकना नाङ्ल इस्रायलक परमेश्वर हु अनि ङा नाङ्क दास हु खैतना सारुसी ।ङाकना उत्तर बैनिङ ताकी इन मन्छेराँउइ इन दासे कि नाङ्ल दाठौ सत्य परमेश्वर हु।"ह्रेकङ

तब तुरुन्तल,आकाशहाइत मुइ खसेया अनि स्या,सिङ,ढुङ्गराँउ,मच्या अनि बेदि हाइहेइ ओयाङ ती मचै छोरबया।जब मन्छेराउइ इन मुसो,हुराँउ दिसाहा घोप्त्या ब्रीसी अनि क्लाइसी ,याहोवे परमेश्वर हु।ह्रेकङ

अनि एलियाइ गारा,"बाल क गुन्लकनी अगमबक्ताराँउकना उम्केम ताबैने

अनि एलियाइ राजा आहाबकना गारा,"तुरुन्तल शहरहा फर्केस्वगात, आहुखाझै ती क बर्षा ओछाङ।"दाघ्रीदा न्हौ आकाश क्वाङ ओतना ओङा अनि बरे देउ र्वाम ग्लाआ। यहोवेइ खडेरिक अन्त्य खयाङ हुनि अनि उइ ल दाठौ च्याल सत्य परमेश्वर हु खैत प्रमाणित खया।

एलियाक समय न्हौ,परमेश्वरै एलिसा ब्रीङु खयाङ मन्छेकना उइ क अगमबक्ता क रुपहा छानेया । परमेश्वरै एलिसाहाइत चोल अचम्मक कामराउ खया ।हुनमध्य दाठौ अचम्मक काम नामानदैना ओआ जाङ शत्रुराउक दाठौ सैन्य अधिकारी हुनि अनि दाठौ प्रीमाप्री छालाक रोगहाइतना ग्रस्त ह्रेनी।हुनि एलिशाक बारेहा क्लायाङ्क मारै हुन्कहा काआ अनि आफुकना निको खैबयम अनुरोध खया।एलिशाइ नामानकना सात्थ पल्टमचै आफुकना यर्दन नदिहा बुरम गारा।

पहिला त नामान रिसेह्रेयानी अनि हुसा खयम राजी हैमानी आहुखाझै इन त दाठौ मुर्खतासाङ्ल छिङ्ह्रेयानी ।तर न्हौ हुनि आफ्नो मनौ परिबर्तन खया अनि आफुकना सात्थपल्ट मचै यर्दन नदिहा बुरा।जब नामान अन्तिम चोटा भाइरौ ओङा,हुन्क छालाउ पुरारुपहा निको ओसोह्रेयानि

परमेश्वरै अरु चोल अगमबक्ताराँउ लेतासि।हुराउ सब्लाउइल मन्छेराँउकना मुर्तिपुजाराँउ त्यागेम अनि अरुताकी न्याए दैना दया सारम आग्रह खया।अगमबक्ताराँउइ मन्छेराँउकना यदि हुराँउइ दुष्ट काम खयम मालेताझै दैना परमेश्वरक अनाज्ञाकारी ओकासिखाझै,परमेश्वरै हुराँउकना दोषी ठहर्‍यान्याङ ,अनि हुराँउकना दण्ड बैन्याङ चेतावनी बया।

चो-भागै समय,मन्छेराँउइ परमेश्वरकना क्लाँसोमा ।हुराँउइ ह्रोममचै अगमबक्ताराँउक दुर्व्यवहार खैसो अनि कहिलेकाही त हुराउकना सात्सोकनी ।दा-पल्ट यर्मिया अगमबक्ताकना सुख्खा इनारहा थासो,अनि सिमकना हुन्हा लेत्बैसो।हुन इनारक पिधौहा ओयाङ हिलहा भासेया तर राजाइ हुनताकी दया सारा अनि आफ्नो नोकरराँउकना यर्मिया सिमहाइतना ध्री इनारहाइतना तोनम स्लाआ।

मन्छेराँउइ अगमबक्ताराँउकना घ्रीणा खयाताकनी हुराँउइ परमेश्वरक लागै थाम्सी (थाम्त्याल ह्रेसी )।पश्चाताप माखयाझै परमेश्वरै मन्छेराँउकना नासखैन्याह्रेङ गार्तना हुराँउकना चेतावनी बैछाइनी ।हुराँउइ मन्छेराँउकना परमेश्वरक मशिह ओङ्न्याङ प्रतिज्ञाक कनि याद बैसो।