2. २. संसार हा पाप क प्रबेश

परमेश्वर इ हुराँउ कल लागै बनायाङ सुन्दर बगैँचा हाआदम दै हब्बा चोल खुशि क साथ नैह्रेसिनी ।निम्घी ल ठ्याङ्ह्री माफाङ्तना नइनि, तर कनि इन कुराहा हुराँउकाना आङ्ल लाज हैमानि,आहुखाझै संसार हा आङ्ल पाप हैमानी।हुनराँउ चो भागै बगैँचा हा डुलेन्याङ अनि परमेश्वर दैना कुराकानी खयनी ।

तर हुन बगैचाहा दाठौ बाठो मुभु ह्रेनी।हुनि मच्चा काना सुधेया "आङ साच्चोल परमेस्वर इ नाङ्काना ह्या ओयाङ मध्य गुसाङ्ल कनि रुखा क सयु ता जाम गर्थाका?"

मच्चाइ जवाफ बया "परमेश्वर इ ङै काना मजा दै दामानिको ज्ञान छुट्टेन्याङ रुखा क सयु बाहेक अरु गुसाङ्ल कनि रुखा क सयु कयम मिलेकङ गार्थाक्सी ।परमेस्वर इ ङै काना गार्थाक्सी,यदि नराँउ इ हुन रुखा क सयु कया वा दुआ झै च्याल कनि नराँउ सिहि"।

हुन मुभु इ मच्चाकाना जवफ बया "हुन सत्य माँहु

मच्चाइ हुन सयु मुम्हा ह्रुङ(असल)दैना मीठो मुआ।हुनि कनि बुध्धिमान ओन्याङ मन खया,हुन्लमारै हुनि बगैचाहाइत आइचिदा सयुराउ तुतना कया।हुनि आइचिदा सयु आफ्नो बुह्राउ काना कनि बया,जाङ उइ दैनाल ह्रेनी, अनि हुनि कनि हुन सयु कया

आन्लघरीउ हुराँउ क मिकुराँउ खुलेसी ,अनि आफुराउ नाङ्गो ओयाङ हुराउ इ थाहा दार्सो।हुराउ इ वा राँउ काना बिङ्तना ठ्याङ्ह्रि बनातना आफ्नो जिउनाउ खोमम भ्र्यासी।

तब मन्छे दै हुन क मत्काउ इ परमेस्वर बगैँचा हाइत ओतना स्वात्याल खयाङ क्लासो,हुराउ निम्घी ल परमेस्वर हाइतना ल्हुपिसी ।अनि परमेस्वर इ मन्छेकाना स्लोक्तना" गारा" नाङ घ्वा ह्रेङ?"आदम इ जवाफ बया "ङाइ नाङकाना बगैचाहा स्वात्याल खयाङ क्लाँआ ,"अनि ङा पृया"आहु खाझै ङा नाङ्गो ह्रेनी ,हुन्लमारै ङा ल्हुपिया।"

अनि परमेस्वर इ दुधेया"नाङ नाङ्गो ह्रेङ खैतना नाङकाना गुनि गारा?आङ ङाइ ता-जाम गार्याङ सयु नाङी कैका?"मन्छे इ जवाफ बया,"नाङी बयाङ मच्चा इ ङाकाना इन सयु बैकासी। अनि परमेस्वर इ मच्चाकाना सुधेया" नाङ इ इन आङ खैका?"मच्चाइ जवाफ बया ,"हुन मुभु इ ङा काना झुक्याक्सी ।

परमेस्वर इ मुभु काना गारा,"नाङ श्रापित ओह्रेका

हुन न्हौ परमेस्वर इ मच्चाकाना गारा,"ङा नाङ क सुत्केरी ब्यथा चोल बढाबैहेना।ता कनि नाङ क इच्छा बुह्राग हाइ ल ओन्याहेङ अनि हुनि नाङ ताकी अधिकार खैहौ।"

परमेस्वर इ मन्छेकाना गारा ,"नाङी आफ्नो मत्काउ क कुरा क्लातना ङा क आज्ञा मा मानेयाङ मारै इन भुमी नाङ क कारण इ श्रापित ओह्रेका।जाम क लागै नाङी बेसखैत दुख्ख खयम बृन्याह्रेङ हुन न्हौ नाङ सिन्या ह्रेङ ,नाङ क जिउनाग मच्याहाल ग्वाङ्न्याहेङ।"मन्छे इ आफ्नो मत्काउ क बृङु हब्बा थाआ,जाङ क अर्थ हु ,"जीवन बैन्याङ"आहुखाझै हुन सब्ल जाती क जेयु कहलाइया।अनि परमेस्वर ले आदम र हब्बा काना पशु क छाला क ठ्याङ्ह्री बनात फाङ बयासि।

अनि परमेस्वर इ गारा, "नो मन्छेराँउ कनि ङै साङ्ल मजा दै दामनिको दास्न्याङ ओह्रेक्सी"हुन्लमारै हुराउ इ नो जीवन क रुखा क सयु कैतना हुराउ सदाल् भरेत जिबित ह्रेम तादारे द खैत ,पर्मेस्वर इ आदम दै हब्बा काना हुन सुन्दर बगैँचा हाइत तोनलेत बैसी ।परमेस्वर इ जीवन क रुखा कुरेम क लागै शक्तिसाली स्वर्गदुतराउ काना बगैचा क मुल ढेला हा पहरेदार क रुपहा खटाआ।